ჰანთერ ბაიდენს საგადასახადო საკითხებთან დაკავშირებული დანაშაულისთვის შესაძლოა, ბრალი წაუყენონ - მედიის ცნობით, FBI-მ საკმარისი მტკიცებულება შეაგროვა

აშშ-ის პრეზიდენტის, ჯო ბაიდენის შვილის, ჰანთერ ბაიდენისთვის საგადასახადო დანაშაულსა და იარაღის შეძენის გამო სიცრუის თქმისთვის ბრალის წარსადგენად FBI-მ საკმარისი მტკიცებულება შეაგროვა. ინფორმაციას ამის შესახებ CBS ავრცელებს.

პრეზიდენტ ჯო ბაიდენის შვილთან დაკავშირებულ საქმეებზე გამოძიება 2018 წლიდან მიმდინარეობს. ჰანთერ ბაიდენი უარყოფს კანონდარღვევას.

52 წლის ჰანთერ ბაიდენი იურისტი და ლობისტია. პრეზიდენტის ვაჟი ძირითადად ამერიკის შეერთებული შტატების ფარგლებს მიღმა მუშაობდა. მათ შორის ჩინეთსა და უკრაინაში.

ის აშშ-ის საზღვაო ძალებიდან 2014 წელს გაათავისუფლეს, მას შემდეგ, რაც ტესტმა კოკაინზე დადებითი პასუხი უჩვენა.

Washington Post-ის ცნობით, ჰანთერის საქმიანობით გამოძიება მას შემდეგ დაინტერესდა, რაც ფედერალური აგენტების ყურადღება მიიპყრო მისმა ფინანსებმა და ბიზნესსაქმინობამ საზღვარგარეთ, რომელიც შესაძლოა, უკანონო ყოფილიყო.

დროთა განმავლობაში, გამოძიების ფოკუსი იმაზე გადავიდა, სწორად აღწერა თუ არა ჰანტერმა თავისი შემოსავალი და როდესაც იარაღის ყიდვა სურდა, იარაღის შესაძენად საჭირო კითხვარში დაწერა თუ არა სიმართლე.

წყარო: bbc

მოამზადა: ანა სიბოშვილმა