პირუტყვს, რომელიც სოხუმის ქუჩებში უპატრონოდ გადაადგილდება, ბრძოლა უმკაცრესი მეთოდებით გამოუცხადეს - მათ სასაკლაოზე გაშვება ემუქრებათ
"საქონლის ბრალი არ არის, რომ ასე დადის, ეს მეპატრონის ბრალია", - პირუტყვს, რომელიც სოხუმის ქუჩებში უპატრონოდ გადაადგილდება, ბრძოლა ყველაზე მკაცრი მეთოდებით გამოუცხადეს.
მათ დაკავების შემდეგ, პატრონის გამოუცხადებლობის შემთხვევაში, (რომელსაც ჯარიმა ემუქრება), სასაკლაოზე გაგზავნიან. ekhokavkaza-მა გადაწყვიტა გაერკვია დედაქალაქის მაცხოვრებლების აზრი გაეგო ამ სიახლესთან დაკავშირებით.
ქალაქის ხელისუფლების გადაწყვეტილებით, სოხუმში მოსიარულე ძროხებსა და ცხენებს სპეციალურ მანქანით საჯარიმოზე გადაიყვანენ. ცხოველის დასაბრუნებლად მეპატრონეებს ხუთი ათასი რუბლის ჯარიმის გადახდა მოუწევთ. ხოლო თუ პატრონი ორ დღეში არ გამოცხადდა, მაშინ პირუტყვი სასაკლაოზე გაიგზავნება.
ასტამურ კაკალია, ქალაქ სოხუმის მკვიდრი:
"ფორმა, რა თქმა უნდა, სწორია, მაგრამ შინაარსით გამოვა, რომ ღარიბ მოქალაქეებს ართმევენ საარსებო მინიმუმს. ვისაც ქალაქში ძროხა ჰყავს, ის არ შეიძლება იყოს მილიარდერი, მათი მეპატრონეები ღარიბი მოქალაქეები არიან, რომლებიც როგორც წესი, ქალაქის გარეუბნებში ცხოვრობენ, აქვთ პატარა ნაკვეთები და ჰყავთ ძროხები. რა აკეთებთ, ბებიას აკლებთ საარსებო წყაროს, რომელიც ყიდდა რძეს, ყველს და თავს ირჩენდა. თქვენ უბიძგებთ ამ ხალხს სიღარიბიდან უკიდურეს სიღარიბეში აღმოჩნდეს..."
მაზონა ბაგრატოვნა ცვიჟბა:
"ვფიქრობ, რომ ეს სწორია. ის ფაქტი, რომ მეპატრონეები საქონელს უპატრონოდ ტოვებენ, გავლენას ახდენს ჩვენი დედაქალაქის სისუფთავეზე. სანქციები ადრეც იყო, მაგრამ მეპატრონეები მაინც არ ჩერდებიან, აგრძელებენ ცხოველების გაშვებას. ეს არასწორი დამოკიდებულებაა არა მხოლოდ ცხოველების, არამედ ჩვენი ქალაქის მოსახლეობის მიმართ. მომხრე ვარ ჯარიმა გაიზარდოს, სხვა გამოსავალი არ არის, რადგან მიმაჩნია, რომ უპატივცემულობაა, პირველ რიგში, ჩვენი, სოხუმელების მიმართ. მე ოჩალენკოს ქუჩაზე ვცხოვრობ: მართლაც, ჩვენი ქუჩა სავსეა ცხოველებით, გავლა შეუძლებელია. ყველგან ტოვებენ კვალს, რა თქმა უნდა, მერე ეს ჩვენი გასაწმენდია".
კრისტინა გუმბა:
"ათწლეულები გავიდა, მაგრამ პრობლემა არ მოგვარებულა. საქონელი მცენარეები აფუჭებს, გაზონები გათელილია, ეს არ არის ყველაზე დიდი პრობლემა, პრობლემა კიდევ უბედური შემთხვევებია. ისინი დღესაც დგანან გზებზე, ქალაქის გზატკეცილზე და მათ გამო ხშირად ხდება ფატალურად დასრულებული ავარიები. ვფიქრობ, სწორად მოიქცნენ. ვეთანხმები სოხუმის ადმინისტრაციას. შესაძლოა, ამის შემდეგ ადამიანებმა აღარ გაუშვან თავიანთი ცხოველების ქალაქში სასეირნოდ.
ნიკოლაი მედვენსკი:
"ცხოველები ხელს უშლიან მანქანების მოძრაობას და, შესაბამისად, ხდება ავარიები, მათ შორის ფატალურიც. მაგრამ ორი დღის მიცემა პატრონისთვის, ცოტაა, რადგან ადამიანს შეიძლება არ ჰქონდეს შესაძლებლობა, რომ თავისი გაუჩინარებული ძროხა ამ ვადაში იპოვოს".
კარინა კოლპაკჩიანი:
"როგორც ცხოველების მოყვარულს, პირველ რიგში, პირუტყვის გამო ვწუხვარ, რადგან ის არ არის დამნაშავე მეპატრონეების უპასუხისმგებლობაში. მონეტის ორი მხარე აქვს, პირუტყვმა არ უნდა იაროს გზატკეცილზე და ქალაქში არ უნდა ისეირნოს, მაგრამ ადამიანებს, რომლებიც მიჩვეულები არიან დაუსჯელობას ბოლო 30 წლის განმავლობაში, უნდა ასწავლონ პასუხისმგებლობა".