როგორ ვაქციოთ უძრავი ქონება შემოსავლის წყაროდ?
პირად საკუთრებაში დახარჯული ფულის სანაცვლოდ შემოსავლის მიღება, ერთი შეხედვით, მარტივი არ ჩანს, თუმცა სრულიად შესაძლებელია. მეტიც, ეს ყველაზე უსაფრთხო და მომგებიანი ინვესტიციაა, რომელსაც ორმაგი სარგებლის მოტანა შეუძლია. პირველი - საკუთრებაში გრჩება უძრავი ქონება და მეორე - გაქირავებით იღებ სტაბილურ შემოსავალს.
ვის შეუძლია ბინის შეძენა და მით უფრო, გაქირავება?
რა თქმა უნდა, ყველას. უფრო გასაგები რომ იყოს, პასუხი რამდენიმე ეტაპად განვიხილოთ.
თუკი გაქვთ დანაზოგი და არ იცით, რაში დააბანდოთ, უძრავი ქონება საუკეთესო არჩევანია. იგი განსაკუთრებით სარფიანი და მიმზიდველია ტურისტულ რეგიონებში. მაგალითად, შეკვეთილში, სადაც სწორედ ახლა მიმდინარეობს მასშტაბური პროექტის მშენებლობა. „ტოპლაინ ქონსტრაქშენის“ კომპლექსი Fidelio-ს აპარტამენტები განკუთვნილია როგორც პირადი მოხმარებისთვის, ისე საინვესტიციოდ. მომავალ მესაკუთრეს საშუალება აქვს ითანამშრომლოს ფრანგულ კომპანიასთან, რომელიც სრულად ჩაიბარებს მენეჯმენტს და უზრუნველყოფს გაქირავებას. შედეგად, მესაკუთრე მიიღებს სტაბილურ შემოსავალს ქართული და ევროპული ბაზრებიდან.
იქიდან გამომდინარე, რომ პროექტი მდებარეობს ზღვისპირეთში, გურიაში, დამსვენებელთა სრული დატვირთვა ზაფხულის 3 თვის განმავლობაში გრძელდება. თუმცა საკონცერტო დარბაზის Black Sea Arena თუ სამომავლოდ დაგეგმილი ტრენინგ ცენტრის მეშვეობით, რეგიონი ოთხივე სეზონზე აქტიური და მოთხოვნადია. ამასთან, ნებისმიერ სეზონზე, დამსვენებელს დახვდება სრული კომფორტი: საცურაო აუზი, როგორც ღია, ასევე დახურული, ფიტნეს დარბაზი და ა. შ.
მოკლედ, თუ თქვენ გაქვთ ფული და გინდათ ინვესტირება, უკვე იცით, ვის მიმართოთ. თქვენს მიერ შეძენილი ბინის გაქირავებაში კომპანია თავადვე დაგეხმარებათ.
თუკი უძრავი ქონების შესაძენად თანხა არ გაქვთ, ესეც მოგვარებადია. „ტოპლაინ ქონსტრაქშენს“ აქვს როგორც საბანკო, ისე შიდა განვადება. შესაბამისად, ყველას ეძლევა საშუალება, იპოთეკური სესხით ისარგებლოს, შიდა განვადების შემთხვევაში კი - უპროცენტო გადახდის პირობით, პროექტის დასრულებამდე. ამის პარალელურად, 2023 წელს, როგორც კი პროექტი "ფიდელიო" დასრულდება, ბინა გააქირაოს.
თუკი არ იმყოფებით საქართველოში, არც ეს არის პრობლემა. მეტიც, კომპანია „ტოპლაინ ქონსტრაქშენის“ პროექტის მიმართ განსაკუთრებით დიდი დაინტერესება სწორედ ემიგრანტების მხრიდან მოდის, რომელთა რიცხვი წლიდან წლამდე მზარდია.
სტატისტიკის ეროვნული სამსახურის მონაცემებით, შარშან საქართველოს 99,997 მოქალაქე დაფიქსირდა ემიგრაციაში, წინა წელს - 74,264 ადამიანი. ამასთან, სულ უფრო იზრდება ქვეყანაში ფულადი გზავნილები, რასაც გონივრული დაბანდება სჭირდება. მაგალითისთვის, გასულ წელს ემიგრანტების მიერ გადმორიცხულმა თანხამ 2.35 მილიარდ აშშ დოლარი შეადგინა, რაც ქვეყნის მთლიანი შიდა პროდუქტის 13%-ია.
უმეტეს შემთხვევაში, ქვეყნიდან წასვლის მიზეზი მატერიალური პირობების უზრუნველყოფაა. თითქმის ყველა ემიგრანტს დანაზოგის გაკეთება სურს, ინვესტირებისთვის კი ერთ-ერთ საუკეთესო გზად უძრავი ქონების შეძენა მიაჩნია. იმის გათვალისწინებით, რომ ეს ადამიანები ქვეყნის ფარგლებს გარეთ იმყოფებიან, „ტოპლაინ ქონსთრაქშენის“ მიერ შეთავაზებული გაქირავების სამსახური სწორედ ამ მხრივ არის კომფორტული, რომ მეპატრონეს არ უწევს სტუმრებთან კომუნიკაცია, დახვედრა და ადგილზე ხშირი ვიზიტი. ასევე, მოვლა, შენახვა, დასუფთავება, უსაფრთხოება - ყველა ამ მომსახურებას კომპანია თავად უზრუნველყოფს.
ერთი სიტყვით, არ აქვს მნიშვნელობა, გაქვთ თუ არა დანაზოგი, საქართველოში იმყოფებით, თუ სხვა ნებისმიერ ქვეყანაში, სურვილისა და მონდომების შემთხვევაში, იღებთ შემოსავალს ისე, რომ უძრავი ქონებაც თქვენს საკუთრებაში რჩება!
ცნობისთვის, შეკვეთილში ერთ-ერთი ყველაზე მასშტაბური და უნიკალური პროექტი FIDELIO კომპანია „ტოპლაინ ქონსტრაქშენის“ მიერ შენდება და მისი დასრულება 2023 წლის ბოლოს იგეგმება. ეს არის სასტუმროს ტიპის საცხოვრებელი, რომელიც ზღვიდან 150 მეტრში, ტყის კორომში მდებარეობს. პროექტი ჯამში 82 პრემიუმ კლასის აპარტამენტისგან შედგება, რომელთა მშენებლობა ევროპულ ტექნოლოგიებზე დაყრდნობით მიმდინარეობს.
აღსანიშნავია, რომ კომპანია „ტოპლაინ ქონსტრაქშენი“ მომხმარებლებს ენერგოეფექტურ, კეთილმოწყობილ აპარტამენტებს, რემონტით, ავეჯითა და ტექნიკით ჩააბარებს. ამასთან, კომპანიის მომსახურებაში შედის: დაცვის სამსახური, ვიდეო კონტროლი, 24/7-ზე, შიდა და გარე ტერიტორიის დასუფთავება, კონსიერჟის მომსახურება და გაქირავების სერვისი.
R