ცხინვალის სკოლებსა და უნივერსიტეტში ევაკუაცია გამოცხადდა - ე.წ. სამართალდამცველები "საეჭვო ნივთებს" ეძებენ
ცხინვალის სკოლებსა და უნივერსიტეტში ევაკუაცია გამოცხადდა. ადგილობრივი სააგენტო "რესის“ ინფორმაციით, მიზეზი ისაა, რომ "სამართალდამცველებმა" შეტყობინება მიიღეს, უნივერსიტეტის შენობაში "საეჭვო ნივთის“ არსებობის შესახებ.
"რესი“ წერს, რომ უნივერსიტეტის შენობა შეამოწმეს და ინფორმაცია არ დადასტურდა, თუმცა მიუხედავად ამისა, მათ ქალაქის ყველა სკოლის და ასევე, უნივერსიტეტიდან ადამიანების ევაკუაციის გადაწყვეტილება მიიღეს.
ადგილობრივი ე.წ. სამართალდამცველები აცხადებენ, რომ "საეჭვო ნივთებზე“ ქალაქის ყველა საგანმანათლებლო დაწესებულება შემოწმდება.