სიღნაღში ქმრის მიერ დაჭრილი ქალი ორთვიანი კომატოზური მდგომარეობის შემდეგ გარდაიცვალა. ინფორმაციას იურისტი ელისო რუხაძე სოციალურ ქსელში ავრცელებს.
ფაქტი ბოდბეში 9 სექტემბერს მოხდა. ქმარმა ცოლი ცეცხლსასროლი იარაღით თავის არეში დაჭრა. დაჭრილი თავდაპირველად წნორის „არქიმედეს“ კლინიკაში მოათავსეს, თუმცა მდგომარეობის სიმძიმის გამო, მისი თბილისში გადაყვანა გახდა საჭირო.
"ამ დილით ბოდბეში ქმრის მიერ სანადირო თოფით უმოწყალოდ დაჭრილი ქალი გარდაიცვალა, მერამდენე ქალი უნდა შეეწიროს მოძალადე კაცების არაჯანსაღ ფსიქიკას, დომინანტობის სურვილს და უაზრო ამბიციებს? რა დააშავეს საოცარმა ბავშვებმა, რომელთაც ჯიუტად სჯეროდათ დედის გადარჩენის!
ამის ფონზე ვგმობ შესუსტებულ სახელმწიფო პოლიტიკას,ძალადობის მსხვერპლი ქალის ცემის,მოკვლის მუქარის და ძალადობის უმძიმეს საქმეებზე მოსამართლეების მიერ 45000 ლარიანი გირაოთი და 10000 ლარიანი ჯარიმით შეფასებულ რისკებს!!
შსს მხრიდან ქალთა მიმართ ძალადობის საქმეებზე არასენსიტიურ დამოკიდებულებებს და ჩემი კოლეგების მხრიდან მსხვერპლი ქალების და მათი ადვოკატების დამუნათებასა და არაეთიკურ დამოკიდებულებებს... ტყუილად ვიშვიშებთ, სანამ ეს მოცემულობა გვაქვს, გვირაბის ბოლოს სინათლე არ გამოჩნდება....ვუსამძიმრებ ოჯახს და მთელ საქართველოს კიდევ ერთი უდანაშაულო ქალის სიკვდილს, უფალმა დაუმკვიდროს ცათა სასუფეველი!შემთხვევა 2022 წლის 4 სექტემბერს მოხდა" - წერს ელისო რუხაძე.
