მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იმ ქვეყანაში, სადაც საქართველოს პარლამენტი, 2 კვირის ჩვილით ხელში, ქალს სამსახურიდან აგდებს, ეს რატომ გვიკვირს?" -ლონდა თოლორაია თავს გადახდენილ მძიმე ისტორიას იხსენებს
14:58 / 01-11-2022
ყოფილი სახელმწიფო ინსპექტორი ლონდა თოლორაია 26 წლის კურიერი ქალის ფოტოს ეხმაურება, რომელზეც ჩანს, რომ ქალი მძიმე ტვირთით და ბავშვთან ერთად გადაადგილდება.
"ეს არის ჯოჯოხეთი. ეს შრომა არის შეუძლებელი, წარმოუდგენელი და გულის გამგლეჯი.
იმ ქვეყანაში, სადაც საქართველოს პარლამენტი 2 კვირის ჩვილით ხელში ქალს სამსახურიდან აგდებს (1 თეთრი კომპენსაციის გარეშე), ეს რატო გვიკვირს? დიახ, საქართველოს პარლამენტმა დაამკვიდრა, რომ ქალს შეუძლია თან ბავშვი გაზარდოს, თან უდიდეს სტრესს გაუძლოს, თან იმუშაოს იმ პაწაწინა თავისუფალ დროს (ღამე, დღე), რომელსაც ბავშვი უტოვებს და კედლებს მიასკდეს, სად შეიძლება ჰქონდეს მუშაობის შანსი (პარლამენტისგან გამოგდებულს რომ ბევრი ისე გიყურებს, როგორც კეთროვანს, ეს ცალკე პრობლემაა და ამაზე სხვა დროს).
დიახ, საქართველოს პარლამენტმა მითხრა, რომ "ბავშვის აღზრდისთვის მეტი დრო მექნებოდა”...) თუმცა ეტყობა არ უფიქრია როგორი დედა უნდა იყოს ქალი, რომელსაც თავი აქვს გატენილი არა ბავშვის ზრუნვაზე ფიქრით, არამედ იმაზე ფიქრით როგორ, სად, რა ძალებით, რა ენერგიით, რა რესურსით გააგრძელოს ცხოვრება ისევ ამ ბავშვისთვის. დიახ, საქართველოს პარლამენტმა მომისაჯა მემუშავა პირველივე დღიდან. ვმუშაობდი - ღამე და დღე (ზოგჯერ უშედეგოდ, მაგრამ მაინც). ბავშვის ტირილი მაწყვეტინებდა საქმეს ყოველ 5 წუთში, 2 - საათიან საქმეს ვუნდებოდი 2 კვირა, იმიტომ რომ მტკიოდა ყველაფერი, არც სხეული მუშაობდა და არც ტვინი. სტრესი იყო სახლიდან გასვლაც - როგორც კი ჩაცმას ვიწყებდი, იწყებდა ტირილს. ამიტომ ხან თან მიმყავდა ან თუ ასეთ მდგომარეობაში სახლში ვტოვებდი, იმ შეხვედრიდან აზრი ვერ გამომქონდა, სადაც ვიჯექი. რა თქმა უნდა, ეს სტრესი გადადიოდა ბავშვზე - ვერ ვეთამაშებოდი, ვერ ვხარობდი მასთან ერთად, ვერ ვაძინებდი, ტიროდა ისიც და ვტიროდი მეც.
ამ სურათის დანახვაზე, ყველა ტკივილი განმიახლდა, რაც გამოვიარე და რასაც დღემდე გავდივარ. რასაც ეს ქალი აკეთებს არის წარმოუდგენელი და იმაზე ბევრად რთული, რაც მე გამოვიარე. შეუძლებელია ეს სიმძიმე ატარო მთელი დღე, შეუძლებელია ხედავდე შენთან ერთად, როგორ წვალობს ეს პატარა მთელი დღე, მაგრამ დედაა და სხვა გამოსავალი არ აქვს. ამას გააკეთებს მანამ, სანამ არ დაეცემა. ძალიან სამწუხაროა, რომ ჩვენს ქვეყანაში ჩვილი ბავშვით ხელში გულის წასვლამდე შრომა საქართველოს პარლამენტის დამკვიდრებული სტანდარტია", - წერს თოლორაია "ფეისბუქის" პირად გვერდზე:
შეგახსენებთ, კანონი, რომლითაც სახელმწიფო ინსპექტორის სამსახური გაუქმდა და მის ნაცვლად ორი ახალი სტრუქტურა შეიქმნა, საქართველოს პარლამენტმა დაჩქარებული წესით რამდენიმე დღეში, 2021 წლის 30 დეკემბერს მიიღო. კანონპროექტის ინიცირებისას სახელმწიფო ინსპექტორი, ლონდა თოლორაია დეკრეტულ შვებულებაში იმყოფებოდა. მოსალოდნელი ცვლილებების შესახებ მისთვის მედიიდან გახდა ცნობილი.
ნაჩქარევად მიღებული კანონით, 1 -ლ მარტს თანამდებობები დატოვეს სახელმწიფო ინსპექტორმა ლონდა თოლორაიამ და მისმა მოადგილეებმა. სახელმწიფო ინსპექტორის სამსახურის მუშაობას ქვეყანაში არსებული კვალიფიციური არასამთავრობო ორგანიზაციები დადებითად აფასებდნენ.
იხილეთ ასევე:
მკითხველის კომენტარები /
52 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ლონდა ცრუ, დაიმახსოვრე, როცა ცრუობ, იქაც ზომიერი უნდა იყოს. თავად ქალი სულ სხვას ყვება. ისიც ტქვი, ზურგჩანთა, როგორ დაკიდე ძალით
ქალბატონო ლონდა ეს არის ტყუილი,ჯერ ერთი დეკრეტში თუ იყო ეს ქალბატონი გაბრძანებული სახელმწუფო სამსახურში ნუშაობდა მას ეკუთვნის 6 თვიანი სადეკრეტო შვებულებამას სახელმწიფო უნაზღაურებს 6 თბის განმავლობაში 1000 ლარიან დახმარებას.ორი კვორის ბავში რატომ უნდა ატარო სამსახურში..