"უკრაინას არასოდეს უთქვამს უარი მოლაპარაკებაზე - ჩვენი პოზიცია ცნობილია: ჯერ რუსეთს გაჰყავს ჯარები უკრაინიდან, შემდეგ - ყველაფერი დანარჩენი" - პოდოლიაკი

უკრაინის პრეზიდენტის აპარატის უფროსის მრჩეველმა მიხაილო პოდოლიაკმა განაცხადა, რომ უკრაინას არასოდეს მიუტოვებია რუსეთთან მოლაპარაკებები, მაგრამ არსებობს მკაფიო პირობა - რუსული ძალების გაყვანა უკრაინის ტერიტორიიდან. მან ამის შესახებ კომენტარი საკუთარ Twitter-ზე გამოაქვეყნა.

"უკრაინას არასოდეს უთქვამს უარი მოლაპარაკებაზე. ჩვენი მოლაპარაკების პოზიცია ცნობილია და ღიაა. ჯერ რუსეთის ფედერაციას გაჰყავს ჯარები უკრაინიდან, შემდეგ - ყველაფერი დანარჩენი. მზად არის თუ არა ამისთვის პუტინი? ცხადია, არა. ამიტომ, ჩვენ კონსტრუქციულები ვართ ჩვენს შეფასებაში. ჩვენ ვისაუბრებთ რუსეთის მომავალ ლიდერთან“, - განაცხადა მიხაილო პოდოლიაკმა.

30 სექტემბერს პრეზიდენტმა ვოლოდიმირ ზელენსკიმ განაცხადა, რომ უკრაინა მზად არის მოლაპარაკებებისთვის რუსეთთან, მაგრამ არა ვლადიმერ პუტინთან, არამედ რუსეთის სხვა პრეზიდენტთან. იმ დღეს ეროვნული უსაფრთხოებისა და თავდაცვის საბჭომ პუტინთან მოლაპარაკებების გამართვის შეუძლებლობა გამოაცხადა და ზელენსკიმ ეს განკარგულებით დაამტკიცა. რუსეთში ამას გამოხმაურება მოყვა, სადაც განაცხადეს, რომ მზად არიან დაელოდონ უკრაინის მომავალ პრეზიდენტს.

ამავდროულად, The Washington Post, თავის წყაროებზე დაყრდნობით, იტყობინება, რომ თეთრი სახლი პირადად მოუწოდებდა კიევს რუსეთთან მოლაპარაკებებისთვის მზადყოფნის დემონსტრირებისკენ.