მნიშვნელოვანი ინფორმაცია
1
ივლისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ხდება ჩრდილოეთ კავკასიაში - იჩქერია და დაღესტანი დამოუკიდებლობას ითხოვენ: "ვხედავთ კრემლისა და კადიროვის რეაქციებს აღიარებასთან დაკავშირებით, შეშლილებს ჰგვანან"
10:00 / 05-11-2022
იჩქერიის არაღიარებული რესპუბლიკის მეთაური აჰმედ ზაკაევი, უკრაინისგან დაღესტნის დამოუკიდებლობის აღიარებას ითხოვს.
"ჩვენ, იჩქერია, ჩრდილოეთ კავკასიელ ხალხს კონფედერაციის ახალ ფორმას ვთავაზობთ. ყველაფერი საერთაშორისო პროტექტორატის გავლით მოხდება. ჩვენ ღიად ვაცხადებთ, რომ კავკასიაში არავითარი ომი არ იქნება" - ამბობს ზაკაევი glavcom.ua-სთან საუბრისას.
მისი თქმით, უკრაინაში მიმდინარე პროცესები კავკასიისთვის ძალიან მნიშვნელოვანია...
გასულ კვირას გავრცელდა ინფორმაცია, რომ უკრაინაში მოხალისე დაღესტნელებისგან შექმნილი ბატალიონის შესახებ, რომელთა მთავარი მოტივაცია რუსეთის დამარცხება და დაღესტნის დამოუკიდებლობის მოპოვებაა.
რუსული მედია ბოლო ხანებში მუდმივად ლაპარაკობს იმაზე, რომ რუსეთში, შესაძლოა, ქვეყნის ცალკეულ სუბიექტებად გამოყოფის განხილვისთვის პასუხისმგებლობა გამკაცრდეს...
გუშინ ცნობილი გახდა, რომ უკრაინის პრეზიდენტმა ვოლოდიმირ ზელენსკიმ საგარეო საქმეთა სამინისტროს იჩქერიის თემის გადახედვა დაავალა, ვინაიდან ცნობილი გახდა, რომ პეტიციას უკვე 25 ათასმა ადამიანმა მოაწერა ხელი...
kavkazr.com-თან საუბარში დაღესტნის ხალხთა სრულიად უკრაინის კონგრესის თავმჯდომარე და კრივისა და კიკბოქსინგის ცნობილი მწვრთნელი ახმად ახმედოვი ამბობს, რუსეთის დასამარცხებლად ყველაფერს გააკეთებენ.
მან ცხოვრების დიდი ნაწილი დაღესტანში გაატარა, სადაც სპორტის ერთ-ერთ სახეობაში მწვრთნელი იყო. უკვე ხუთი წელია უკრაინაში ცხოვრობს, თუმცა, რუსული პასპორტით. დაღესტანში შვილი და დედა დარჩა. ადგილობრივმა ხელისუფლებამ მისი შვილი გააფრთხილა, რომ მამასთან ურთიერთობის შემთხვევაში, ცუდად დაამთავრებდა... დედამისის სახლს ძალიან ხშირად ჩხრეკენ, მიუხედავად იმისა, რომ შვილის ადგილსამყოფელი ისედაც იციან. ახმადოვი ბატალიონ ხორტის მოხალისეა.
"ლუგანსკის ოლქში ყველაზე მძიმე ბრძოლებში მომიწია მონაწილეობა - ვიბრძოდი ლისიჩანსკში, სევეროდონეცკში, ტოშკოვკაში, პოპასნაიაში, ორეხოვოში... ჩრდილოეთ კავკასიიდან აქ ბევრნი ვართ. ახლა ჩეჩნეთი ყველაზე მტკივნეული ადგილია მთელ ჩრდილოეთ კავკასიაში. მოსახლეობის მესამედი ამ ოცი წლის განმავლობაში, კიდევ ერთხელ განადგურდა.
არადა, ჩეჩენი ხალხი იმსახურებს, რომ მათი ტერიტორიები ოკუპირებულად აღიარონ. კავკასიელებისთვის ჩეჩნეთის დამოუკიდებლობა ძალიან მნიშვნელოვანია. ჩვენ ვიმსახურებთ დამოუკიდებლობასა და თავისუფლებას, დაღესტნელებიც და ჩრდილოეთ კავკასიის სხვა ერებიც... დაღესტანი ძალიან მდიდარია ბუნებრივი რესურსებით, მაგრამ განვითარების შესაძლებლობას არ აძლევენ. არადა, ძალიან მნიშვნელოვანი გეოპოლიტიკური მდებარეობა აქვს. ტერიტორიულად სომხეთზე დიდია. იქ შეიძლება ეკონომიკის, ტურიზმისა და სხვა მიმართულებების განვითარება, ოღონდ ამ ყველაფერს პოლიტიკური ნება სჭირდება...
ჩვენ ვხედავთ კრემლისა და კადიროვის რეაქციებს, აღიარებასთან დაკავშირებით, შეშლილებს ჰგვანან. იმიტომ, რომ რუსეთის დაშლის დღეები დათვლილია. ამაში დარწმუნებული ვარ და ვიცი, რომ ამ პროცესს ძალიან მალე ვნახავთ" - ამბობს ახმადოვი.
კითხვაზე, ახლა რომ დაღესტანში რეფერენდუმი ჩატარდეს, რამდენი პროცენტი მისცემს ხმას დამოუკიდებლობას, ის პასუხობს, რომ 30% რუსეთის ინტერესების გამტარებელია და კრემლის სამსახურშია, დანარჩენ 70%-ს კი, დამოუკიდებლობა სურს.
"ჩვენს შვილებს სკოლაში მშობლიურ ენაზე სწავლის უფლება არ აქვთ, მხოლოდ რუსულად სწავლობენ. დაღესტნელი ერის სასტიკი, უხეში ასიმილაცია მიმდინარეობს... წარმოდგენა არავის ჰქონდა, ჩვენთან რა ხდებოდა, იქამდე, ვიდრე რუსეთის აგრესია უკრაინას არ შეეხო. ანუ თავისი სახე გამოავლინა", - ამბობს დაღესტნელი მოხალისე.
მკითხველის კომენტარები /
65 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სარწმუნო წყაროებზე დაყრდნობილ ისტორიულ ფაქტებს ვერსად გავექცევით და ჩემი თხოვნაა წაიკოთხოთ, გაიაზროთ და ბოლოს აუცილებლად მიხვდებით, რომ სულელი არამც თუ წინაპრების გამოცდილებას არ ითვალისწინებს არამედ საკუთარ შეცდომებზეც რომელიც უამრავი იყო საქართველოს უახლეს ისტორიაში იქიდანაც ვერ გამოაქვს რაციონალური დასკვნა. დიდი გონიერება მართებს ქართველ ერს გადარჩენისთვის.
ივანიშვილმა აქ უნდა ჩამოიყვანოს კადიროვი რო პენსიაზე გავა და აქაც ააყვავოს ქვეყანა