"რატომ წავიდა ეს ბებია ტაივანში?" - 70 წლის პუტინმა 82 წლის ნენსი პელოსს ბებია უწოდა
"ვალდაის“ ფორუმზე სიტყვით გამოსვლისას რუსეთის პრეზიდენტმა ვლადიმერ პუტინმა აშშ-ის წარმომადგენელთა პალატის სპიკერის, ნენსი პელოსის ტაივანში ვიზიტის შესახებ გააკეთა კომენტარი, რა დროსაც 70 წლის პუტინმა 82 წლის პელოსს ბებია უწოდა.
პუტინმა თქვა, რომ ის ტაივანს ცნობს ჩინეთის სახალხო რესპუბლიკის ნაწილად. როგორც რუსეთის პრეზიდენტმა აღნიშნა, აშშ-ის ოფიციალური პირების და პელოსის ტაივანში ვიზიტი პროვოკაცია იყო.
"მთელი დასავლეთი თავს დაგვესხა. ცდილობს ჩვენი ეკონომიკა დაამხოს. მილიარდობით ღირებულების იარაღს აწვდის უკრაინას. ებრძვიან რუსეთს. რად უნდათ ამავე დროს ჩინეთთან ურთიერთობის გაფუჭება, ნორმალურები არიან?!
ჯანსაღ აზრსა და ლოგიკას სრულად ეწინააღმდეგება.
რატომ წავიდა ეს ბებია ტაივანში? რომ ჩინეთის პროვოცირება მოეხდინათ, თან იმ დროს, როდესაც რუსეთთან ვერ არეგულირებენ ურთიერთობას იმის გამო, რაც უკრაინაში ხდება, სისულელეა", - თქვა პუტინმა.