მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გამიკვირდა, როცა ჩემს ანგარიშზე თანხის დარიცხვა დაიწყო... მე ფულის გულისთვის არაფერი გამიკეთებია" - რას ამბობს დევი მეზურნიშვილი სოცქსელში წამოწყებულ კამპანიაზე?
14:00 / 15-10-2022
სოციალურ ქსელში განხილვის საგნად იქცა ვაკის პარკის მთავარი მებაღის, დევი მეზურნიშვილის მიმართ გამოჩენილი ქველმოქმედების აქტი - გამოქვეყნდა მისი საბანკო ანგარიში, რომელზეც მოქალაქეები თანხებს სურვილისამებრ და მადლიერების ნიშნად რიცხავდნენ.
რამდენიმე ადამიანმა გაავრცელა "ლაივი", სადაც მოსახლეობას მოუწოდებდნენ, რომ წაეხალისებინათ ვაკის პარკში დატრიალებული ტრაგედიისას გამოჩენილი გმირობა და მებაღე, რომელმაც ბავშვები სიკვდილს გადაარჩინა. ამ ინიციატივას სოციალურ ქსელში ზოგიერთი უტაქტოდაც გამოეხმაურა.
როგორც დევი მეზურნიშვილი AMBEBI.GE-ს ეუბნება, საქმის კურსში არ იყო და მისთვისაც მოულოდნელი იყო ეს წამოწყება.
"მადლობის მეტი რა მეთქმის, მაგრამ არ იყო საჭირო... მთელი ცხოვრება თვითონ ქველმოქმედებას ვეწევი, რითაც შემიძლია და ალბათ ამ თანხასაც გაჭირვებულ ადამიანებს გადავცემ" - ამბობს დევი მეზურნიშვილი.
"არ ვიყავი საქმის კურსში, არაფერი ვიცოდი. ძალიან გამიკვირდა, ჩემს ანგარიშზე თანდათან თანხები რომ ირიცხებოდა. ვერ გავიგე, ანგარიში საიდან იცოდნენ, ვინ და როგორ გაავრცელა... მერე „ტვ პირველიდან“ დამიკავშირდნენ და მითხრეს, ეს ჩვენ გავაკეთეთ, ხალხის მხარდაჭერით, თქვენს მიმართ მადლიერება რომ გამოეხატათო. ვუთხარი, რომ არ იყო საჭირო. ნეტა, ის გოგონა გადარჩენილიყო, ამით უფრო ვიამაყებდი და ეს იქნებოდა ჩემთვის საჩუქარი-თქო. არა, არაფერია, არ იუხერხულოთ, ოჯახს მოახმარეთ, ჩვენი ინიციატივით მოხდა ასეო. დიდი მადლობა ყველას, მაგრამ არ იყო საჭირო...
- ფულის გულისთვის არაფერი გამიკეთებია, ამაზე როგორ უნდა მეფიქრა, ბავშვები იღუპებოდნენ და მათ გადასარჩენად შევედი წყალში.
თვითონ, მთელი ცხოვრება, საქველმოქმედო ფონდში იქეთ ვრიცხავდი, რაც შემეძლო. ამ თანხით კიდევ უამრავ გაჭირვებულს დავეხმარები. უღრმესი მადლობა ყველას, უბრალოდ, არ იყო საჭირო, ცხოვრებაში არავისთვის არაფერი მითხოვია, არავინ ჩათვალოს, რომ ეს ჩემი ინიციატივა იყო, ან საქმის კურსში ვიყავი. წლების მანძილზე ქირით ვცხოვრობ ერთ პატარა მოჭყუნულ ოთახში და ხელფასის ნახევარს ქირაში ვიხდიდი, მაგრამ მაინც არ მინდოდა ასე მომხდარიყო. ასე მოკრძალებულად ვცხოვრობ, არასდროს არავისთვის არაფერი შემიჩივლია და მითხოვია, რასაც ვშრომობდი, ცოტა იყო თუ - ბევრი, იმით ვკმაყოფილდებოდი. უფლის წყალობა არ მოგკლებოდეთ ყველას“.
ნახეთ ასევე:
მკითხველის კომენტარები /
100 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Gmertma xeli mogimartot kovel gachirvebashi da tkveni ojaxic da mteli sakartveloc iamakebs tkveni adamianobit
სირცხვილია ხალხო ამდენი განკითხვა. ,,საიდან" ვინ ,,როგორ" ,,რატომ" რა უბედურებაა თქვენ რას იზამდით ამ დროს იქ რომ ყოფილიყავით, დარწმუნებული ვარ თქვენს ოჯახს თქვენს თავს არ მოაკლებდით, იფიქრებდით დენმა რომ დამარტყას ცოლ- შვილს ვინ მიმიხედავსო, ამ ხვთისმოსავმა ადამიანმა მოყვასისთვის თავი გასწირა, არ გესმით ეს რას ნიშნავს და ცოდვაში იგდებთ თავს.თუ შეგიძლია დრო იხელთა გააკეთე სიკეთე, დაუფასე ადამიანს თავგანწირვა, არა და გაჩუმდი. სირცხვილია უბრალოდ ეს უკვე დაყვეფტებული დახმარებაა. გრცხვენოდეთ ქართველებო, გრცხვენოდეთ!