მომღერალი ნათია თოდუა დაოჯახდა, მომღერალმა დღეს ჯვარი ბოდბეში წმინდა ნინოს ტაძარში დაიწერა. ნათიას მეუღლე დავით ზურაბაშვილია. ახალგაზრდებს დიდი ხანი რაც ერთმანეთი უყვართ, რადგან დავითი ჯერ კიდევ 2020 წლის პოსტებში წერს ნათიას შესახებ... წყვილმა ქორწილი, კახეთში, შატო ბუერაში გადაიხადა.
წვეულებას პრეზიდენტი სალომე ზურაბიშვილი დაესწრო.
ნათია თოდუა უკვე წლებია გერმანიაში ცხოვრობს, "ვოისში“ გამარჯვების შემდეგ მისი კარიერა წარმატებით ვითარდება, თუმცა საქართველოსაც ხშირად სტუმრობს. რანმდენიმე დღის წინ ნათია თოდუა საქართველოს პრეზიდენტმა ღირსების მედლით დააჯილდოვა. ამ დღეს ნათიას მომავალი მეუღლე დავით ზურაბაშვილი სოციალურ ქსელში წერდა:
დავით ზურაბაშვილი:
- თითქოს ჯერ ძალიან პატარა მაგრამ რამდენია გავლილი და რა გზა ამისთვის! სამწუხაროდ ბევრი კარგი ინფორმაცია ვერ მიდის საზოგადოებამდე მაგრამ საბედნიეროდ შენ რჩები ღირსეულ გზაზე არსებობენ კარგი არტისტები და არსებობენ მისაბაძი ადამიანები პირველ რიგში შენი ადამიანობით და უბრალოებით ხარ ღირსეული გილოცავ კიდევ დიდებულ აღიარებას ჩემპიონო!
