როგორ გამოიყურება კიმ კარდაშიანის "სასაკლაო სახლი", რომელიც მწვავე კრიტიკის საგანი გახდა (ფოტო)

რეალითი შოუს ვარსკვლავი, კიმ კარდაშიანი, სახლის ინტერიერის არჩევანის გამო კიდევ ერთხელ მოექცა კრიტიკის ქვეშ. სოციალურ ქსელებში ხალხი მის სახლს, ხუმრობით, "სასაკლაო სახლს" უწოდებს.

42 წლის კარდაშიანმა "ინსტაგრამზე" მისი სახლის საახალწლო დეკორაციის ფოტოები ატვირთა და ასე დაათვალიერებინა მაყურებლებს მისი უშველებელი სასახლე. სოციალური ქსელის მომხმარებლებს, თვალში ნაცრისფერი ტონალობის მქონე მისაღები ოთახი მოხვდათ, რომელიც მთლიანად თეთრი ავეჯითაა გაწყობილი.

ყველაზე საკამათო კიმის საძინებლის ფოტო გამოდგა, სადაც მისი უზარმაზარი საწოლი მარმარილოს ჩარჩოს ფონზეა დადგმული. სივრცე მთლიანად ერთ, უსიცოცხლო ტონალობაშია გაწყობილი, რაზეც ერთ-ერთმა მომხმარებელმა დააკომენტარა: "ესთეტიკა = დეპრესია ტრავმით", მეორე წერს: "საფლავში ცხოვრობ", მესამე კომენტარის ავტორი კარდაშიანს მიმართავს: "კიმბერლი, სასჯელაღსრულების დაწესებულებებიც კი უფრო მყუდროა, ვიდრე ეს". "სამარტოო საკანს მახსენებს",- წერდა კიდევ ერთი მომხმარებელი.

კარდაშიანის მილიონობით გულშემატკივარი მისი ერთადერთი კრიტიკოსი არაა და მათ კიმის უფროსი ქალიშვილი, ნორთიც უერთდება. პატარა გოგონამ მათ სახლს "მახინჯი" უწოდა: "ყოველ ჯერზე, როცა რაიმეზე ვკამათობთ, მეუბნება, რომ ჩემი სახლი მახინჯია, ის მთლიანად თეთრია და ასე არავინ ცხოვრობს. ცოტა მწყინს, რადგან მე მომწონს ჩემი სახლი", - ამბობდა ქალიშვილზე განაწყენებული კიმ კარდაშიანი.

წყარო: nypost

მოამზადა: ანა სიბოშვილმა