ოკუპანტების სარაკეტო შეტევას კიევში ახალგაზრდა ცოლ-ქმარი ემსხვერპლა - ქალი 6 თვის ფეხმძიმე იყო
კიევზე რუსი ოკუპანტების სარაკეტო შეტევისას დაზიანებულ საცხოვრებელ კორპუსში სამძებრო-სამაშველო სამუშაოების დროს, სამი დაღუპული მშვიდობიანი მოქალაქის ცხედარი ამოიყვანეს. მათ შორის არის ახალგაზრდა ცოლ-ქმარი, რომლებიც შვილს ელოდნენ. ქალი 6 თვის ორსული იყო. ინფორმაციას სოციალურ ქსელში კიევის მერი ვიტალი კლიჩკო ავრცელებს.
"რუსეთი ტერორისტული სახელმწიფოა", - დაწერა კლიჩკომ.
შეგახსენებთ, რუსულმა ძალებმა დღეს დილით კიევის ცენტრზე "კამიკაძე-დრონებით" შეტევა განახორციელეს. თავდასხმის შედეგად, შევჩენკოს რაიონში მდებარე საცხოვრებელ კორპუსში აფეთქება მოხდა.
მომხდარზე უკვე გააკეთა კომენტარი უკრაინის პრეზიდენტმა...
"მტერი მთელი ღამისა და მთელი დილის განმავლობაში მშვიდობიან მოსახლეობას ატერორებს, “კამიკაძე-დრონები“ და რაკეტები მთელ უკრაინას ესხმიან თავს. მტერს შეუძლია დაარტყას ჩვენს ქალაქებს, მაგრამ ის ვერ შეძლებს ჩვენს გატეხვას. ოკუპანტებს მხოლოდ სამართლიანი სასჯელი ემუქრებათ, ჩვენ კი - გავიმარჯვებთ“, - აცხადებს ზელენსკი.
იხილეთ ასევე: