18
ივნისიდღის ზოგადი ასტროლოგიური პროგნოზი
ზუგიდში 15 წლის ბიჭი მოკლეს. არსებული ინფორმაციით, არასრულწლოვანს სავარაუდოდ, დანით სასიკვდილო ჭრილობები მიაყენეს, რისთვისაც დაკავებულია ასევე არასრულწლოვანი.
გავრცელებული ინფორმაციით, მოზარდი ზუგდიდის რეფერალურ საავადმყოფოში მიყვანამდე გარდაიცვალა.
როგორც ადგილობრივი გამოცემა წერს, მოზარდებს შორის გარჩევა მესხიას ქუჩაზე, ხიდთან მდებარე სპორტულ მოედანზე მოხდა, სადაც შელაპარაკება ფიზიკურ დაპირისპირებაში გადაიზარდა, ერთმა ახალგაზრდამ კი 15 წლის ს.მ.-ს დანა რამდენჯერმე ჩაარტყა.
"ოდიში ნიუსის" ცნობით, ამის შემდეგ თავდამსხმელები გაიქცნენ, მძიმედ დაჭრილი ს.მ. კი საავადმყოფოში გადაიყვანეს, თუმცა, ექიმებმა მისი გადარჩენა ვერ შეძლეს.
შსს-ში აცხადებენ, რომ საქმეზე გამოძიება 109-ე მუხლით მიმდინარეობს, რაც დამამძიმებელ გარემოებებში ჩადენილ განზრახ მკვლელობას გულისხმობს.
"მომხდარ ფაქტთან დაკავშირებით გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებებში ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. სამართალდამცველები აქტიურ საგამოძიებო მოქმედებებს აგრძელებენ." - განუცხადეს ambebi.ge-ს უწყებაში.
ambebi.ge არკვევს მომხდარის დეტალებს, მასალა განახლდება.
ქვეყნისათვის დიდი უბედურებაა კიდევ ერთი ახალგაზრდის ტრაგიკულად დაღუპვა, რომელიც მომავალში უნდა გამხდარიყო საკუთარი შვილების მამა და ამით თავისი წვლილი შეეტანა ქვეყნის გაძლიერებაში!
დაიღუპა ე.წ. ქუჩური გარჩევების შედეგად, რომელიც უმრავლეს შემთხვევაში გამოწვეულია მოზარდებს შორის სიტყვიერი დაპირისპირებით და როგორც წესი ხდება რაღაც არასწორად წარმოთქმული სიტყვის გამო...
რა თქმა უნდა ურთიერთ დაპირისპირები ბიჭებს შორის ყოველთვის ხდებოდა, ხდება და მომავალშიც მოხდება, მაგრამ ყველაფერი უნდა მოხდეს იარაღის გამოყენების გარეშე.
ასეთი კონფლიქტების წამოჭრის შემთხვევებში ორივე მხარეს მართებს მეტი სიფრთხილის გამოჩენა და პირველ რიგში მისი პრევენციისათვის უნდა ვისწავლოთ ერთმანეთის შენდობა, პატიება, დიდსულევნობა...
უნდა გამოვიმუშაოთ თავმდაბლობის უნარი და სხვა ისეთი თვისებები, როგორიცაა მაგალითად სხვების არ დაჩაგვრა, არ დაცინვა, ფიზიკური და სულიერი ტრამვების სხვებისთვის არ მიყენება...
სანამ განზრახ მკვპელობაზე სამუდამო პატიმრობა და ადამიანის დაჭრაზე მინიმუმ 15 წელი არ იქნება, აი მანამდე იქნება ეს ცოდვის მორევი ამ ქვეყანაში. ვინმეს ნეტა ბევრი გონია ეს სასჯელები?