მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემი შვილის თაობას არ მოუკლავს ნიკა კვარაცხელია, მისი მკვლელობა ალბათ, ძალიან შორეული საბჭოეთის ქვეყნიდან მოდის, ალბათ რუსეთში დაიგეგმა" - იზა ომაძე
14:44 / 01-12-2022
ძალიან მიჭირს, მაგრამ ჩემს მონატრებას ამით ვებრძვი, რომ ჩემი შვილის დახვრეტის კადრებს ვნახულობ. დამხვრეტი იყო ჭელიძე, დედა, რომელმაც ჭელიძე გაზარდა, დედა არ არის და ეს ოჯახი საერთოდ ოჯახი არ არის, - ამის შესახებ ნიკა კვარაცხელიას დედამ, იზა ომაძემ განაცხადა.
ის არ გამორიცხავს, რომ მისი შვილის მკვლელობა შესაძლოა, რუსეთში დაიგეგმა. ამასთან, ომაძე აცხადებს, რომ ნიკა კვარაცხელიას მკვლელობაში მსჯავრდებულები აკო ჭელიძე და გიორგი კავილაძე დამკვეთებსა და მფარველებს დაასახელებენ.
"წინა სხდომაზე მკვლელმა კავილაძემ იმდენად გააშიშვლა "მეფეც" და იმდენად გააშიშვლა თავისი თავიც, ხელის გულზე დადო ყველაფერი. ვიღაცას მოუწოდა, ვინც პარლამენტში მუშაობს, ასევე, ახალგაზრდას მოუწოდა, ვისაც ქვეყანა დატოვებული აქვს და სადღაცაა, თუ არ მიშველით და აქედან არ დამიხსნით, ყველას სათითაოდ დაგადებთ ხელსო. მე არ ვიცი ვინ არის საზღვარგარეთ, ვინ მუშაობს პარლამენტში, ვიკითხოთ. ძალიან ბევრი მწერდა, რატომ მივმართე მხოლოდ კავილაძის დედას. რაც შეეხება ჭელიძის ოჯახს და მის დედას, საერთოდ დედად არ ვთვლი, ამ ოჯახს ადამიანებად არ ვთვლი. ყოველდღე, პროცესის წინ და ზოგადადაც, ძალიან მიჭირს, მაგრამ ჩემ მონატრებას ამით ვებრძვი, რომ ჩემი შვილის დახვრეტის კადრებს ვნახულობ. დამხვრეტი იყო ჭელიძე, დედა, რომელმაც ჭელიძე გაზარდა, დედა არ არის და ეს ოჯახი საერთოდ ოჯახი არ არის. აუცილებლად დავდებ მათი ოჯახის მოძღვრის სამძიმარს და თხოვნას, რომელიც მთხოვდა, უფლება მიმეცა, სვანური წესით გაესამართლებინათ აკო ჭელიძე. არ ვითხოვ სვანური წესით გასამართლებას, მაგრამ მაინტერესებს, რატომ არ აღიარებენ, აკო ჭელიძე აბსოლუტურად გაყვანილი ჰყავთ თამაშიდან, შეიძლება რამის ზემოქმედების ქვეშაც არის,რადგან კავილაძე დასაცავი ჰყავთ, კავილაძემ ყველაფერი იცის“, - განაცხადა ომაძემ.
მისივე განმარტებით, ის არავის დაასახელებს არ აპირებს.
"თქვენ იცით კონკრეტული სახელები და გვარები, რომელმა მშობლებმაც დაასახელეს გვარები და იცით ის მშობლები დღეს სად არიან, ერთი ერთ საფლავში წევს, მეორე - მეორე საფლავში. ამიტომ, სხვისი შვილები რომ გადავარჩინო, მე არ დავასახელებ, სახელებს და გვარებს დაასახელებს გიორგი კავილაძე. ჩემი შვილის თაობას არ მოუკლავს ნიკა კვარაცხელია, ნიკა კვარაცხელიას მკვლელობა ალბათ, ძალიან შორეული საბჭოეთის ქვეყნიდან მოდის, ალბათ, იქ დაიგეგმა, ალბათ რუსეთიდან. ვფიქრობ, კავილაძის ოჯახიც და კავილაძეც ძალიან ფასეულია, ამიტომ მან ყველაფერი იცის, გაასაჯაროონ მისი აყვანის, დაკითხვის კადრები. პოლიციელები პირად საუბრებში აბსოლუტურად შეძრულები ჰყვებოდნენ, თუ რა მძიმე იყო მკვლელის დაჭერა და იმის მოსმენა, თუ როგორ მოკლეს ნიკო კვარაცხელია დაკვეთით.
აკო ჭელიძემაც და გიორგი კავილაძემაც აუცილებლად უნდა დაასახელონ, ამის მოლოდინი მაქვს, აუცილებლად ისინი დაასახელებენ. გიორგი კავილაძე საცოდავი, შეუმდგარი ახალგაზრდა, "ნუთელაზე“ და კაკაოზე გაზრდილი ახალგაზრდა ვერ გაუძლებს ციხეში სამუდამოდ ჯდომას. მე არ ვიცი, ვის დაასახელებს, მე არანაირი ინტერესი არ მაქვს, კაკულიები დაასახელოს, მფარველები, ვფიქრობ, ძალიან სერიოზული ადამიანები არიან. მთელი საქართველო დგას ჩვენ გვერდით, რადგან შეუძლებელია მფარველები დაასახელონ, ამიტომ ვფიქრობ, ძალიან სერიოზულია მფარველი.
რაც შეეხებათ კაკულიებს, მათ ჩვენებას გადავხედე, ისინი დუმილის უფლებას ინარჩუნებენ, რაც ჩემამდე მოსულია, იქ არაფერი ამომიკითხავს. თავიდან, როცა ეს ფაქტი მოხდა და ნიკო კვარაცხელიას ესროლეს, მაშინვე, 10 წუთში, ვერსია გაჩნდა, ეს იყო "დადებული“ და წინასწარ დაწერილი, რომ ასე უნდა გავრცელებულიყო, ამ კუთხით უნდათ ამის წაყვანა. თავიდანვე, 10 წუთში ვიღაცამ დადო ვერსია, რომ ეს ამბავი შეიძლება კაკულიებმა გააკეთეს, ამის არანაირი საფუძველი არ გვქონდა, საქმე ალბათ, სხვა მიმართულებით მიჰყავთ. მე, როგორც დედას და ჩვენ, მშობლებს არანაირი საფუძველი არ გვქონდა კაკულიებზე, ჩემ შვილს არანაირი შეხება არ ჰქონდა მათთან.
როცა კავილაძე აიყვანეს, მთელი წყნეთის პოლიცია იყო შეძრული, კავილაძემ პირდაპირ ხელი დაადო მათ, ეს არის უტყუარი ინფორმაცია. მე ამან მომცა საფუძველი, მაგრამ იქ შეკრებილ მეზობლებს ერთმა პოლიციელმა განუცხადა, რომ ეს ინფორმაცია გავრცელებულიყო. ნიკო კვარაცხელია მოკლეს იმის გამო, რომ ძალიან წარმატებული ახალგაზრდა იყო, მისი პროექტი იყო გრანდიოზული პროექტი, ვფიქრობ, ასეთი ნიჭიერი ახალგაზრდები ქვეყანაში არ სჭირდებათ“, - განაცხადა ომაძემ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორი მწარეა დედასთვის.
არ გაიხაროს ნიკოს მკვლელებმა და არც გაიხარებენ განა რა დაუშავა ამ ანგელოზმა ბიჭმა ისეთი რომ მიწისთცის გაიმეტეს არ არის სწორად გათვლილი ვინ მიწაში წევს და ვინ მიწას ღალავს