"7 წლის ილია შიმშილისგან ცუდად გახდა და საავადმყოფოში წევს... მისი ძმაც შიმშილობს, დედას აქვს ანორექსია" - უმძიმესი ამბავი ბორჯომიდან: რას წერს ცნობილი ტელეწამყვანი?
ლიკა ევგენიძე ბორჯომში მომხდარ უმძიმეს შემთხვევაზე სოციალურ ქსელში წერს. როგორც ტელეწამყვანის მიერ მოთხრობილი ამბიდან ირკვევა, ბორჯომში მცხოვრები 7 წლის ილია შიმშილისგან საავადმყოფოში მოხვდა. ბავშვი დედასთან და უმცროს ძმასთან ერთად ნახევრად დანგრეულ სახლში ცხოვრობს. დედას ანორექსია აქვს, უმცროსი ძმა კი ილიასავით ხშირად მშიერია...
ლიკა ევგენიძე:
- გამარჯობა მეგობრებო! ეს არის 7 წლის ილია, რომელიც შიმშილისგან ცუდად გახდა და ბორჯომის საავადმყოფოში წევს. ილიას ჰყავს 3 წლის ძმა რატი, რომელიც ასევე შიმშილობს უსახსრობის გამო. ბავშვების დედას აქვს ანორექსია… სამნი ცხოვრობენ ნახევრად დანგრეულ სახლში.
სოციალური მუშაკი იყო ამ გოგოსთან მისული და თუ საცხოვრებელ პირობებს არ გააუმჯობესებ, ბავშვებს მინდობით აღზრდაში წავიყვანთო. ძალიან გთხოვთ, დამეხმარეთ რომ შევუგროვო ბავშვებს ზამთრის ტანსაცმელი და საჭირო ნივთები - საერთოდ არაფერი აქვთ და ყველაფერი ენატრებათ.
3 და 7 წლის ბიჭებისთვის ვისაც რა გაქვთ, გადადეთ და მე პირადად ჩავუტან. თუ გავერთიანდებით, უფრო მეტსაც შევძლებთ, იმისთვის რომ პირობები გამოვუსწოროთ ამ ოჯახს და ბავშვები დედას არ წაართვან. საჭიროებები - ბავშვების ტანსაცმელი და საჭმელი, არის ყველაზე პრიორიტეტული. საკვებსაც თუ შეძლებთ, ისეთს რომელიც მალე არ ფუჭდება. საერთოდ არაფერი აქვთ. მე ავაგროვებ და ჩავუტან. ორშაბათს დილიდან წავალ ბორჯომში!
#GE59TB7796245061600010 ეს არის ჩემი ანგარიშის ნომერი და აქ ჩარიცხეთ, ვისაც რა შეგიძლიათ. დანიშნულებაში დაწერეთ - ილიასთვის