მნიშვნელოვანი ინფორმაცია
19
ივლისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 00:21-ზე – დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული აჩქარება, აქტიურობა. ხელშეკრულებების და კონტრაქტების გაფორმება. გადაწყვეტილებების მიღება. დღე ხელსაყრელია მოგზაურობისა და მივლინებისთვის. დღე შესაფერისია ორგანიზმის გასაწმენდად. არ არის რეკომენდებული სოკოსა და ნესვის ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სასწაულის შემოქმედი: საუდის არაბეთის მთავარი მწვრთნელი, რომელიც დამლაგებლად მუშაობდა - ვინ არის ერვე რენარი და როგორ მოაგებინა გუნდს ვარსკვლავებით სავსე არგენტინასთან
20:40 / 22-11-2022
2022 წლის მსოფლიო ჩემპიონატის მესამე დღეს არგენტინის ეროვნული ნაკრები, რომელიც ტურნირის ერთ-ერთ ფავორიტად ითვლება, საუდის არაბეთთან 1:2 დამარცხდა. მიუხედავად იმისა, რომ სამხრეთ ამერიკელები თავდაპირველად ლიონელ მესის გოლით დაწინაურდნენ, მეორე ტაიმში 5 წუთში ორი გოლი გაუშვეს და დარჩენილ დროში წონასწორობის აღდგენა ვეღარ მოახერხეს.
მატჩის ერთ-ერთი გმირი საუდის არაბეთის მთავარი მწვრთნელი ერვე რენარია, 54 წლის ფრანგი სპეციალისტი, რომელმაც ევროპაში წარმატებას ვერ მიაღწია, თუმცა ევროპიდან წასვლი შემდეგ ყველაფერი სხვაგვარად წარიმართა. საერთოდაც, რენარს სპეციფიკური კარიერა აქვს. მან არა მხოლოდ დაბალი დონის ფრანგულ ლიგებში მოასწრო მუშაობა, არამედ, ჩინეთსა და ვიეტნამშიც წვრთნიდა ფეხბურთელებს.
- მწვრთნელის რანგში პირველი ნაბიჯები ფრანგულ "დრაგინიანში“ გადადგა, სადაც არცთუ ისე შესაშური ფეხბურთელის კარიერა დაასრულა. თუმცა თავდაპირველად, მწვრთნელი მხოლოდ ნახევარ განაკვეთზე იყო - პარალელურად დამლაგებლად მუშაობდა, მოგვიანებით კი საკუთარი კომპანია დაარსა, რომელიც სამრეწველო სისუფთავეზე ორიენტირდებოდა.
მწვრთნელობას ხალიჩის წმენდას, ფანჯრების რეცხვასა და ნაგვის გატანას უთავსებდა, მაგრამ ნელ-ნელა ბიზნესიც გაიზარდა. "არ მრცხვენია იმის, რასაც ვაკეთებდი. ეს ბევრად რთული საქმე იყო, ვიდრე ფეხბურთელობა. 4-5 საათი მეძინა ხოლმე, ასეთი ცხოვრების რითმი 8 წლის განმავლობაში მქონდა", - გაიხსენა რენარმა.
მალე მისი სამწვრთნელო კარიერაც დაიძრა. საუდის არაბეთი მისთვის მე-6 ნაკრებია და ნაკრებებში, კლუბებისგან განსხვავებით, დიდ წარმატებას მიაღწია. რენარი ერთადერთი მწვრთნელია, რომელმაც აფრიკის ჩემპიონატი სხვადასხვა ნაკრებებით (2012 - ზამბია, 2015 -კოტ-დ’იუვარი) მოიგო. ეს ფრანგ სპეციალისტს დიდ სტიმულს აძლევს. "ეს რაღაც განსაკუთრებულია. როცა ფეხბურთელები მათ ქვეყანას წარმოადგენენ, ისინი ყოველთვის ვნებითა და გულით თამაშობენ. აი, რატომ მიყვარს ნაკრებებთან მუშაობა“, - ამბობს საუდის არაბეთის მთავარი მწვრთნელი.
ზამბიელებს არც რენარამდე და არც მის შემდეგ კონტინენტის პირველობა არ მოუგიათ. 2012-ში ზამბიის ნაკრების ავიაკატასტროფის მე-19 წლისთავი იყო. 1993 წელს ზამბიელები გაბონში ჩამოვარდნენ და ფაქტობრივად ოქროს თაობა სრულად დაკარგეს. 19 წლის შემდეგ, რენარის თავკაცობით, აფრიკის ჩემპიონატი გაბონში მოიგეს..
მაშინ ფინალში ზამბიამ საკმაოდ ძლიერი კოტ-დ’იუვარი შეაჩერა. 2 წლის შემდეგ კი რენარმა უკვე კოტ-დ’იუვარელებს მოაგებინა ტიტული.
ყველაფერთან ერთად, რენარი კარგ ფიზიკურ ფორმაშია. ის სპორტდარბაზში ფეხბურთელებთან ერთად ვარჯიშობს. "ნორვიჩის“ ექსმეკარე ჯონ რადდი იხსენებს: "ჩვენს მწვრთნელს ყოველთვის ჰქონდა მუშაობის სურვილი. ის არამხოლოდ გვთხოვდა ვარჯიშს, არამედ თავისი მაგალითით გვაჩვენებდა, როგორ უნდა გვევარჯიშა."
ჯერ კიდევ 2004 წელს, ფრანგმა კვებაზე გაამახვილა ყურადღება. "ერვე 2004-ში იმას აკეთებდა, რასაც მწვრთნელები ბოლო 5-6 წლის განმავლობაში აკეთებენ. ფიზმომზადებისა და კვების კუთხით ის სხვა დონეზე იყო. საჭმელში არავითარი სოუსი არ უნდა ყოფილიყო, ეს ფეხბურთელებში ცხიმის პროცენტს ამცირებდა" - ამბობს ჯერმეინ ისტერი, "კემბრიჯის“ ყოფილი ფეხბურთელი.
რენარი დიდ დროს უთმობს გუნდურ მუშაობას. "შენ შესაძლოა, მსოფლიოში 11 საუკეთესო ფეხბურთელი გყავდეს, მაგრამ მათ არ სურდეთ ერთად თამაში, ძალიან გაგიჭირდებათ, არაფერი გამოვა. გუნდური სულისკვეთება - საუკეთესო დამაბალანსებელია. საუდის არაბეთის გულშემატკივარი კარგად აანალიზებს სიტუაციას. მათ იციან, რომ ჩვენ არ ვართ ისეთი ძლიერი გუნდი, როგორც არგენტინა, მექსიკა, ან პოლონეთია. ისინი ჩვენზე უკეთესები არიან. მაგრამ ფეხბურთში ეს არაფერს ნიშნავს - ფსიქოლოგიაა მთავარი. გუნდური სულისკვეთება, შენი ქვეყნის ღირსებისთვის ბრძოლა მთელი გულით",- ამბობს მწვრთნელი.
საუდის არაბეთის ნაკრები შემდეგ შეხვედრას პოლონეთის წინააღმდეგ, 26 ნოემბერს გამართავს. გამარჯვების შემთხვევაში კი, ჯგუფური ეტაპიდან გასვლის უზარმაზარ შანსს მოიპოვებს.
- ავტორი: ანრი კურტანიძე
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე მარტივად შევხედავდი - ბურთი მრგვალია ხან მოიგებ ხან წააგებ: ვარსკვლავები მხოლოდ მოკრიალებულ ცაზეა; მეტოქეს არ დააფასებ დაგცინებს იღბალი და ა.შ.
მადლობა კატარელებს ამ სასწაულისთვის.
ყოჩაღ შეიხები, ფულს მუთაკაში კი არ ინახავენ.)))