მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამ აღმოჩენამ შესაძლოა, ისტორია შეცვალოს" - იტალიაში უძველესი ეპოქის 24 ბრინჯაოს ქანდაკება და 6000-ზე მეტი ძვირფასი მონეტა აღმოაჩინეს
11:43 / 09-11-2022
ტოსკანაში, იტალიელმა არქეოლოგებმა ბრინჯაოს 24 ქანდაკება აღმოაჩინეს. მათი ვარაუდით, ისინი რომაულ პერიოდს უნდა მიეკუთვნებოდეს. ბრინჯაოს ქანდაკებები დედაქალაქ რომიდან 160 კილომეტრში, სიენას პროვინციაში, San Casciano dei Bagni-ში აღმოაჩინეს.
ამ ადგილას უძველესი თერმული წყლების აბანოების ნანგრევებია და სწორედ მათ ქვეშ იყო ფიგურები ჩამარხული.
აღმოჩენილ ქანდაკებებს შორის ვხვდებით ჰიგეას, აპოლონის და სხვა ბერძნულ-რომაული ღმერთების ფიგურებს, რომლებიც არქეოლოგების ვარაუდით 2300 წლის წინანდელები უნდა იყოს.
ქანდაკებების უმეტესობა ჩამარხული იყო 6 000-მდე ბრინჯაოს, ვერცხლისა და ოქროს მონეტებთან ერთად, რომლებიც ძვ.წ. II საუკუნით, ასევე ჩვ.წ. I საუკუნეებით თარიღდება.
იტალიის კულტურის სამინისტროში განაცხადეს, რომ აღმოჩენა "ძველ ტოსკანაში დიდი ტრანსფორმაციის“ პერიოდს ასახავს: როცა ეტრუსკულიდან რომაულ მმართველობაზე გადადიოდნენ. ერთ-ერთი ექსპერტის თქმით კი, ამ აღმოჩენამ შესაძლოა, ისტორია შეცვალოს და ბევრ საკითხს ნათელი მოჰფინოს, შეიცვალოს წარმოდგენა ეპოქებზე და კონკრეტულ ეპოქაზე უფრო მეტი დეტალის გარკვევა გახდეს შესაძლებელი.
ჯაკოპო ტაბოლი, სიენას უნივერსიტეტის პროფესორი, რომელიც ტოსკანაში არქეოლოგიურ გათხრებს ხელმძღვანელობს, ვარაუდობს, რომ ეს ქანდაკებები თერმულ წყლებში რიტუალის ჩატარებისას გამიზნულად ჩაძირეს:
"წყალს რაიმე ძვირფასს სწირავ, რათა მანაც დაგიბრუნოს წყალობა“.
ქანდაკებებს ჯერ გროსეტოში წაიღებენ რესტავრაციისთვის, საბოლოოდ კი სან კასციანოს ახალ მუზეუმში გამოფენენ.
იტალიის სახელმწიფო მუზეუმების გენერალურმა დირექტორმა განაცხადა, რომ რიასის ბრინჯაოს ქანდაკებების აღმოჩენის შემდეგ, ეს ფიგურები უმნიშვნელოვანესი მონაპოვარია, რომელიც ისტორიის არაერთ კითხვას გასცემს პასუხს.
თუკი ვისაუბრებთ ბრინჯაოს ქანდაკებებზე, ამ თვალსაზრისით, აქამდე ყველაზე მნიშვნელოვან აღმოჩენად რიასის ქანდაკებები მიიჩნეოდა. უფრო კონკრეტულად - 1972 წელს აღმოაჩინეს უძველესი დროის მეომრების ორი ქანდაკება და მათი შექმნის სავარაუდო თარიღად მეცნიერებმა ჩვ.წ-მდე 460-450 წლები დაასახელეს.
წყარო: bbc
მოამზადა: ანა სიბოშვილმა
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ამალ კლუნი ჯორჯ კლუნთან ოჯახური ცხოვრების საიდუმლოზე საუბრებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენც ვანდალებივით ვიქცევით, მხედველობაში მაქვს საბჭოთა შედევრების,- ქანდაკებების და სხვა ხუროთმოძღვრული ძეგლების, - განადგურება. ისინი წარმოადგენდნენ ისტორიის საკუთრებას და უნდა შემონახულიყო მომავალი თაობებისათვის!
ისე მაინტერესბს რომ გავა 1000 წელი (ნაკლები თუ მეტი) მერმინდელი არქეოლები რას აღმოაჩენენ ჩვენს ეპოქაზე და კერძოდ საქართველოზე. რამე ღირებულს ვუტოვებთ მომავალ თაობებს???!!!!