26
მაისიდღის ზოგადი ასტროლოგიური პროგნოზი
"ქართული პარტიის" ლიდერი, სოზარ სუბარი დარწმუნებულია, რომ საქართველოს პრეზიდენტი მიხეილ სააკაშვილი არჩევნებს 2011 წლისთვის დანიშნავს.
როგორც სუბარი გაზეთ "რეზონანსთან" ექსკლუზიურ ინტერვიუში აცხადებს, ამაში ის რეგიონებში გამართულმა შეხვედრებმა დაარწმუნა.
"ცოტა მეეჭვება, მიხეილ სააკაშვილი 2013 წლამდე აპირებდეს დალოდებას. ყველა ამას მეუბნება, რომ საქართველოში სრული საარჩევნო ციებ-ცხელებაა და ეს ჩანს ყველაფერში. თუ გავითვალისწინებთ, რომ 2012 წელს არის არჩევნები რუსეთში, ამერიკაში და შესაძლოა, სააკაშვილი ერთგვარი წნეხის ქვეშ მოექცეს, ის ეცდება, ამ არჩევნებამდე მოასწროს, თავისი ძალაუფლება ბოლომდე განიმტკიცოს და კონსტიტუცია, რომელიც ასე სასწრაფოდ შეცვალა, 2011 წელს უკვე აამუშავოს, გახდეს პრემიერი და როგორც პრემიერმა, მიიღოს ეს ძალაუფლება", - აცხადებს სუბარი ინტერვიუში.
მისივე თქმით, სწორედ ამ მოვლენების გაანალიზებამ დაარწმუნა, რომ მიხეილ სააკაშვილი არჩევნების ჩატარებას 2011 წლისთვის გეგმავს.
"ამაში ღრმად ვარ დარწმუნებული და ამის თქმის საფუძველს იძლევა ყველანაირი ანალიზი და ყველანაირი ინფორმაცია. ჩვენ ვაპირებთ, მოვემზადოთ 2011 წლისთვის და არჩევნები იქნება თუ სხვა რაიმე, ამას ვითარება გვიჩვენებს", - ამბობს სუბარი "რეზონანსთან" ინტერვიუში.
