მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით მათიკაშვილის უცნაური შეკითხვა: რა შუაშია ხვიჩა კვარაცხელია და რა უპასუხა ანა აბაშიძემ ფეხბურთელზე დასმულ კითხვას?
16:22 / 25-10-2022
პარლამენტის ადამიანის უფლებათა დაცვის კომიტეტში სახალხო დამცველობის კანდიდატების მოსმენა მიმდინარეობს.
მოსმენის პროცესი ანა აბაშიძით დაიწყო.
აბაშიძეს კრიტიკული კითხვები დაუსვეს უმრავლესობის წამომადგენლებმა. მაგალითად, დავით მათიკაშვილი დაინტერესდა, თუ რას გულისხმობდა საქართველოში გერმანიის ყოფილი ელჩი, ჰუბერტ ქნირში, რომელმაც განაცხადა, რომ არასამთავრობო ორგანიზაციები "ამ დონემდე დაეშვნენ“, როდესაც მათ 2020 წლის ივნისში, საქართველოს მთავრობის მიერ გაეროს ბავშვთა უფლებების კომიტეტის წევრობის კანდიდატად სოფიო კილაძის წარდგენა გააკრიტიკეს. თუმცა ვიდრე უშუალოდ ამ კონკრეტული კითხვას დაუსვამდა მმართველი პარტიის დეპუტატი ომბუდსმენობის კანდიდატს, მეტად უცნაურ შედარებას მიმართა და მაგალითად, ფეხბურთელი ხვიჩა კვარაცხელია მოიყვანა.
"ხვიჩა კვარაცხელიას ტრანსფერზე ალბათ გსმენიათ, ბათუმის "დინამოდან" ტიტულოვან გუნდში რომ გადავიდა, იტალიაში, ეს რომ გაიგეთ, რა განცდა დაგეუფლათ?" - ჰკითხა მათიკაშვილმა აბაშიძეს, რაზეც უფლებადამცველმა მიუგო:
"მადლობა, მე ყოფილი სპორტსმენი ვარ, მორბენალი და კიგბოქსინგით ვიყავი დაკავებული. როგორც სპორტსმენი და მოქალაქე, ვიყავი ძალიან ბედნიერი და ახლაც ბედნიერი ვარ. დედაჩემმაც კი, რომელსაც არასოდეს ფეხბურთისთვის არ უყურებია, მითხრა, ხვალ კია შენი მოსმენა, მაგრამ მე ახლა ხვიჩას თამაში ჩამირთეო"...
შემდეგაც მათიკაშვილმა მას ხვიჩას შესახებ მორიგი კითხვით მიმართა:
"თქვენ და ხვიჩას, რომ კონფლიქტი გქონოდათ, მაგალითად, მისი ფეხბურთის თამაშის სტილთან ან სხვა საკითხებთან, მისი გადასვლა მაინც გაგიხარდებოდათ, თუ გულში რაღაც მჯიღი დაგრჩებოდათ ამ პირადი უთანხმოების გამო მისი წარმატებით ისე ბედნიერი არ იქნებოდით?" - იკითხა მათიკაშვილმა.
"სკოლაში მყავდა ერთი ძალიან ცუდი ხასიათის მეგობარი, რომელიც ყოველთვის ცდილობდა ჩემს დასმენას, თუ რაიმეს გადაწერას ვეცდებოდი. მერე ამ ადამიანმა ბევრი იშრომა და წარმატებული მოხელეა ახლა. მე მას საჯაროდ ვუთხარი, რომ არის სწორი. ამ კითხვაზე ასე გიპასუხებთ..." - უპასუხა აბაშიძემ.
შემდეგ მათიკაშვილმა ანა აბაშიძეს უშუალოდ გერმანიის ელჩის გაკრიტიკებაზეც ჰკითხა. დეპუტატი დაინტერესდა, თუ რას გულისხმობდა საქართველოში გერმანიის ყოფილი ელჩი, ჰუბერტ ქნირში, რომელმაც განაცხადა, რომ არასამთავრობო ორგანიზაციები "ამ დონემდე დაეშვნენ“, როდესაც მათ 2020 წლის ივნისში, საქართველოს მთავრობის მიერ გაეროს ბავშვთა უფლებების კომიტეტის წევრობის კანდიდატად სოფიო კილაძის წარდგენა გააკრიტიკეს. რაზეც აბაშიძემ უპასუხა, რომ მას შეუძლია ყველა გააკრიტიკოს.
"არანაირი ავტორიტეტი არ არის არავინ, მათ შორის არც გერმანიის ელჩი, რომელმაც პირდაპირი მნიშვნელობით ჩემთან პერსონალური მიმოწერა გაასაჯაროვა, დადო "ფეისბუქ" გვერდზე" - თქვა ომბუდსმენობის კანდიდატმა.
საპარლამენტო კომიტეტის ფარგლებში მოსმენები 29 ოქტომბრის ჩათვლით გაგრძელდება.
სახალხო დამცველის პოსტზე პარლამენტში 19 პირის განაცხადი შევიდა და განსახილველად 19-ვე კანდიდატია წარდგენილი.
00:00 / 00:00
მკითხველის კომენტარები /
47 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქოცები ყველანაირად ცდილობენ რამენაირად ჩვენი ქვეყნის ბრილიანტი ბიჭი საქოცეთან დაუკავშირონ. რაც არასოდეს არც ერთ პარტიას არ გამოუვა.. 😊
წარმატებულებს ეტენებიან,თვითონ ხო იციან 0 არიან აბსოლუტური!