მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ომს გამოქცეული რუსები, რუსული ფულის ტალღა, "ეკონომიკური ბუმი" და პრობლემები, რომლებიც ქართველებს შეექმნათ - რას წერს Reuters-ი საქართველოზე
11:25 / 06-11-2022
სააგენტო "როიტერსი" საქართველოს შესახებ ვრცელ სტატიას აქვეყნებს, სადაც საუბარია საქართველოს ეკონომიკურ აღმავლობაზე რუსეთის უკრაინაში შეჭრის შემდეგ და ეკონომიკური ზრდა განხილულია რუსეთიდან ადამიანებისა და რუსული ფულის შემოდინების ჭრილში.
- "მაშინ, როცა ომი ევროპას სულს უხუთავს, რუსეთის გავლენის ქვეშ მოქცეული პატარა ერი მოულოდნელი ეკონომიკური ბუმით სარგებლობს. ყველაფერი იმისკენ მიდის, რომ შესაძლოა, მიმდინარე წელს საქართველოს ეკონომიკა მსოფლიოს ერთ-ერთი ყველაზე სწრაფად მზარდი ეკონომიკა გახდეს. ეს ხდება 100 000-ზე მეტი რუსის შედინების კვალდაკვალ მას შემდეგ, რაც მოსკოვი უკრაინაში შეიჭრა და პუტინმა მობილიზაცია გამოაცხადა", - ვკითხულობთ სტატიაში.
მისი ავტორი, ჯეიკ ქორდელი ასევე აღნიშნავს, რომ საერთაშორისო ინსტიტუტების კვლევის თანახმად, მოსალოდნელია, 2022 წელს ამ შავი ზღვისპირა ქვეყანაში, 3,7 მილიონი მოსახლით, ეკონომიკის მკვეთრი 10%-იანი ზრდა დაფიქსირდეს.
- "ეს ნიშნავს რომ ქვეყანა, რომელიც ცნობილია მთებით, ტყეებითა და ვენახებით, აჯობებს ბევრად უფრო განვითარებულ ბაზრებს, როგორებიცაა ვიეტნამი და ნავთობის ექსპორტიორებს, როგორიცაა ქუვეითი", - წერს "როიტერსი"
"არის რაღაც ბუმის მსგავსი. ყველა ინდუსტრია ძალიან კარგად მუშაობს - მიკროორგანიზმებიდან დაწყებული კორპორაციებით დამთავრებული. ვერ წარმომიდგენია რაიმე ინდუსტრია, რომელსაც წელს პრობლემები ჰქონდა“, - ამბობს TBC ბანკის აღმასრულებელი დირექტორი, ვახტანგ ბუცხრიკიძე "როიტერსთან" საუბრისას.
სააგენტოს ცნობით, საზღვრის გადაკვეთის სტატისტიკა აჩვენებს, რომ წელს საქართველოში სულ მცირე, 112 000 რუსი შემოვიდა. პირველი დიდი ტალღა, 43 000 ადამიანი, მას შემდეგ შემოვიდა ქვეყანაში, რაც რუსეთი უკრაინაში შეიჭრა, ომის საწყის ეტაპზე. საქართველოს მთავრობაში აცხადებენ, რომ მეორე ტალღა მას შემდეგ წამოვიდა რუსეთიდან, რაც პუტინმა, სექტემბრის მიწურულს, ნაწილობრივი მობილიზაცია გამოაცხადა.
როგორც "როიტერსი" წერს, საქართველოს ეკონომიკურმა ბუმმა, ბევრი ექსპერტი დააბნია. ისინი პროგნოზირებდნენ, რომ ომი ქვეყნის ეკონომიკაზე "მძიმედ იმოქმედებდა."
"მაგალითად, ევროპის რეკონსტრუქციისა და განვითარების ბანკმა ((EBRD) მარტში იწინასწარმეტყველა, რომ უკრაინის კონფლიქტი მძიმე დარტყმას მიაყენებდა საქართველოს ეკონომიკას. ანალოგიურად, მსოფლიო ბანკის აპრილის პროგნოზით ქვეყნის ეკონომიკური ზრდა 2022 წელს 5.5%-დან 2,5%-მდე შემცირდებოდა", - ვკითხულობთ სტატიაში.
- "მიუხედავად ყველა იმ მოლოდინისა, რომელიც ჩვენ გვქონდა.... რომ ამ ომს ექნებოდა მნიშვნელოვნად უარყოფითი გავლენა საქართველოს ეკონომიკაზე, ჯერჯერობით, ვერ ვხედავთ ამ რისკების რეალიზებას. პირიქით, ჩვენ ვხედავთ, რომ ეკონომიკა მიმდინარე წელს იზრდება და ორნიშნა მაჩვენებელია“ - ამბობს EBRD-ის წამყვანი ეკონომისტი, აღმოსავლეთ ევროპისა და კავკასიის საკითხებში, დიმიტარ ბოგოვი.
როგორც "როიტერსი" წერს, ასეთი შთამბეჭდავი ეკონომიკური ზრდა მომგებიანი არ არის ყველასთვის, ათიათასობით რუსის შედინება, ტექნოლოგიების თვალსაზრისით ბევრი პროფესიონალის ჩასვლა, უამრავი ნაღდი ფულით, ზრდის ფასებს და ქართველების ნაწილს გამოდევნის ეკონომიკური ბაზრიდან, კონკრეტულად კი ისეთი ბაზრებიდან, როგორებიცაა საცხოვრებლის გაქირავების ბაზარი და განათლება. ზოგიერთი ბიზნესმენი ასევე შიშობს, რომ ქვეყანა ცუდ მდგომარეობაში აღმოჩნდება, როდესაც ომი დასრულდება და რუსები სახლში დაბრუნდებიან.
სტატიაში ასევე საუბარია 2008 წლის აგვისტოს ომზე და აღნიშნულია, რომ 2008 წელს საქართველოს ომი ჰქონდა რუსეთთან, თუმცა ახლა საქართველოს ეკონომიკა სარგებელს იღებს ზესახელმწიფოსთან სიახლოვით - "აქვთ ლიბერალური საიმიგრაციო პოლიტიკა, რაც რუსებს და ასევე სხვა მრავალი ქვეყნიდან ჩასულ ადამიანებს აძლევთ შესაძლებლობას, იცხოვრონ, იმუშაონ და შექმნან ბიზნესი და ამისთვის არ სჭირდებათ ვიზა.
გარდა ამისა, ომს გამოქცეულებს თან ახლავს ფულის ტალღა. საქართველოს ეროვნული ბანკის მონაცემებით, აპრილიდან სექტემბრამდე რუსებმა საქართველოში 1-მილიარდ დოლარზე მეტი გადარიცხეს ბანკების, ან ფულის გადარიცხვის სხვა სერვისების საშუალებით. რაც ხუთჯერ მეტია 2021 წლის ანალოგიურ პერიოდთან შედარებით. ამ შემოდინებამ ხელი შეუწყო ლარის გამყარებას", - წერს სტატიის ავტორი.
"როიტერსი" ასევე აღნიშნავს, რომ საქართველოში ჩასული რუსების დიდი ნაწილი IT სექტორიდანაა.
"ესენი არიან მდიდარი ადამიანები. ჩამოდიან გარკვეული ბიზნეს იდეებით. ველოდით, რომ ომი უარყოფით გავლენას მოახდენდა, მაგრამ ყველაფერი საკმაოდ განსხვავებული აღმოჩნდა“, - ამბობს ეკონომიკის საერთაშორისო სკოლის უფროსი მკვლევარი დავით კეშელავა.
- როგორც სააგენტო წერს, არსად არ ჩანს ისეთი მკაფიო გავლენა ახალჩამოსულების, როგორც დედაქალაქის საბინაო გაქირავების ბაზარზე, სადაც გაზრდილი მოთხოვნა ამძიმებს მდგომარეობას. კვლევის თანახმად, თბილისში ქირა 75%-ით გაიზარდა და ზოგიერთი დაბალშემოსავლიანი ადამიანი და ასევე სტუდენტი აღმოჩნდა მზარდი საბინაო კრიზისის ცენტრში.
"ჩვენ უნდა ვიცოდეთ, რომ ყველა ეს ფაქტორი, რომელიც წლევანდელ ეკონომიკურ ზრდას განაპირობებს, დროებითია და ეს არ იძლევა მდგრადი ზრდის გარანტიას მომდევნო წლებში, ამიტომ, სიფრთხილეა საჭირო. გარუკვევლობა ჯერ კიდევ არსებობს და კრიზისმა შეიძლება დაგვიანებით დაარტყას საქართველოს“, - ამბობს EBRD-ის ეკონომისტი, დიმიტარ ბოგოვი.
წყარო: reuters.com
გარეკანის ფოტოს ავტორი ირაკლი გედენიძე
მკითხველის კომენტარები /
41 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სტატია აქაურის დაწერილია , გამოქცეულიო ინგლისელი არ დაწერდა , ის დაწერდა გაქცეულიო ! ქართველის დაწერილია დედა სტატია და უკანაც მისი მოქართულებულია !
საქართველოს აქვს წლიური 30%-ს რესურსი, ეს მაშინ მოხდება, როცა საგადასახადოკოდექსს ყდაზე ეწერება, რომ მართალია ეს კოდექსი სწორია, იმპერატიულია , მაგრამ გადასახადის გადამხდელია ყოველთვის მართალი და სახელმწიფომ უნდა ამტკიცოს საპირისპირო ! მეორე მხრიდან იმ ყდაზე უნდა ეწეროს , რომ ამ კოდექსით გათვალისწინებული სასჯელების ინსპირაციის მცდელობის, ან ინსპირაციისათვის სახელმწიფო მოხელე და მისი უწყება სოლიდარულად ისევე აგებენ პასუხს , როგორც იმ დანაშაულის ჩამდენი, რომლის ინსპირირებაც ხდება ! პირველ გვერდზე უნდა ეწეროს, რომ კანონი თუ რამოდენიმეგვარად იკითხება, ის იკითხება გადასახადის გადამხდელის სასარგებლოდ, კანონი რომელიც აუარესებს პირის მდგომარეობას , ძალაში მომავალი წლის ბოლოს შედის, ხოლო რომელიც აუმჯობესებს , დაუყოვნებლივ ! იქვე შგიძლიათ დაამატოთ, რომ უვარგისი კანონით მიყენებულ ზარალს სახელმწიფო ზღავს ! შემდგომ გვერდებში რაც გინდა ის ეწეროს, 30 % ზრდა ყოველ წელს იქნება !