"ჩვენ ამას კომენტარის გარეშე დავტოვებთ.." - რას აცხადებს პესკოვი ზელენსკის ხერსონში ჩასვლაზე?
კრემლი ვლადიმერ ზელენსკის ხერსონში ჩამოსვლას გამოეხმაურა. რუსეთის ფედერაციის პრეზიდენტის პრესმდივანმა დიმიტრი პესკოვმა რადიო Moskva Speaks-ის ჟურნალისტს ზელენსკის ამ ნაბიჯის კომენტირებაზე უარი განუცხადა, თუმცა მასთან საუბრისას აღნიშნა, რომ "ხერსონი რუსული ქალაქია".
"ჩვენ ამას კომენტარის გარეშე დავტოვებთ. თქვენ იცით, რომ ეს არის რუსეთის ფედერაციის ტერიტორია“ - განაცხადა პესკოვმა.
შეგახსენებთ, რომ დღეს უკრაინის პრეზიდენტი დეოკუპირებულ ხერსონში ჩავიდა. ზელენსკი სამხედროების წინაშე გამოვიდა, მადლობა გადაუხადა ნატოს და სხვა მოკავშირეებს უკრაინის მხარდაჭერისთვის.
"ჩვენ მზად ვართ მშვიდობისთვის, მშვიდობისთვის მთელ ჩვენს ქვეყანაში", - განაცხადა პრეზიდენტმა ქალაქის ცენტრალურ მოედანზე გამოსვლისას. მისი თქმით, შეერთებული შტატებისგან მიღებულ რეაქტიულ საარტილერიო სისტემა HIMARS-ს კიევისთვის დიდი მნიშვნელობა ჰქონდა.