მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოს პირველი ნაბიჯი ევროპულ გზაზე არის ოპოზიციონერი ჟურნალისტის, ნიკა გვარამიას გათავისუფლება" - ევროპარლამენტარები
10:34 / 11-11-2022
საქართველოს პირველი ნაბიჯი ევროპულ გზაზე არის ოპოზიციონერი ჟურნალისტის, ნიკა გვარამიას გათავისუფლება, რომლის მიმართაც განაჩენი ყალბი ბრალდებებით გამოიტანეს, რომლებიც დაგმეს ადამიანის უფლებათა დამოუკიდებელმა ორგანოებმა როგორც საქართველოს შიგნით, ასევე მის ფარგლებს გარეთ, - ამის შესახებ პარტია "ლიბერალთა და დემოკრატთა ალიანსი ევროპისთვის“ (ALDE) მიერ გავრცელებულ განცხადებაშია აღნიშნული.
"პარტია "ლიბერალთა და დემოკრატთა ალიანსი ევროპისთვის“ ჩვენს წევრ პარტიებთან ერთად, ევროკავშირის გაფართოების ერთგულია. საქართველოს, უკრაინასა და მოლდოვას, დასავლეთ ბალკანეთთან ერთად, ევროპული მომავალი უნდა ჰქონდეს. ამ პროცესით ძლიერდება ჩვენი ევროპული საზოგადოება. კარი გაიღო უკრაინისა და მოლდოვისთვის ევროკავშირის კანდიდატის სტატუსის მინიჭებით. იმისათვის, რომ საქართველომ ამ ეტაპს მიაღწიოს, მნიშვნელოვანი რეფორმებია საჭირო. კანონის უზენაესობის დაცვის, დამოუკიდებელი პრესისა და სიტყვის თავისუფლების უზრუნველყოფის დებულებები ყველაზე სასიცოცხლოდ მნიშვნელოვანია, განსაკუთრებით ევროპელი ლიბერალებისთვის. ჩვენ მჭიდროდ ვთანამშრომლობთ ALDE-ს წევრ პარტიებთან საქართველოში ქვეყნის ევროპული მომავლის უზრუნველსაყოფად. საქართველოს პირველი ნაბიჯი ევროპულ გზაზე არის ოპოზიციონერი ჟურნალისტის, ნიკა გვარამიას გათავისუფლება, რომლის მიმართაც განაჩენი ყალბი ბრალდებებით გამოიტანეს, რომლებიც დაგმეს ადამიანის უფლებათა დამოუკიდებელმა ორგანოებმა როგორც საქართველოს შიგნით, ასევე მის ფარგლებს გარეთ.
მართლსაჯულების პოლიტიზირება უნდა შეწყდეს. საქართველოს მთავრობა და მმართველი პარტია ვალდებულნი არიან განახორციელონ 2021 წლის 19 აპრილის შეთანხმება, რომელიც ევროკავშირის შუამავლობით პოლიტიკური კრიზისის დასრულებას ეხება. ეს არის გზა ევროკავშირის კანდიდატობისკენ.
შემოუერთდით ჩვენს მოწოდებას და მოითხოვეთ ნიკა გვარამიას დაუყოვნებლივ გათავისუფლება! მოგიწოდებთ, მიმართოთ საქართველოს პრემიერ-მინისტრს ირაკლი ღარიბაშვილს და მოითხოვოთ ნიკა გვარამიას გათავისუფლება“, - აღნიშნულია განცხადებაში, რომელსაც ხელს ALDE-ს პრეზიდენტი ილჰან კიუჩუკი აწერს.
ევროპარლამენტარები აქვეყნებენ მეილის შაბლონებს, საიდანაც ევროპის მოქალაქეებს შეუძლიათ აირჩიონ და მიწერონ საქართველოს პრემიერ-მინისტრს ირაკლი ღარიბაშვილს.
კერძოდ, შაბლონის ტექსტი ასეთია:
პირველი შაბლონი: საქართველო იმსახურებს ევროკავშირში გაწევრიანებას! საქართველოს პრემიერ-მინისტრს ირაკლი ღარიბაშვილს, მხარს ვუჭერ საქართველოს ევროკავშირში გაწევრიანებას. მაგრამ ეს პროცესი წინ ვერ წავა, თუ ფუნდამენტური თავისუფლებები არ იქნება დაცული. კანონის უზენაესობა უნდა იყოს დაცული. დემოკრატიულ ქვეყანაში ოპოზიციურ ჟურნალისტებს თავისუფლად საუბრის საშუალება უნდა ჰქონდეთ. გთხოვთ, გაათავისუფლოთ ნიკა გვარამია და პატივი სცეთ 19 აპრილის შეთანხმებას. ევროკავშირში გაწევრიანება შეიძლება განხორციელდეს მხოლოდ იმ შემთხვევაში, თუ პატივს სცემთ იმ ფუნდამენტურ ღირებულებებს, რომლებზეც ევროკავშირია დაფუძნებული. ერთად, ჩვენ უფრო ძლიერები ვართ.
მეორე შაბლონი: გაათავისუფლეთ ნიკა გვარამია ახლავე! საქართველოს პრემიერ-მინისტრს ირაკლი ღარიბაშვილს, საერთაშორისო საზოგადოებამ იცის და შეძრწუნებულია ნიკა გვარამიას ყალბი ბრალდებების საფუძველზე დაპატიმრების გადაწყვეტილებით. დემოკრატიულ ქვეყანაში ასეთი ტაქტიკის ადგილი არ არის. გთხოვთ, დაუყოვნებლივ გაათავისუფლოთ იგი და გამოიჩინოთ პატივისცემა თავისუფალი პრესისა და სიტყვის თავისუფლების მიმართ. ეს საქართველოს დაეხმარება ევროკავშირის კანდიდატის სტატუსის მიღებაში. პრემიერო, მე მჯერა, რომ საქართველოს ადგილი ევროკავშირშია, მაგრამ ოპოზიციური ჟურნალისტის დაპატიმრება არის ქცევა, რომელიც არღვევს იმ ფუნდამენტურ თავისუფლებებს, რომლებსაც ევროკავშირი ეფუძნება. გთხოვთ, ნიკა გვარამიას გათავისუფლებას.
მესამე შაბლონი: საქართველოს სჭირდება თავისუფალი და დამოუკიდებელი პრესა! საქართველოს პრემიერ-მინისტრს, ირაკლი ღარიბაშვილს, კრიტიკოსი ჟურნალისტის, ნიკა გვარამიას დაპატიმრება გამოხატავს თავისუფალი და დამოუკიდებელი პრესის პრინციპის აშკარა დარღვევას, რაც ფუნდამენტურია ევროკავშირის კანდიდატი ქვეყნისთვის და დემოკრატიის წარმატებისთვის. ჟურნალისტების დაშინება და გაჩუმება ასეთი ტაქტიკით არ შეიძლება.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არც გვარამიას გამოუშვებენ
და არც საქართველო მიიღებს სტატუსს.
საქართველო ოცნებასთან და პრეზიდენტთან ერთად ჩაძირულ რუსეთს ჩაჰყვება თავისი ნებით მშვიდობიანად "ომი არ გვინდას ძახილით"
ასე დამთავრდება საქართველოს ევროპული იწილო ბიწილო.
ხვალვე თუ შეგვიყვანთ კი ბატონო გამოვუშვებთ, მაგრამ ასე ცარიელი დაპირებებით არ გამოვა არაფერი