"...ძაღლიანი ქალი თავს დაესხა და სკამი ესროლა 6 თვის ბავშვს!" - რას აცხადებს გიორგი გასვიანი ბრალდებაზე, რომ მან და მისმა მეუღლემ შეურაცხყვეს კაფეში ძაღლით შესული ქალი
გუშინ, გვიან საღამოს, სოციალურ ქსელში გავრცელდა ინფორმაცია, რომ მსახიობმა და ტელეწამყვანმა გიორგი გასვიანმა მარტოხელა დედას უჩივლა. მიზეზი კი ძაღლი გახლდათ, რომელთან ერთადაც აღნიშნული ქალბატონი გადაადგილდებოდა. ამ დროს კი ჟურნალისტი მეუღლესთან და შვილთან ერთად კაფეში იმყოფებოდა... ოფიციალური ინფორმაცია ცხოველთა გადარჩენის ცენტრმა სოციალურ ქსელში გამოაქვეყნა, რომელშიც ვკითხულობთ:
"ვრცელდება ინფორმაცია, რომ ჟურნალისტმა გიორგი გასვიანმა და მისმა მეუღლემ შეურაცხყოფა მიაყენეს ერთ-ერთ კაფეში მყოფ მარტოხელა დედას, იმიტომ, რომ ის შესული იყო ძაღლით. მოითხოვდნენ ცხოველის მოშორებას, რისი უფლებაც არ ჰქონდათ. ამას შეეწინააღმდეგა პატრონი და მიაყენეს მორალური და სიტყვიერი შეურაცხყოფა, რის გამოც აღელვებული ქალი მიიყვანეს თვითმკვლელობის მცდელობამდე და აღმოჩნდა საავადმყოფოში.
ამის დამადასტურებელი ცნობა არსებობს. ხვალ იმართება სასამართლო პროცესი, რასაც გვერდი აქტიურად მივადევნებთ თვალს. ამავდროულად, როგორც ორგანიზაცია ცხოველთა უფლებების დაცვის კუთხით, ვთავაზობთ დაზარალებულ ქალს იურიდიულ მხარდაჭერას. არავის შერჩება ცხოველზე და ადამიანზე ძალადობა, რაც არ უნდა „ცნობადი“ იყოს საზოგადოებაში!"
ინფორმაციის გავრცელების შემდეგ, საპასუხო წერილი გაავრცელა გიორგი გასვიანმაც, რომელიც მომხდარს სხვანაირად აღწერს...
გიორგი გასვიანი:
"ჩემზე და ჩემს მეუღლეზე, აბსოლუტურად, ყალბი ინფორმაცია ვრცელდება და ეს ჯგუფი გადაუმოწმებლად ავრცელებს ამ ინფორმაციას! დამაკავშირეთ გვერდის ადმინთან.. მოვითხოვ წაშალოთ ყალბი ინფორმაციის შემცველი პოსტი!
საქმე შეეხება ფიზიკურ ძალადობას ჩემზე და ჩემს ოჯახზე, ასევე 6 თვის ჩვილზე, რომელსაც ძაღლიანი ქალი თავს დაესხა და სკამი ესროლა 6 თვის ბავშვს! ძალადობის მუხლით აღძრულია სისხლის სამართლის საქმე, 126-ე მუხლით. არსებობს ვიდეო მტკიცებულებები და უტყუარი ფაქტები. მიმდინარეობს გამოძიება და სასამართლო პროცესები! ნუ უსწრებთ მოვლენებს წინ! არასწორი ინფორმაციის გავცრელების გამო მოვთხოვთ პასუხს ყველა გვერდს! განცხადებასაც გავაკეთებთ!" - წერს გასვიანი.
ინტენეტსივრცეში ვრცელდება ვიდეოც, რომელშიც მომხდარის ფრაგმენტია ასახული.