ბათუმი დაიტბორა: ქალაქის რამდენიმე ქუჩა პარალიზებულია - ფოტოები ადგილიდან
ბათუმში ძლიერი წვიმის შედეგად, ხიმშიაშვილის, კობალაძისა და ე.წ. ჭაობის დასახლებაში ქუჩები დაიტბორა. მოქალაქეების განცხადებით, მათ როგორც ქვეითად, ასევე ავტომობილით გადაადგილება უჭირთ.
მოსახლეობა აცხადებს, რომ სანიაღვრე არხების გაჭედვის გამო, ქალაქის რამდენიმე ქუჩა პარალიზებულია.
"მივმართავთ შესაბამის სამსახურებს, რათა დროულად გაწმინდონ არხები და მიხედონ ქალაქს" - აცხადებენ მოქალაქეები.
ბათუმის გარე უბანში, ურეხის დასახლებაში ერთ-ერთ საცხოვრებელ სახლთან წვიმის შედეგად მეწყრული პროცესი განვითარდა, რის შედეგადაც ეზოში მდგომი მსუბუქი ავტომობილი დაზიანდა. დაზარალებული ოჯახი აცხადებს, რომ აღნიშნული ტერიტორია საცხოვრებლად საფრთხის შემცველია.
ნახეთ ფოტოები:
