"მოზარდის მიმართ სექსუალური ხასიათის შეურაცხმყოფელი ქმედებისა და იარაღის უკანონოდ ტარებისთვის ქართველი დააკავეს" - ბერძნული მედია
საბერძნეთში, დრამის მუნიციპალურ ბაღთან არასრულწლოვნის მიმართ განხორციელებული სექსუალური ხასიათის შეურაცხმყოფელი ქმედებისთვის, ასევე იარაღის უკანონოდ ტარებისთვის დრამის მუნიციპალიტეტის პირველი ინსტანციის პროკურატურამ ბრალი 73 წლის ქართველს წარუდგინა.
პროკურატურამ გაავრცელა ბრალდებულის ფოტოები. ბერძნული მედიის ცნობით, ის არის 1949 წელს, საქართველოში დაბადებული დილარ კუპატაძე. კუპატაძე უკვე დაკავებულია.
ჯერჯერობით საქმესთან დაკავშირებით მეტ დეტალს სამართალდამცველები არ ახმაურებენ და აცხადებენ, რომ ახლა იკვლევენ, მსგავსი ქმედებებით გამოირჩეოდა თუ არა მამაკაცი სხვა ბავშვების მიმართაც.
სამართალდამცველები საზოგადოებას მიმართავენ და სთხოვენ, რომ თუკი აღნიშნული მამაკაცი მსგავს ქმედებებში შეუმჩნევიათ, მიაწოდონ მათ ინფორმაცია.