!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვამაყობ, რომ ვარ ირანის ნაკრების, ამ ბიჭების მწვრთნელი... მათ ესმოდათ რისთვის თამაშობდნენ, ესმოდათ საკუთარი მისია" - აშშ-ირანის მატჩის პოლიტიკური კონტექსტი და პირველი მერვედფინალისტები
09:30 / 30-11-2022
გუშინ, მსოფლიოს ჩემპიონატზე A და B ჯგუფებში ბოლო ტურის მატჩები გაიმართა და პლეი - ოფში გასული გუნდები, შესაბამისად, პირველი მერვედფინალური წყვილები გახდა ცნობილი. A ჯგუფიდან ნიდერლანდები და სენეგალი აგრძელებენ ასპარეზობას. ნიდერლანდებმა მასპინძელ კატარს 2:0 სძლია და ჯგუფიდან პირველი ადგილით გავიდა. პირველად ისტორიაში, მასპინძელმა გუნდმა ჯგუფური ეტაპი 0 ქულით დაასრულა. სენეგალმა კი ეკვადორს, რომელსაც ჯგუფიდან გასასვლელად ფრეც ჰყოფნიდა, ანგარიშით 2:1 მოუგო, ჯგუფში მეორე ადგილზე და პლეი-ოფში ისტორიაში მეორედ გავიდა. პირველად ეს 2002 წელს მოახერხა.
B ჯგუფიდან კი მერვედფინალში ინგლისი და აშშ იასპარეზებენ. ინგლისმა უელსი 3:0 დაამარცხა და ჯგუფიდან პირველი ადგილით გავიდა.
აშშ-მა კი ირანს 1:0 სძლია და ჯგუფში მეორე ადგილი დაიკავა.
მერვედფინალში ნიდერლანდები აშშ-ს, ინგლისი კი სენეგალს შეხვდება. მატჩები 3 და 4 დეკემბერს ჩატარდება.
აშშ-ირანის მატჩის მიმართ უდიდესი იყო ინტერესი, უპირველესად პოლიტიკური კონტექსტის გამო. ეს იყო უმძიმესი ტურნირი ირანის ნაკრებისთვის, რაც გამოწვეული იყო ირანში მიმდინარე საპროტესტო აქციებით. მთავარი მწვრთნელი კარლოს კეირუში ცდილობდა გაქცეოდა პოლიტიკაზე დასმულ შეკითხვებს, რათა როგორმე შეემცირებინა ფეხბურთელებზე ზეწოლა, თუმცა ამ ყველაფერმა გავლენა მაინც მოახდინა და ირანი სამ მატჩში ორი წაგებით ჯგუფში ჩარჩა.
რაც შეეხება ირანი-აშშ-ს დაპირისპირებას, როდესაც ორი ქვეყანა, რომელთაც, რბილად რომ ვთქვათ, დაძაბული ურთიერთობა 1979 წლიდან მოყოლებული აქვთ, ერთმანეთს ხვდება მუნდიალზე, რომელიც პირველად ტარდება არაბულ ქვეყანაში, ბუნებრივია ისედაც დაძაბული იქნებოდა... ამას დაემატა ისიც, რომ ირანს დასავლეთი ახალ სანქციებს უწესებს რუსეთის სამხედრო მხარდაჭერის გამო, თეირანი კი სასტიკად უსწორდება ქალების აგორებულ საპროტესტო ტალღას. ამბობენ, სპორტი და პოლიტიკა უნდა გაიმიჯნოსო, მაგრამ ეს წარმოუდგენელი იყო ირანის ნაკრების შემთხვევაში...
ან კი როგორ უნდა გახვიდე მოედანზე და წარმატებით ითამაშო, როდესაც მატჩამდე რამდენიმე საათით ადრე ვრცელდება ინფორმაცია, რომ ირანის მსოფლიო ჩემპიონატის საფეხბურთო ნაკრების ფეხბურთელებს ოჯახის წევრების პატიმრობითა და წამებით დაემუქრნენ, თუ ისინი მსოფლიო ჩემპიონატზე, აშშ-თან მატჩის წინ "არასათანადოდ მოიქცეოდნენ", - ეს ინფორმაციას BBC-მ თამაშების უსაფრთხოებაში ჩართულ წყაროზე დაყრდნობით გაავრცელა. წყაროს ინფორმაციით, მას შემდეგ, რაც 21 ნოემბერს, ირანელმა ფეხბურთელებმა უარი თქვეს ეროვნული ჰიმნის შესრულებაზე ინგლისის წინააღმდეგ მატჩის წინ, ისინი ირანის რევოლუციის გუშაგთა კორპუსის წევრებთან შეხვედრაზე დაიბარეს და უთხრეს, რომ მათ ოჯახებს "ძალადობა და წამება“ ემუქრებათ, თუ ეროვნულ ჰიმნს არ შეასრულებენ, ან თეირანის რეჟიმის წინააღმდეგ რაიმე პოლიტიკურ პროტესტს შეუერთდებიან.
შეგახსენებთ, ირანის ეროვნული ნაკრების წევრებმა, მსოფლიო ჩემპიონატის პირველი ტურის მატჩისას ინგლისის წინააღმდეგ, საკუთარი ქვეყნის ჰიმნი არ შეასრულეს. ამით მათ სოლიდარობა გამოუცხადეს საპროტესტო გამოსვლებს, რომლებიც ირანში, სექტემბერში, ე.წ. მორალის პოლიციის მიერ დაკავებული 22 წლის ქურთი ქალის, მაჰსა ამინის დაღუპვის შემდეგ დაიწყო.
მატჩამდე გამართულ პრესკონფერენციაზე, ირანის ეროვნული საფეხბურთო ნაკრების კაპიტანმა ეხსან ხაჯსაფიმ საჯაროდ მხარი დაუჭირა ანტისამთავრობო აქციების მონაწილეებს, რომელთა ჩახშობასაც ირანის ხელისუფლება უკვე ორი თვეა ცდილობს.
"მათ უნდა იცოდნენ, რომ მათთან ვართ, მხარს ვუჭერთ და თანავუგრძნობთ მათ. უნდა ვაღიაროთ, რომ ჩვენს ქვეყანაში არსებული პირობები არასწორია და ჩვენი ხალხი უკმაყოფილოა. ჩვენ აქ ვართ, მაგრამ ეს არ ნიშნავს, რომ ჩვენ არ უნდა ვიყოთ მათი ხმა ან პატივი არ უნდა ვცეთ მათ. ყველაფერი, რაც გაგვაჩნია, მათგანაა", - განაცხადა კაპიტანმა.
ირანელმა ფეხბურთელებმა პარასკევს, უელსის წინააღმდეგ თამაშის დროს ჰიმნი შეასრულეს, შეეცადნენ ემღერათ აშშ-თან თამაშის წინაც, თუმცა ეს აშკარად არ იყო იმედით და ენთუზიაზმით ნამღერი.
"ფეხბურთი ყოველთვის სჯის გუნდს, რომელსაც ვერ იტანს. გუნდმა, რომელმაც, პირველ ტაიმში გაიტანა, გაიმარჯვა", - თქვა ირანელთა პორტუგალიელმა მწვრთნელმა კარლოს კეირუშმა თამაშის შემდეგ.
"ჩვენ შევქმენით მომენტები, მაგრამ გოლის გასატანად ვერ გამოვიყენეთ, ამიტომაც დავისაჯეთ. ფრე იქნებოდა სწორი შედეგი, მაგრამ ფეხბურთში სამართლიანობა არ არსებობს.. ვამაყობ, რომ ვარ ირანის ნაკრების, ამ ბიჭების მწვრთნელი..." - განაცხადა მწვრთნელმა.
მან ისაუბრა მუქარის შესახებ გავრცელებულ ინფორმაციაზეც.
"ჩვენც გავიგეთ მუქარის რამდენიმე ისტორიის შესახებ, რაც მიიღეს მოთამაშეებმა, მაგრამ შემიძლია გითხრათ, რომ საქმისადმი დამოკიდებულების წყალობით მათ ნელ-ნელა მაინც შეძლეს, რომ გაეღიმათ... მათ ესმოდათ რისთვის თამაშობდნენ, ესმოდათ საკუთარი მისია..."
იხილეთ ასევე:
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შემდეგი მსოფლიოს ჩემპიონატი მექსიკაში, აშშ-ში და კანადაშია. აშშ კიდევ უფრო უკეთესი გუნდი იქნება. ასევე აფრიკის და აზიის გუნდებიც გაძლიერდებიან. შემდეგ კი, შეიძლება სამეულის ფავორიტებიც გახდნენ. ევროპა და სამხრეთ ამერიკა უნდა შეეგუონ ამას!!!
ბურთს ვერ იტანს რა ქართულია?