მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“კატარმა ეკვადორის 8 ფეხბურთელი მოისყიდა" - მსოფლიოს ჩემპიონატი გარიგებული მატჩის სკანდალით იწყება - რამდენად რეალურია ბრალდება
13:54 / 20-11-2022
მსოფლიოს ჩემპიონატის დაწყებამდე სულ რამდენიმე საათი რჩება, თუმცა შესაძლო სკანდალებზე უკვე არაერთი წყარო წერს. ვრცელდება ინფორმაცია, რომ "კატარმა ეკვადორის ნაკრების ფეხბურთელები მოისყიდა."
კონკრეტულად ამის შესახებ ჟურნალისტი და პოლიტიკური ანალიტიკოსი ამჯად ტაჰა წერს.
“კატარმა ეკვადორის 8 ფეხბურთელი 7.4 მილიონი დოლარის სანაცვლოდ მოისყიდა, რათა მათ 0:1 წააგონ (გოლი მეორე ტაიმში გაუშვან). ინფორმაცია კატარიდან და ეკვადორიდან 5-მა ინსაიდერმა დაადასტურა.
ჩვენ ვიმედოვნებთ, რომ ეს ტყუილია. ვიმედოვნებთ, რომ ეს ინფორმაცია შედეგზე გავლენას იქონიებს. მსოფლიო წინ უნდა აღუდგეს ფიფას კორუფციას“, - დაწერა ტაჰამ "ტვიტერზე."
- საკმაოდ სერიოზული ბრალდებაა, ამიტომ გავარკვიონთ ვინ არის ტაჰა და რამდენად სანდოა ის:
ამჯად ტაჰა ჩრდილოეთ ლონდონის მიდელსექსის უნივერსიტეტში სწავლობდა, სადაც ბაკალავრის ხარისხი ჟურნალისტიკაში, მასკომუნიკაციებისა და კულტუროლოგიის მიმართულებაში მიიღო. ფლობს რამდენიმე ენას და სპარსეთის ყურის ქვეყნების მაღალი კლასის საჯარო მოხელეების კონსულტანტია.
- ადრე ამჯამადი რადიოწამყვანი და ბრიტანული რადიოს, Unity FM-ის რეპორტიორი იყო. რადიოში ბრიტანულ საზოგადოებას არაბეთის ამბებზე უყვებოდა. ის ადამიანის უფლებათა დაცვას განსაკუთრებულ ყურადღებას უთმობს.
ჟურნალისტს ირანულ-ბაჰრეინული ფესვები აქვს, ამიტომ გასაკვირი არ არის, რომ რეგულარულად აკრიტიკებს კატარს. 2018 წელს მან კატარის რეჟიმი თვითმფრინავის გატაცებასა და მოსახლეობის ტერორში დაადანაშაულა. ადრე ეს ინფორმაცია არაბეთის გაერთიანებულ ემირატებში გავრცელდა: როგორც მაშინ წერდნენ, კატარის გამანადგურებლებმა კომერციული თვითმფრინავი გაიტაცეს, რომელიც ბაჰრეინის დედაქალაქ მანამაში რეისს ასრულებდა.
- ისტორიული რაკურსი
ბაჰრეინსა და კატარს შორის დაძაბულობა შორეული 1963 წლიდან იღებს სათავეს. მაშინ მათ რამდენიმე კუნძულზე, ტერიტორიებთან დაკავშირებით გაუგებრობა ჰქონდათ. 1996 წელს ბაჰრეინმა სპარსეთის ყურის არაბული ქვეყნების თანამშრომლობის საბჭოს ბოიკოტი გამოუცხადა. გადაწყვეტილება იმით ახსნეს, რომ ბოლო სამიტი კატარში გამოყენებული იყო, როგორც მისი ტერიტორიული მთლიანობის პრეტენზია სხვა ქვეყნების მიმართ. 2017 წლის ივნისში ბაჰრეინმა კატართან დიპლომატიური ურთიერთობა გაწყვიტა, თუმცა 2021 წელს ურთიერთობა აღდგა.
რაც შეეხება ჟურნალისტ ტაჰას, ის აცხადებს, რომ კატარი სერიოზულ ზეწოლას ახდენს ეგვიპტეზეც. მისი თქმით, ქვეყანა ეგვიპტის წინააღმდეგ სოციალურ ქსელებში 23 ათასზე მეტ ანგარიშს იყენებს.
- დავუბრუნდეთ გარიგებულ მატჩებს
საფეხბურთო სამყაროს ოფიციალურ პირებს ინსაიდერულ ინფორმაციაზე ჯერ კომენტარი არ გაუკეთებიათ. თუმცა ESPN-ის განცხადებით, ფიფამ უკვე მიიღო შესაბამისი ზომები, რომლებიც "2022 წლის მსოფლიოს ჩემპიონატზე გარიგებულ მატჩებს გამორიცხავენ."
როგორც გამოცემა წერს, შვეიცარულმა კომპანიამ Sportradar-მა, რომელიც ფსონების მონიტორინგით არის დაკავებული, 2022 წლის პირველ 9 თვეში გამოავლინა დაახლოებით 600 საფეხბურთო მატჩი, რომელიც პოტენციურად, შესაძლოა, ფალსიფიცირებული ყოფილიყო.
ინტერპოლთან, სამართლიანობის საერთაშორისო ასოციაციასთან და FBI-სთან ერთად, შვეიცარული კომპანია სამუშაო ჯგუფში შევა და ფსონების ბაზრის მონიტორინგს გააგრძელებს - ისინი მსოფლიო ჩემპიონატის აბსოლუტურად ყველა მატჩს დეტალურად განიხილავენ. ამისათვის Sportradar-ი ხელოვნურ ინტლექტს იყენებს, 600-ზე მეტ ბუქმეიქერული კანტორის 30-მილიარდზე მეტ მონაცემს აკვირდება. კომპანიაში დაზვერვის 35 ოფიცერი მუშაობს, რომლებსაც ტერორიზმთან და ფინანსურ მაქინაციებთან ბრძოლის გამოცდილება აქვთ.
შესაბამისად, ჯერჯერობით ტაჰას განცხადება უსაფუძვლოდ ჟღერს.
ავტორი: ანრი კურტანიძე
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ტაჰაა თუ რაღაცა ვიღაც ენჯეოელი იქნება დასავლეთის მიერ მოსყიდული. თან წარმოშობით ირანელია და ირანელები ღიზიანდებიან არაბების წარმატებებით. მთლიანობაში კი, დასავლეთი ვერ ინელებს იმას რომ კატარმა, ამ პატარა ქვეყანამ შეძლო მსოფლიო ჩემპიონატის მასპინძლობა. შურით არიან გამსკდარი. რატომ რუსეთის წინააღმდეგ არაფერს არ ამბობდნენ როდესაც იქ ჩატარდა ჩემპიონატი?
გაყიდულის რა ეტყობოდათ ეკვადორელებს..; მშრალად ქე მოუგეს დააა