"ძა­ლი­ან რთუ­ლია, მა­მამ შვი­ლე­ბის წარ­მა­ტე­ბით გა­მოწ­ვე­უ­ლი ემო­ცი­ე­ბის და­მალ­ვა მო­ა­ხერ­ხოს, მაგ­რამ..." - გი­ორ­გი ასა­ნი­ძე შვი­ლებ­ზე, მო­ახ­ლო­ე­ბულ მსოფ­ლიო ჩემ­პი­ო­ნატ­სა და ლაშა ტა­ლა­ხა­ძე­ზე

ალ­ბა­ნე­თის ქა­ლაქ დუ­რეს­ში მიმ­დი­ნა­რე 20 და 23-წლამ­დელ ძა­ლო­სან­თა ევ­რო­პის ჩემ­პი­ო­ნა­ტი ტრა­დი­ცი­უ­ლად უხვმედ­ლი­ა­ნია ქარ­თვე­ლი ახალ­გაზ­რდე­ბის­თვის. ტურ­ნი­რი 25 ოქ­ტომ­ბერს სრულ­დე­ბა და თუ აქამ­დე და­ფიქ­სი­რე­ბულ შე­დე­გებ­სა და ჩვე­ნი სპორ­ტსმე­ნე­ბის კონ­დი­ცი­ებს გა­ვით­ვა­ლის­წი­ნებთ, მი­ნი­მუმ ორი ათე­უ­ლი მე­და­ლი ალ­ბა­ნე­თი­და­ნაც უნდა წა­მო­ვი­ღოთ. თუმ­ცა, სა­ბო­ლოო მო­ნა­გა­რი რამ­დე­ნი­მე დღე­ში გვე­ცო­დი­ნე­ბა. იქამ­დე კი, უკვე ვნა­ხეთ უნი­კა­ლუ­რი შე­დე­გი - ასა­ნი­ძე­ე­ბის ტრი­უმ­ფი! კახი და საბა სა­ქარ­თვე­ლოს ძა­ლო­სან­თა ეროვ­ნუ­ლი ნაკ­რე­ბის მთა­ვა­რი მწვრთნე­ლის, ოლიმ­პი­უ­რი ჩემ­პი­ო­ნის - გი­ორ­გი ასა­ნი­ძის შვი­ლე­ბი არი­ან და დუ­რე­სი­დან ორი­ვე ევ­რო­პის ჩემ­პი­ო­ნის ტი­ტუ­ლით მო­დის: 19 ოქ­ტომ­ბერს, 23-წლამ­დელ­თა შო­რის, ჩემ­პი­ო­ნი კახი ასა­ნი­ძე გახ­და (ორ­ჭი­დის ჯამ­ში 322 კგ), მე­ო­რე დღეს კი, 20-წლამ­დელ­თა ტურ­ნირ­ზე, ოქ­როს მე­და­ლი მის­მა უმ­ცროს­მა ძმამ - საბა ასა­ნი­ძე­მაც "ას­წია“ (ორ­ჭი­დის ჯამ­ში 328 კგ). "სამი ოქრო მყავს სახ­ლში“ - ჩემ­პი­ო­ნი ქმარ-შვილ(ებ)ის ფო­ტოს მი­ა­წე­რა გი­ორ­გი ასა­ნი­ძის მე­უღ­ლემ. ასეც არის, თუმ­ცა, თეა კო­ტუ­ას სტა­ტუს­ში მცი­რე შეს­წო­რე­ბას შე­ვი­ტანთ: ასა­ნი­ძე­ე­ბის სა­ხით, "ოქ­რო­ე­ბი“ მთელ სა­ქარ­თვე­ლოს გვყავს! "კვი­რის პა­ლიტ­რა“ გი­ორ­გი ასა­ნი­ძეს ალ­ბა­ნეთ­ში და­უ­კავ­შირ­და და შვი­ლე­ბის წარ­მა­ტე­ბა­ზე, კარს მომ­დგარ მსოფ­ლიო ჩემ­პი­ო­ნატ­ზე და რა თქმა უნდა - ლაშა ტა­ლა­ხა­ძის ფი­ზი­კურ კონ­დი­ცი­ა­ზე ელა­პა­რა­კა. გთა­ვა­ზობთ ფრა­გე­მენ­ტებს ინ­ტერ­ვი­უ­დან:

- გი­ორ­გი, გი­ლო­ცავთ შვი­ლე­ბის წარ­მა­ტე­ბას, გი­ლო­ცავთ მედ­ლებს, რომ­ლე­ბიც ქარ­თველ­მა ძა­ლოს­ნებ­მა მო­ი­პო­ვეს და რო­მელ­თა რა­ო­დე­ნო­ბაც აუ­ცი­ლებ­ლად მო­ი­მა­ტებს!

- მად­ლო­ბა თქვენ და ყვე­ლა გულ­შე­მატ­კი­ვარს, ვი­საც ჩვე­ნი წარ­მა­ტე­ბა უხა­რია. უამ­რა­ვი მი­ლოც­ვა მი­ვი­ღეთ, ვხე­დავთ, რო­გორ უყ­ვართ ძა­ლოს­ნო­ბა სა­ქარ­თვე­ლო­ში და ყვე­ლა­ფერს ვა­კე­თებთ, რათა გა­ვა­ხა­როთ ჩვე­ნი სამ­შობ­ლო და სა­ქარ­თვე­ლოს დრო­შა რაც შე­იძ­ლე­ბა ხში­რად აღვმარ­თოთ. ევ­რო­პის მიმ­დი­ნა­რე პირ­ვე­ლო­ბა­ზე 22 ქარ­თვე­ლი ძა­ლო­სა­ნი მო­ნა­წი­ლე­ობს. დღე­ვან­დე­ლი მდგო­მა­რე­ო­ბით (ინ­ტერ­ვიუ ჩა­წე­რი­ლია 22 ოქ­ტომ­ბერს - ავ­ტო­რი), მო­პო­ვე­ბუ­ლი გვაქვს ათზე მეტი მე­და­ლი, თუმ­ცა, ტურ­ნი­რი 25 ოქ­ტომ­ბრის ჩათ­ვლით გრძელ­დე­ბა და მე­და­ლოს­ნე­ბის რა­ო­დე­ნო­ბა აუ­ცი­ლებ­ლად გა­იზ­რდე­ბა. ჩვე­ნი სპორ­ტსმე­ნე­ბის მომ­ზა­დე­ბა გვაძ­ლევს სა­ფუძ­ველს ვი­ვა­რა­უ­დოთ, რომ კი­დევ გვე­ყო­ლე­ბი­ან ჩემ­პი­ო­ნე­ბიც და პირ­ვე­ლო­ბის­თვის გუნ­დურ ჩათ­ვლა­შიც ვიბ­რძო­ლებთ.

...

- ორ გან­სა­კუთ­რე­ბულ ოქ­რო­ზე უნდა გკი­თხოთ - კახი და საბა ასა­ნი­ძე­ე­ბის ჩემ­პი­ო­ნო­ბა­ზე. მედ­ლებ­ზე, რომ­ლებ­საც რო­გორც მწვრთნე­ლი და რო­გორც მამა - სხვა­დას­ხვა ემო­ცი­ით შეხ­ვდე­ბო­დით!

- ძა­ლი­ან რთუ­ლია, მა­მამ შვი­ლე­ბის წარ­მა­ტე­ბით გა­მოწ­ვე­უ­ლი ემო­ცი­ე­ბის და­მალ­ვა მო­ა­ხერ­ხოს... მაგ­რამ მწვრთნე­ლად მუ­შა­ო­ბის მრა­ვალ­წლი­ა­ნი გა­მოც­დი­ლე­ბა და სტა­ტუ­სი მა­ვალ­დე­ბუ­ლებს, ცივი გო­ნე­ბით ვმარ­თავ­დე ემო­ცი­ას, ჩემი გრძნო­ბე­ბი არ ვაგ­რძნო­ბი­ნო გუნდს, სპორ­ტსმე­ნებს, რად­გან მწვრთნე­ლის ერთ-ერთი მთა­ვა­რი ფუნ­ქცია, სწო­რედ შე­გირ­დე­ბის ფსი­ქო­ლო­გი­უ­რი მხარ­და­ჭე­რაა. სა­ერ­თო ჯამ­ში, მად­ლო­ბა კა­ხის და სა­ბას - კარ­გად გა­არ­თვეს თავი და­კის­რე­ბულ ამო­ცა­ნას და დიდი კონ­კუ­რენ­ცი­ის პი­რო­ბებ­ში გა­ი­მარ­ჯვეს. მად­ლო­ბა ჩვე­ნი გუნ­დის ყვე­ლა წევ­რს, ვინც მედ­ლე­ბით გაგ­ვა­ხა­რა და ტურ­ნი­რის ბო­ლომ­დე, კი­დევ გაგ­ვა­ხა­რებს.

- ალ­ბათ, კა­ხის და სა­ბას სხვებ­ზე მკაც­რად ექ­ცე­ვით ვარ­ჯი­შე­ბი­სა თუ ტურ­ნი­რე­ბის დროს...

- სიმ­კაც­რის რა გი­თხრათ... თუმ­ცა, დის­ციპ­ლი­ნას ყვე­ლა სპორ­ტსმენს თა­ნაბ­რად ვთხოვ - ეს ჩემი ვალ­დე­ბუ­ლე­ბაა. ჩვე­ნი წარ­მა­ტე­ბის მთა­ვა­რი ფორ­მუ­ლა სწო­რედ დის­ციპ­ლი­ნა­ზეა და­ფუძ­ნე­ბუ­ლი. ამას არ ვუ­ღა­ლა­ტებთ, რად­გან რაც უნდა ნი­ჭი­ე­რი და შრო­მის­მოყ­ვა­რე იყოს სპორ­ტსმე­ნი, დის­ციპ­ლი­ნის გა­რე­შე, წარ­მა­ტე­ბა წარ­მო­უდ­გე­ნე­ლია. სპორ­ტსმე­ნო­ბის დრო­საც ასე ვფიქ­რობ­დი და ახ­ლაც, მწვრთნე­ლის რან­გშიც, მი­მაჩ­ნია, რომ დის­ციპ­ლი­ნის გა­რე­შე, შე­დეგს ვერ მი­ვაღ­წევთ. ეს ყვე­ლა­ფე­რი სპორ­ტსმე­ნის­გან დიდ თავ­და­დე­ბას, ბევრ რა­ღა­ცა­ზე უა­რის თქმას მო­ი­თხოვს. ვინც ამ ყვე­ლა­ფერს უძ­ლებს, წარ­მა­ტე­ბა­საც აღ­წევს! სწო­რედ ასე­თი გუნ­დის მშე­ნებ­ლო­ბას გა­ვაგ­რძე­ლებ, სა­ნამ ნაკ­რე­ბის სა­თა­ვე­ში ვიქ­ნე­ბი. ჩემი მხრი­დან, ჩემი შვი­ლე­ბი არას­დროს იქ­ნე­ბი­ან სხვებ­ზე უპი­რა­ტე­სი ან გა­მორ­ჩე­უ­ლი! უპი­რა­ტე­სი იქ­ნე­ბა ის შე­დე­გი, რო­მელ­საც ისი­ნი აჩ­ვე­ნე­ბენ, ეს არის ჩემი მო­ტი­ვა­ცია! ის, რომ ფსი­ქო­ლო­გი­უ­რად მზად აღ­მოჩ­ნდნენ, ნიშ­ნავს, რომ სწო­რად აფა­სე­ბენ მდგო­მა­რე­ო­ბას და პა­სუ­ხის­მგებ­ლო­ბაც სრუ­ლად გა­ი­თა­ვი­სეს.

...

- გა­სა­გე­ბია, რომ ასა­კობ­რი­ვი სხვა­ო­ბაც არის და სხვა­დას­ხვა ასა­კობ­რივ კა­ტე­გო­რი­ა­შიც გა­მო­დი­ან, მაგ­რამ ძმებს მა­ინც აქვთ ხოლ­მე ფი­ცარ­ნაგ­ზე ერ­თგვა­რი ქიშ­პო­ბა? მე­ტო­ქე­ებ­თან ერ­თად, ერ­თმა­ნეთ­საც ეჯიბ­რე­ბი­ან, თუ თქვენ­თან ცდი­ლო­ბენ თა­ვის გა­მო­ჩე­ნას?

- მო­ტი­ვა­ცია და პა­სუ­ხის­მგებ­ლო­ბა არ აკ­ლი­ათ. მათ შო­რის - ჩემი ფაქ­ტო­რის გა­მოც. აც­ნო­ბი­ე­რე­ბენ და უფრთხილ­დე­ბი­ან იმ შრო­მას, იმ სა­ხელს, რაც მე და­მი­ტო­ვე­ბია. არც ის დაგ­ვა­ვი­წყდეს, რომ ჩემი შვი­ლე­ბი სხვა­დას­ხვა ასა­კი­სა და წო­ნი­თი კა­ტე­გო­რი­ის მძლე­ოს­ნებ­თან ერ­თა­დაც ვარ­ჯი­შო­ბენ და მეტი მო­ტი­ვა­ცია და კა­ტა­ლი­ზა­ტო­რი რაღა უნდა გქონ­დეს, როცა პლა­ნე­ტის უძ­ლი­ე­რეს ძა­ლო­სან­თან - ლაშა ტა­ლა­ხა­ძეს­თან ერ­თად გი­წევს ვარ­ჯი­ში? რაც შე­ე­ხე­ბა ერ­თმა­ნეთ­თან "ქიშ­პო­ბას“, ბუ­ნებ­რი­ვიც იქ­ნე­ბა, თუ ერთი ძმა შე­ეც­დე­ბა, არ ჩა­მორ­ჩეს მე­ო­რეს. ეს სპორ­ტია და სულ ერ­თნა­ი­რი შე­დე­გი ვერც ექ­ნე­ბათ. თუმ­ცა, მთა­ვა­რია, მო­ტი­ვა­ცია არ და­კარ­გონ, დღეს მო­პო­ვე­ბუ­ლი გა­მარ­ჯვე­ბა კი დიდი გზის მხო­ლოდ ნა­წი­ლია. ევ­რო­პის ჩემ­პი­ო­ნო­ბით არა­ფე­რი დამ­თავ­რე­ბუ­ლა, პი­რი­ქით - ყვე­ლა­ფერს ახლა იწყებ!

- კა­ხის და სა­ბას გა­მარ­ჯვე­ბის შემ­დეგ, თქვენ­მა მე­უღ­ლემ გა­მო­აქ­ვეყ­ნა დიდი და პა­ტა­რა ასა­ნი­ძე­ე­ბის ფოტო წარ­წე­რით - "სამი ოქრო მყავს სახ­ლში!“ თქვენ რას ეტყვით მე­უღ­ლეს სტა­ტუ­სის პა­სუ­ხად?

- მად­ლო­ბა თეას ასე­თი სი­ტყვე­ბის და ასე­თი შვი­ლე­ბის­თვის! მას ძა­ლი­ან კარ­გად ეს­მის, რამ­დე­ნი შრო­მის შე­დე­გია თი­თო­ე­უ­ლი მე­და­ლი. რა თქმა უნდა, ძა­ლი­ან უნდა, ქმარ-შვილ­თან მეტ დროს ატა­რებ­დეს, მაგ­რამ ჩვე­ნი წარ­მა­ტე­ბე­ბი მეტ-ნაკ­ლე­ბად მა­ინც უქარ­წყლებს ოჯა­ხის წევ­რე­ბის მო­ნატ­რე­ბას. რომ არა მისი დიდი მხარ­და­ჭე­რა - ჯერ კი­დევ აქ­ტი­ურ სპორ­ტში ყოფ­ნი­სას, ახლა კი, მწვრთნე­ლად მუ­შა­ო­ბი­სას, რთუ­ლი იქ­ნე­ბო­და ამ­დე­ნი წარ­მა­ტე­ბის მიღ­წე­ვა. ამი­ტომ, მად­ლო­ბა თეას კი­დევ ერთხელ!

- შემ­თხვე­ვი­თი არც ის არის, რომ თქვენს ვაჟს კახი ჰქვია... იმე­დია, წავა კი­დეც სამ­გზის ოლიმ­პი­უ­რი ჩემ­პი­ო­ნი სეხ­ნი­ის და ნათ­ლი­ის კვალ­ზე!

- იმე­დია. კახი კა­ხი­აშ­ვი­ლი ჩემი მეჯ­ვა­რეა და კახი ასა­ნი­ძის ნათ­ლია. სა­ნამ და­ვო­ჯახ­დე­ბო­დი, ეს ამ­ბა­ვი ჯერ კი­დევ მა­შინ იყო გა­და­წყვე­ტი­ლი!

- შე­საძ­ლოა, ეს კი­თხვა უც­ნა­უ­რად მო­გეჩ­ვე­ნოთ, მაგ­რამ მა­ინც გკი­თხავთ: ხვი­ჩა კვა­რა­ცხე­ლი­ას ფან­ტას­ტი­კურ­მა თა­მაშ­მა, ლა­მის, "დაგ­ვა­ვი­წყა“ სპორ­ტის სხვა სა­ხე­ო­ბე­ბი! ოღონდ, დარ­წმუ­ნე­ბუ­ლი ვარ, რომ ხვი­ჩას მხურ­ვა­ლე ქო­მა­გო­ბის პა­რა­ლე­ლუ­რად, ყვე­ლა სპორ­ტსმე­ნი (მათ შო­რის, ცხა­დია - ძა­ლოს­ნე­ბიც!) ცდი­ლობს, კი­დევ უფრო მე­ტად მო­ინ­დო­მოს, მეტი იშ­რო­მოს თა­ვის შე­საძ­ლებ­ლო­ბე­ბის და სა­ხე­ო­ბის წარ­მო­სა­ჩე­ნად! ასეა?

- ჯერ იმას ვი­ტყვი, რომ არა­ვის ჩა­მოვ­რჩე­ბი კვა­რას მატ­ჩე­ბის მო­ლო­დინ­სა და ყუ­რე­ბა­ში! ვიცი, რამ­დენს შრო­მობ­და, რო­გო­რი მიზ­ნე­ბი ჰქონ­და ხვი­ჩას მა­მას - ბად­რი კვა­რა­ცხე­ლი­ას, რამ­ხე­ლა წვლი­ლი მი­უ­ძღვის შვი­ლის ასეთ ადა­მი­ა­ნად და ფეხ­ბურ­თე­ლად ჩა­მო­ყა­ლი­ბე­ბა­ში... რაც შე­ე­ხე­ბა თვი­თონ ხვი­ჩას, მას დიდ წარ­მა­ტე­ბას ვუ­სურ­ვებ. ყო­ველ კვი­რას იმ­ხე­ლა სი­ხა­რუ­ლი­თა და სი­ა­მა­ყით გვავ­სებს, უკვე იქცა ჩვენს, მთე­ლი სა­ქარ­თვე­ლოს "შვი­ლად“!

...

სხვა­თა შო­რის, ჩემი უფ­რო­სი შვი­ლი - კახი, რო­მე­ლიც ორი დღის წინ ევ­რო­პის ჩემ­პი­ო­ნი გახ­და, რვა წლის გან­მავ­ლო­ბა­ში ფეხ­ბურ­თე­ლი იყო. ასე რომ, სპორ­ტის ეს სა­ხე­ო­ბაც არა­ნაკ­ლებ გვიყ­ვარს... დიახ, ხვი­ჩა კვა­რა­ცხე­ლია სტი­მუ­ლიც არის ყვე­ლა ქარ­თვე­ლი სპორ­ტსმე­ნის­თვის და მას ყვე­ლა პი­რო­ბაც აქვს იმის­თვის, სა­უ­კე­თე­სო კა­რი­ე­რა ჰქონ­დეს... ბედ­ნი­ე­რი ვარ ხვი­ჩას თა­მა­ში­თაც და კი­დევ იმით, რომ ეს "ნიშა“ ჩვენ­თვის ძა­ლი­ან ნაც­ნო­ბია - სწო­რედ ჩვენ გვყავს მსოფ­ლი­ო­ში უძ­ლი­ე­რე­სი ძა­ლო­სა­ნი - ლაშა ტა­ლა­ხა­ძე! ხვი­ჩა, შენც სწო­რედ იქ ხარ, სა­დაც ჩვე­ნი ლა­შაა, გი­სურ­ვებ, სწო­რედ ასეთ სი­მაღ­ლე­ზე იყო, შვი­ლო! წა­ი­კი­თხეთ სტა­ტია სრუ­ლად

იხი­ლეთ ასე­ვე:

• ძმის კვალ­დაკ­ვალ საბა ასა­ნი­ძე­მაც მო­ი­პო­ვა ევ­რო­პის ჩემ­პი­ო­ნო­ბა: "სამი ოქრო მყავს სახ­ლში!!!" - რას წერს გი­ორ­გი ასა­ნი­ძის მე­უღ­ლე
• "ბევ­რი იმედ­გაც­რუ­ე­ბა, მძი­მე მო­მენ­ტი იყო ჩემს ცხოვ­რე­ბა­ში, დე­დი­სა და ძმე­ბის და­კარ­გვა" - ქარ­თველ ძა­ლო­სან­თა ტრი­უმ­ფის მთა­ვა­რი შე­მოქ­მე­დის პი­რა­დი ცხოვ­რე­ბა, მა­მის კვალ­ზე წა­სუ­ლი ვა­ჟე­ბი და ულა­მა­ზე­სი ქა­ლიშ­ვი­ლე­ბი