მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პალიტრა L-ის“ ახალი პროექტის ფარგლებში პირველი მიხეილ ჯავახიშვილის ხუთტომეული გამოიცემა
12:23 / 24-11-2022
„XXI საუკუნის ოჯახს ახალი ბიბლიოთეკა სჭირდება“ - ამ სლოგანით გამომცემლობა „პალიტრა L-მა“ ახალი პროექტი დაიწყო. პროექტის ფარგლებში 28 ნოემბრიდან მკითხველს წიგნების განსაკუთრებული პირობებითა და განსაკუთრებულ ფასად შეძენა შეეძლება. წიგნები ახლა უკვე პრესის გარეშე გაიყიდება.
პროექტის ფარგლებში პირველი მიხეილ ჯავახიშვილის ხუთტომეული გამოიცემა. 28 ნოემბრიდან პირველი ტომის, „კვაჭი კვაჭანტირაძის“ შეძენა ერთი კვირის განმავლობაში სპეციალურ ფასად, 14 ლარად იქნება შესაძლებელი. ახალი ტომები თვეში ერთხელ გამოვა. სერიის ფარგლებში ასევე გამოიცემა:
- მეორე ტომი -„არსენა მარაბდელი“,
- მესამე ტომი - „ჯაყოს ხიზნები“, „გივი შადური“,
- მეოთხე ტომი - მოთხრობები, წერილები
- მეხუთე ტომი „თეთრი საყელო“
„XXI საუკუნის ოჯახს ახალი ბიბლიოთეკა სჭირდება“ - ამ იდეით შექმნილი პროექტის ფარგლებში გამოსაცემ წიგნებს თავად მკითხველი არჩევს. ავტორის შერჩევამდე გარკვეული პერიოდით ადრე დაიწყო სპეციალური გამოკითხვა, თუ ვისი წიგნების შეძენას ისურვებდნენ. მათი რჩეული კი ამ ეტაპზე მიხეილ ჯავახიშვილი გახდა. მეორე ავტორი, რომელიც ახალი პროექტის ფარგლებში გამოიცემა, ჟიულ ვერნია.
მიხეილ ჯავახიშვილის წიგნები დღემდე არ კარგავს აქტუალობას და სწორედ ამისი დასტურია ის ფაქტიც, რომ ქართველმა მკითხველმა ახალი ბიბლიოთეკის პირველ ავტორად სწორედ ის აირჩია. მწერალი, რომელიც რუსულ რეპრესიებს შეეწირა, თავისი შემოქმედებით მუდმივად ქართველი ერის დაცვასა და გამოფხიზლებას ცდილობდა. მწერალი 1937 წლის 14 აგვისტოს დააპატიმრეს და ბერიას თანდასწრებით, "აღიარებაზე" წამების ქვეშ ხელი მოაწერინეს. სასჯელი აღსასრულში მოიყვანეს დახვრეტით, იმავე წლის 30 სექტემბერს. მწერლის არქივი განადგურდა, ხოლო მის ქონებას კონფისკაცია გაუკეთდა. მოგვიანებით მისი ძმაც დახვრიტეს, მეუღლე კი გადაასახლეს. მიხეილ ჯავახიშვილზე ცენზურა 1950-იანი წლების ბოლოს მოიხსნა. რეაბილიტაციის შემდეგ მისი ნაწარმოებების კვლავ გამოცემა დაიწყო. მწერალი კარგად გაიცნო ქართველმა მკითხველმა, დააფასა და შეიყვარა. მას შემდეგ მიხეილ ჯავახიშვილის სხვადასხვა გამოცემა ქართველების წიგნების თაროზე განსაკუთრებულ, საპატიო ადგილს იკავებს.
ათწლეულების შემდეგ, დღეს, როდესაც რუსული აგრესია კვლავ აქტუალური პრობლემაა, ქართველი მკითხველი კვლავ მიხეილ ჯავახიშვილს ირჩევს და კითხულობს. ის ახალი ოჯახების ახალი ბიბლიოთეკის პირველი წიგნი იქნება.
გამომცემლობა „პალიტრა L-ის“ პიარისა და მარკეტინგის დეპარტამენტის ხელმძღვანელის მარიამ გიორგაძის განმარტებით, კლასიკოსი ავტორები და განსაკუთრებით ქართველი კლასიკოსები ყოველთვის მოთხოვნადია.
„მათი შემოქმედება, დროის მიუხედავად, არ კარგავს აქტუალურობას. მიხეილ ჯავახიშვილი ის ავტორია, რომლის შემოქმედებაც ზუსტად და სწორად ასახავს როგორც გარდასულ, ისე თანადროულ საზოგადოებრივ-პოლიტიკურ თუ სოციალურ მოვლენებს და იმავდროულად, ეხმიანება მომავალსაც. ჯავახიშვილის ნაწარმოებებში თანამედროვე მკითხველი უამრავ „დღევანდელობას“ ამოიკითხავს და საინტერესო პარალელებსაც აღმოაჩენს. ამ სერიის პირველი წიგნი იქნება „კვაჭი კვაჭანტირაძე და მისი თავგადასავალი“. კვაჭი – ეს არის პერსონაჟი, რომელიც მუდამ არსებობდა და არსებობს. ის დღესაც ჩვენ შორისაა, თუმცა შესაძლოა მისი ფენომენისთვის სახელი ჯერაც ვერ დაურქმევია ახალგაზრდა მკითხველს,“ - აღნიშნავს მარიამ გიორგაძე.
პროექტის ფარგლებში მომავალი ავტორებისა და ნაწარმოებების შერჩევა კვლავ მკითხველის აქტიური ჩართულობით მოხდება.
„გამომცემლობა „პალიტრა L~ მუდმივად სთავაზობს მკითხველს ახალ პროექტებს, რომლებიც, შეიძლება ითქვას, რომ გამომცემლობისა და მკითხველის თანამონაწილეობით ხორციელდება. ყოველთვის ვცდილობთ ჩვენი მკითხველის მოთხოვნების, სურვილებისა და საჭიროებების გათვალისწინებას. ახალი პროექტი გაერთიანებულია მთავარი იდეის – XXI საუკუნის ოჯახს ახალი ბიბლიოთეკა სჭირდება – გარშემო.ეს ბიბლიოთეკა ერთად უნდა შევქმნათ. ერთად გადავწყვიტოთ, რომელი ავტორები და რა ჟანრის ლიტერატურა უნდა იყოს ამ პროექტში. დავიწყეთ გამოკითხვები სოციალური ქსელით, სხვადასხვა არხით. მკითხველმა იდეის მიმართ საკმაოდ დიდი ინტერესი გამოიჩინა – ყოველდღიურად გვიგზავნიან შევსებულ კითხვარებს. გვიხარია, რომ პროექტს ასეთი ინტერესი და გამოხმაურება მოჰყვა. რაც მთავარია, საზოგადოება უკვე ელოდება ამ პროექტის წიგნებს. აქვე დავამატებ: ნებისმიერ მსურველს შეუძლია რჩეულ ავტორსა თუ ნაწარმოებზე ტელეფონით გვაცნობოს. დარეკეთ ნომერზე: 032 2 47 00 45. XXI საუკუნის ოჯახს ახალი ბიბლიოთეკა სჭირდება - ეს პროექტი თანამედროვე მოთხოვნებსა და მოლოდინებს სრულად შეესაბამება. მკითხველის ჩართულობითა და მათი სურვილების გათვალისწინებით ვქმნით ამ სერიებს, შესაბამისად, დარწმუნებული ვარ, რომ პროექტის თანამონაწილე მკითხველიც დიდი მოლოდინით დაელოდება ახალ გამოცემებს და შეავსებს/განაახლებს ან/და შექმნის სრულიად ახალ ბიბლიოთეკას – XXI საუკუნის ბიბლიოთეკას. მნიშვნელოვანია ისიც, რომ მსურველი წიგნების შეძენას სპეციალურ ფასად შეძლებს,“ - დაამატა მარიამ გიორგაძემ.
ახალი პროექტის ფარგლებში გამოცემული წიგნების შეძენა მკითხველს ერთი კვირის განმავლობაში განსაკუთრებულ ფასად შეეძლება. წიგნის მოყვარულებს შეუძლიათ გახდნენ გამომწერები და მათთვის მოსახერხებელი ფორმითა და პერიოდულობით მიიღონ საკუთარ ინტერესზე მორგებული წიგნი თუ წიგნების სერიები, რომლებიც სპეციალურად ამ პროექტისთვის გამოიცემა. პრესის გარეშე წიგნის განსაკუთრებულ ფასად შეძენა რამდენიმე გზითაა შესაძლებელი.
1. სასურველი წიგნის შეძენა შეგიძლიათ პრესის ჯიხურებსა და „ბიბლუსის“ ქსელში მთელი საქართველოს მასშტაბით. წიგნს გამოსვლიდან ერთი კვირის განმავლობაში სპეციალურ, დაუჯერებელ ფასად შეიძენთ.
ან გახდით გამომწერი:
2. დააფიქსირეთ თქვენი ინტერესი ამა თუ იმ გამოცემის, ტომეულისა თუ პროექტის მიმართ გამომცემლობის სატელეფონო ცენტრში, დათქმულ დროსა და ადგილზე წიგნების სპეციალურ ფასად მიიღებთ. ტელ.: 322 47 00 45
3. გამოიწერეთ სპეციალურად თქვენთვის შექმნილი ტომეული ონლაინ, განსაკუთრებულ
ფასად საიტიდან. თანხის ერთიანად გადახდის შემთხვევაში მიიღეთ
დამატებითი 10%-იანი ფასდაკლება ან გადაიხადეთ ყოველთვიურად თქვენ მიერ შერჩეულ
რიცხვში, შეძენილ წიგნებს კი სასურველ მისამართზე მიიღებთ.
სატელეფონო და ონლაინ გამოწერის შემთხვევაში, საკურიერო მომსახურების ფასი მთელი საქართველოს მასშტაბით მხოლოდ 2 ლარია.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
