ჩინეთში კოვიდის გამო დაწესებული უმკაცრესი რეგულაციების გამო ხალხი ქუჩაში საპროტესტოდ გავიდა
ჩინეთის სამხრეთ ნაწილში, გუანჯოუს მუნიციპალიტეტში ლოკდაუნში მყოფი მაცხოვრებლები, პროტესტის ნიშნად ქუჩებში გავიდნენ და ბარიერები მოშალეს. იმის გამო, რომ ჰაიჯუს რაიონი ქალაქში კოვიდის გავრცელების ეპიცენტრად მიიჩნევა, 5 ნოემბრიდან მოყოლებული, აქ ეტაპობრივად უფრო და უფრო მკაცრი რეგულაციები წესდებოდა, რამაც ხალხის აღშფოთება და მათი ქუჩაში გასვლა გამოიწვია. ჯერ კიდევ არაა დაზუსტებული, ის, თუ რამდენი ადამიანი იღებდა პროტესტში მონაწილეობას ან რამდენი ხანი გაგრძელდა აქცია.
<iframe width="853" height="480" src="https://www.youtube.com/embed/0xnUs5htC2Q" title="Protests erupt in Guangzhou, China as frustrations over Covid-19 curbs mount" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>სახალხო პროტესტი ჩინეთში საკმაოდ იშვიათი მოვლენაა, მაგრამ ეს მთავრობის მკაცრი ნულოვანი კოვიდ პოლიტიკისგან გამოწვეული მზარდი აღშფოთებისა და სასოწარკვეთის კიდევ ერთი მანიშნებელია.
პროტესტის დღის ვიდეოები და ფოტოები სოციალური ქსელის საშუალებით გავრცელდა. ცალკეულ კლიპში მამაკაცი ყვირის: "თქვენი მშობლები რომ ავად გახდნენ ან თქვენს შვილებს რომ ჰქონდეთ მაღალი სიცხე და მათი საავადმყოფოში წაყვანის უფლებას არ გაძლევდნენ, თავს როგორ იგრძნობდით?“
გუანჯოუში სამშაბათს კოვიდის 5100-ზე მეტი ახალი შემთხვევა გამოაცხადეს, ინფიცირებულების უმეტესობა ასიმპტომურია. ამავე დღეს, ქვეყნის მასშტაბით, სულ 17.772 შემთხვევა დაფიქსირდა. ეს, 2021 წლის აპრილის შემდეგ, დაინფიცირებულთა ყველაზე მაღალი რიცხვია, რაც კი ქვეყანაში დაფიქსირებულა.
გუანჯოუს მუნიციპალიტეტის ჯანდაცვის კომისიის დირექტორის მოადგილემ, ჯანგ იიმ ორშაბათს გამარულ პრესკონფერენციაზე განაცხადა, რომ 19 მილიონი ადამიანით დასახლებულ ქალაქში "პანდემიის შეკავების ზომები რამდენიმე რაიონში გაძლიერდება" (რაც ფარულად "ლოკდაუნზე" მიუთითებს).
წყარო: cnn
მოამზადა: ანა სიბოშვილმა