მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სააკაშვილის მეგობრები, შინ და გარეთ ცდილობენ, აარიდონ მას ის სამართლიანი სასჯელი, რომელიც ქართულმა მართლმსაჯულებამ გამოუტანა" - შალვა პაპუაშვილი
18:21 / 01-12-2022
პარლამენტის თავმჯდომარის შალვა პაპუაშვილის განცხადებით, ექსპრეზიდენტ მიხეილ სააკაშვილის მეგობრები ცდილობენ, ყველანაირად აარიდონ მას იმ სამართლიანი სასჯელი, რომელიც ქართულმა მართლმსაჯულებამ გამოიტანა. მან მიხეილ სააკაშვილის დედის, გიული ალასანიას მხრიდან ლობისტური კომპანიის დაქირავების შესახებ გავრცელებული ინფორმაცია შეაფასა და აღნიშნა, რომ სააკაშვილის მხარდამჭერები ცდილობენ, ჯანმრთელობის მდგომარეობა "პიარის“ საკითხი გახადონ.
"სამწუხაროდ, დიდი ხანია სააკაშვილის მხარდამჭერები ცდილობენ, რომ ეს საკითხი სამართლებრივ ფარგლებს გარეთ გაიტანონ და "პიარის“ საკითხი გახადონ, ეს ფაქტიც ამაზე მეტყველებს. ამ ლობისტური საქმიანობის შედეგებს ნახავთ მალე, ალბათ, სხვადასხვა სახის განცხადებებში გამოჩნდება. რასაც ჩვენ ბოლო პერიოდში სააკაშვილთან დაკავშირებით ვხედავთ, არის ის, რომ მისი მეგობრები, შინ და გარეთ ცდილობენ, ყველანაირად აარიდონ მას ის სამართლიანი სასჯელი, რომელიც ქართულმა მართლმსაჯულებამ გამოუტანა, მათ შორის ადამიანის უფლებათა ევროპული სასამართლოს გადაწყვეტილებაზე დაყრდნობით, რომელიც "გირგვლიანის საქმეს“ შეეხებოდა. ზოგადად, ვიდრე სააკაშვილი უკანონოდ შემოვიდოდა საქართველოში, მანამდე მფარველობას ვხედავდით. ახლა, მას შემდეგ, რაც ის მართლმსაჯულების აღსრულების პროცესში არის, მის მიმართ არის გარკვეული მფარველობა, რომ რამენაირად დაიხსნან იმ კანონიერი სასჯელისგან, რომელიც მის წინააღმდეგ არის გამოტანილი“,-განაცხადა პაპუაშვილმა.
რაც შეეხება ცენტრ "ემპათიას“ მიერ გასაჯაროებულ დასკვნას, შალვა პაპუაშვილი აცხადებს, რომ ამ ორგანიზაციას და მის ხელმძღვანელს არ ენდობა.
"რაც შეხება სამედიცინო დასკვნებს, მე არ ვარ ამ დარგის სპეციალისტი, ამიტომ ვერაფერს ვიტყვი. ამას შესაბამისი სპეციალისტები შეხედავენ. "ემპათიასთან“ დაკავშირებით არაერთხელ მითქვამს, მათ შორის მის ხელმძღვანელთან დაკავშირებით, ვიდრე პოლიტიკაში მოვიდოდი, მახსოვს, "ემპათია“ და მის ხელმძღვანელი "ბაჩალეიშვილის საქმეზე“, "შაქარიშვილის საქმეზე“, მთელ საზოგადოებას ახსოვს, რამხელა სიყალბე იყო მათი მხრიდან. ოჯახებს არ ინდობდნენ ისეთი სახის განცხადებებს აკეთებდნენ, ვითომ საექსპერტო დასკვნებს, რაც აბსოლუტური ტყუილი იყო. დადასტურდა კიდეც, რომ ეს ტყუილი იყო. დასკვნის შინაარს ვერ შევაფასებ, ამისთვის სპეციალისტები არსებობენ, თუმცა, პირადად, საქართველოს მოქალაქეს არანაირი ნდობა ამ ორგანიზაციისა და მისი ხელმძღვანელის მიმართ არ მაქვს, რადგან ვნახეთ მათი სიყალბე ბაჩალეიშვილისა და შაქარიშვილის საქმეზე“,-განაცხადა პაპუაშვილმა.
ცნობისთვის, ცენტრ "ემპათიას“ ინფორმაციით, საქართველოს მესამე პრეზიდენტს, მიხეილ სააკაშვილს დაახლოებით, 10 დიაგნოზი აქვს, რაც შეუთავსებელს ხდის მის პატიმრობას.
როგორც ცენტრ "ემპათიას“ დასკვნაშია ნათქვამი, მიხეილ სააკაშვილს აღენიშნება დაუდგენელი ეტიოლოგიის ცხელება, ანორექსია, წონაში სწრაფი კლება, კუნთების, სახსრების ძვლების ტკივილი, სხეულზე ექსკორიაციები - ნაკაწრები - ფხანის კვალი, კუნთების განლევა, რომელიც შესაძლოა, წარმოადგენდეს დაუდგენელი ინფექციური პროცესის ან/და შესაძლო ინტოქსიკაციის შედეგებსაც.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არ იცით რას აკეთებთ.
არც ის როგორ უნდა გააკეთოთ.
მძიმე პასუხისმგებლობის დრო დადგება და ყველა ვერ გაასწრებთ.
უყვარს ბიჭს პორტუგალია თურმე და იქ სელფაობა. კაი გემოვნება აქვს, სარატოვი აღარ მოეწონება საცხოვრებლად