მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შეიძლება მართლა შეცდომა დავუშვი... არ მოველოდი საქართველოდან ასეთ ნეგატივს" - რას ამბობს ნინო ანანიაშვილი რუსეთში სამუშაოდ წასვლის გადაწყვეტილებასა და შემდგომ ნათქვამ უარზე
13:12 / 08-11-2022
პრიმა-ბალერინა, თბილისის ოპერისა და ბალეტის თეატრის საბალეტო დასის ხელმძღვანელი ნინო ანანიაშვილი დავით გორგილაძის გადაცემას სტუმრობდა. ხელოვანს ჟურნალისტმა ჰკითხა, რატომ გადაწყვიტა არასწორ დროს ნოვოსიბირსკის თეატრის დასის ხელმძღვანელად წასვლა...
ნინო ანანიაშვილი:
"არ იყო არასწორი დრო, რადგან ბალეტის სამყარო სულ სხვაა. მთელი ევროპა, ყველა ერთ საქმეში იყო, საერთო საქმეს აკეთებდნენ, მიუხედავად იმისა, რომ სანქცირებული იყო რუსეთი. ჩვენი დრო არის ახლა. მე ვერ დავწერ ნახატს, რომელიც შეფასდება 60 წლის შემდეგ, ბალეტი ფასდება დღეს და ახლა... ჟურნალისტებმა იციან, როგორ არიან ჩემი მსახიობები? - არც ინტერესდებით, მარტო ყველაფერს შორიდან უყურებთ. მე პასუხისმგებლობა მაქვს აღებული ამ ადამიანებზე.
მე მქონდა შემოთავაზებები უცხოეთიდან, რომ თეატრი დამეტოვებინა, ძალიან დიდ ხელფასს მთავაზობდნენ. უარს ვამბობდი, რადგან ამ პერიოდში რაც შევქმენი, ამის დატოვება არ მინდოდა. თეატრის გახსნამდე წარმოდგენა არ გქონდათ რა პირობებში ვიყავით. კაბინეტი არ მქონდა. დათო დოიაშვილთან ბიჭების ტუალეტში და აბაზანაში შევდიოდით...
რაც შეეხება შემოთავაზებას რუსეთიდან, ეს იყო იმ სპექტაკლების გაცვლა, რასაც ვეღარ ვდგამთ აქ ფინანსურად, მოგვაქირავებდნენ მინიმალურ ხარჯებზე დეკორაციებს. მსახიობები იქაც იცეკვებდნენ და აქაც. შეიძლება მართლა შეცდომა დავუშვი, მაგრამ ვთვლიდი, რომ ეს იქნებოდა ყველასთვის კარგი. დადგმების შედეგად, რომლებიც აქაც გაკეთდებოდა და იქაც, ჩემი მსახიობების ხელფასები გასამმაგდებოდა. თან ეს იყო პანდემიის დროს, როდესაც ქვეყანა იყო დაკეტილი.
ნამდვილად ვიცოდი, რომ ეს იქნებოდა რისკი... არ მომეწონა ის სიტუაცია, რაც აქ ააგორეს ქართველებმა. სპორტში რატომღაც ეს სხვანაირად არის და ხელოვნებაში - არა... ამ შემთხვევაში მე ეს გადაწყვეტილება მივიღე იმიტომ, რომ სხვა ადამიანების ცხოვრების უკეთესობისკენ შეცვლის საშუალებად მივიჩნიე. მე აქ ვრჩებოდი, ისინი არ მეუბნებოდნენ, რომ იქ გადავსულიყავი...
ყველაზე ბედნიერი მამაჩემია, უარი რომ ვთქვი და არ წავედი... აქ რომ არ ატეხილიყო ეს ამბავი და წავსულიყავი, შეიძლება ვერც გამეძლო და ერთ წელიწადში უკან დავბრუნებულიყავი. ვიცოდი, რომ ნეგატივი იქნებოდა, მაგრამ არ მოველოდი საქართველოდან ასეთ ნეგატივს. მოსახლეობის უმრავლესობამ მაინც გაიგო და მხარი დამიჭირა. მაშინ სხვა გამოსავალს ვერ ვხედავდი. ახლა პანდემიამ გადაიარა და გასტროლების აღდგენის საშუალება მოგვეცა".
ჟურნალისტის კითხვაზე, რომ გამხდარიყო პირველი ლედი (შეგახსენებთ, რომ მეუღლე გრიგოლ ვაშაძე, პრეზიდენტობაზე იყრიდა კენჭს), მაშინ როგორ მოიქცეოდა, ანანიაშვილმა უპასუხა:
"რას მეკითხებით, ისეთ რაღაცას მეკითხებით... ამ დროს პოლიტიკურად სულ სხვა დატვირთვა გაქვს, განხილვადიც არ იქნებოდა..."
შეგახსენებთ, რომ 2021 წლის იანვარში გავრცელდა ინფორმაცია, რომ ნინო ანანიაშვილი რუსეთში, ნოვოსიბირსკის ოპერისა და ბალეტის თეატრის საბალეტო დასს უხელმძღვანელებდა. თუმცა მალე ნოვოსიბირსკის ოპერისა და ბალეტის თეატრმა განცხადება გაავრცელა, სადაც წერდნენ, რომ წინასწარ გავრცელებული ინფორმაცია, ახალი ხელმძღვანელის დასთან წარდგენამდე, ეს უპატივცემულობა იყო, რის საფუძველზეც კონტრაქტი შეაჩერეს.
"მთელ რიგ მედიასაშუალებებში გამოქვეყნდა ინფორმაცია იმის შესახებ, რომ ნინო ანანიაშვილი მიწვეულია საბალეტო დასის ხელმძღვანელად ნოვოსიბირსკის ოპერისა და ბალეტის თეატრში (НОВАТ). თეატრის ხელმძღვანელობა თვლის, რომ ხელმძღვანელის ვინაობის გასაჯაროება კოლექტივისთვის მის ოფიციალურ წარდგენამდე - დასის უპატივცემლობის უკიდურესი გამოვლინებაა. ამიტომ ჩვენ იძულებული ვართ, შევაჩეროთ მასთან გაფორმებული კონტრაქტის მოქმედება, ხსენებული ინფორმაციის საჯარო სივრცეში გავრცელებასთან დაკავშირებული ყველა გარემოების გარკვევამდე“, - ვკითხულობდით ნოვოსიბირსკის ოპერისა და ბალეტის თეატრის განცხადებაში.
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგად მახსოვს ერისიონმა რომ გადაწყვიტა მოსკოვში კონცერტების ჩატარება ნაცებმა მტრად გამოაცხადეს ჯემალ ჭკუასელი,თორნიკე შენგელია რომ გადავიდა ევროპის ერთ-ერთ საუკეტესო გონდში მოსკოვის ცსკაში ნაცებმა ერთი ამბავი ატეხეს და ნაცების ერთ-ერთი სახე ბურჭულაძემ რამოდენიმე წლის უკან მოსკოვში პუტინის თანდასწრებით რო იმღერა ეგ არფერი,აგერ ანანიაშვილი და ვაშაძე გაიქცნენ რუსეთში როგორც კი სარფიანი საქმე გამოუჩნდათ,ელენე ხოშტარიას ოჯახი წლებია სოლიდურ თანხებს იღებენ მოსკოვის ერთ ერთი თეატრიდან ,რომლის ხელმძღვანელი პუტინის ახლობელია და ეგეც არაფერი,ანუ ნაცებისთვის მოსულა რუსებთან ურთიერთობა და თუ ნაცი არ ხარ მტერი ხარ რუსეთთან რამე კავშირი რო დაიჭირო
რის ვერ გაიგეთ მანამ სანამ ოკუპანტი არ მოიქცევა ადამიანურად და არ დააბრუნებს მიტაცებულს, მანამ ყველამ ზურგი უნდა აქციოს სპირტსმენმაც, ხელოვანმაც, მეცნიერმაც დს ა.შ. სხვანაირად ვერ ვერევით. ამით მსუნც იქნებ შეიგნოს რამე. თუ არა და იყოს ჩაკეტილი თავის ტერიტორიაზე. რატო გაუკვირდა ნეგატივი? დიდი პატივისცემით პრიმაბალერინასადმი