ბექა ხოფერიას ახალი რჩეული და მე-4 შვილი - ახალგაზრდა ბიზნესმენის წარმატებული საქმიანობა და პირადი ცხოვრება

დღეს უკვე ბიზნესმენი ბექა ხოფერია წლების წინ, საზოგადოებამ ჯერ როგორც პოლიტიკოს ხათუნას ხოფერიას ვაჟი, მოგვიანებით კი როგორც მომღერალ თიკა ჯამბურიას მეუღლე ისე გაიცნო. თიკა და ბექა ჯერ კიდევ საერთო შვილის, ნინას დაბადებამდე დაშორდნენ ერთმანეთს. ეს ამბავი წლების განმავლობაში ყვითელი პრესისა და გადაცემების საყვარელი თემა იყო...

რამდენიმე წელში ბექა ხოფერია მეორედ დაქორწინდა და მისი რჩეული ინა ოსიპოვა გახდა. ერთმანეთი მოსკოვში გაიცნეს, მაშინ ბექა ამბობდა, რომ იპოვა ის ადამიანი, ვისაც ეძებდა. ინას და ბექას ორი გოგონა შეეძინათ, თუმცა მედიაში ორი წლის წინ გაჩნდა ინფორმაცია, რომ ერთმანეთს ისინიც დაშორდნენ.

მაშინ თიკა ჯამბურიას "ინსტაგრამზე" გამომწერებმა კითხვები სწორედ ყოფილი ქმრის განქორწინებაზე დაუსვეს, რაც თიკამაც დაადასტურა.

"არ მჯერა, რომ ამდენი ადამიანია დაინტერესებული ჩემი ყოფილი ქმრის პირადი ცხოვრებით. დაიკიდეთ, ხალხო. სამაგიეროდ, მე და ინა ვართ ერთად“, - დაწერა თიკამ და ვიდეო გამოაქვეყნა, რომელშიც ჩანდა, რომ ბექას მეორე მეუღლესთან არაჩვეულებრივ დროს ატარებდა.

ჩვენი ინფორმაციით, ბექა ხოფერია ამ ცოტა ხნის წინ მეოთხედ გახდა მამა და სამი გოგონას შემდეგ ვაჟი - გიორგი ხოფერია შეეძინა. ბექას ახალი რჩეული სოფო ქურდიანია, რომლის "ინსტაგრამის" პროფილზეც ბექასთან ერთად გადაღებული მხოლოდ ორი ფოტო იძებნება.

ბექა ხოფერია დღეს უკვე ცნობილი ბიზნესმენია. 2019 წელს სამშენებლო კომპანია "აპარტ დეველოპმენტი“ დააფუძნა. რაც შეეხება სოფო ქურდიანს, ის კომპანია Showroom Georgia-ს დამფუძნებელი და გენერალური დირექტორია...

ახალგაზრდა ბიზნესმენი Forbes Georgia-ს ოქტომბრის თვის ნომრის ყდაზეც მოხვდა, გამოცემისთვის მიცემულ ინტერვიუში კი ამბობს, რომ მისი კომპანიის ფინანსური მაჩვენებლები მესამე კატეგორიას გასცდა და იმედოვნებს, რომ მომავალ წელს, უკვე მეორე კატეგორიაში გადაინაცვლებს.

"ფინანსურ დამოუკიდებლობას ადრეული ასაკიდან ვცდილობდი. ბევრ სფეროს შევეხე: ფლაერებიც დამირიგებია და ეს სულ არ მეთაკილება. რადგან ვთვლი, რომ სანამ მაღალ საფეხურზე ახვალ, საჭიროა ყველაფერი გამოცადო - გაჭირვებაც, სიცივეც, ფიზიკური შრომაც... ფული მხოლოდ შრომით იშოვება", - ამბობს ბექა ხოფერია გამოცემასთან..

ის პირად ცხოვრებაზე არ საუბრობს. მედიასთან არასოდეს დაუდასტურებია მეორე ცოლთან დაშორების ამბავი, უფრო მეტიც, ორი თვის წინ, ბექას დედამ ხათუნა ხოფერიამ სოციალურ ქსელში ოჯახური ფოტო გამოაქვეყნა და ინა ოსიპოვას დაბადების დღეს მიულოცა.

"გილოცავ დაბადების დღეს! იხარე და იბედნიერე! ულამაზესი გოგოების ულამაზესი და ღირსეული დედა ხარ! მიყვარხარ და მადლობა ყველაფრისთვის“, – წერს ხათუნა ხოფერია სოციალურ ქსელში.