23
ივლისიდღის ზოგადი ასტროლოგიური პროგნოზი
"ნაციონალური მოძრაობის" წარმომადგენელი, პეტრე ცისკარიშვილი ტელეწამყვან ნანუკა ჟორჟოლიანს პასუხობს და ბრალდებებს მისი მისამართით ტყუილს უწოდებს. ჟორჟოლიანის თქმით, საუბარი ეხებოდა მიხეილ სააკაშვილის მხარდასაჭერი აქციის ორგანიზებას, რომლის დაფინანსებაზეც "ნაციონალურმა მოძრაობამ" უარი თქვა. მისივე ცნობით პეტრე ცისკარიშვილს სცენის საჭიროებაზე ესაუბრებოდა: "გვერდზე ფიცარი ეგდო, გახედა და მითხრა, ეს საკმარისი არ არისო?!" - აღნიშნავს ტელეწამყვანი.
- როგორ პასუხობს მას პეტრე ცისკარიშვილი:
"ნანუკა ჟორჟოლიანმა, ამჯერად უკვე საჯარო ჭორაობით და ტყუილების ფრქვევით, მისივე ტერმინით თუ ვიტყვით, "გააბედნიერა" ყველა, ვისაც გაახარებს მიხეილ სააკაშვილის დაფუძნებული პარტიის დაზიანება საეჭვოა მას ეს არ ესმოდეს. ანუ შეგნებულ, მიზანმიმართულ და ბოროტგანზრახულ კამპანიასთან გვაქვს საქმე.ამ ბინძურ პროვოკაციას არც ვუპასუხებდი, რომ არა ჩვენი პარტიის წევრების და მიშას ნამდვილი გულშემატკივრების ინტერესი იმასთან დაკავშირებით, თუ რა მოხდა რეალურად და როგორ იგეგმებოდა აქციები მიხეილ სააკაშვილის გათავისუფლების, მისი სამოქალაქო ჰოსპიტალში გადაყვანის მოთხოვნით.
ჩვენ დავაორგანიზეთ ათეულობით აქცია, მსვლელობა, პიკეტი როგორც რუსთავის ციხესთან, ასევე თბილისში და საქართველოს სხვა ქალაქებში.სწორედ ამიტომ, ნანუკა ჟორჟოლიანის ეს განცხადება არის აბსოლუტური ტყუილი და უნამუსობა! აქვე გეტყვით, რომ თითქმის ყველა აქცია, მისი ლოკაცია და შინაარსი შეთანხმებული მქონდა მიხეილ სააკაშვილთან (ცხადია იყო გამონაკლისებიც, როდესაც მსვლელობები სპონტანურად იგეგმებოდა).იმ პერიოდშიც, რომელსაც ეს სუბიექტი აღწერს, იგეგმებოდა 8 ნომებრის მასშტაბური დემონტრაცია თავისუფლების მოედანზე; ამ აქციასაც რასაკვირველია, მიშასთან კომუნიკაცია და კოორდინაცია უძღოდა წინ.
შემდეგ კი იყო დიდი მსვლელობები ქალაქის ცენტრალურ ქუჩებში და მაგისტრალების გადაკეტვა/პარალიზება. ასევე რუსთავის ციხის მიმდებარე ტერიტორიის საკმაოდ ხშირი ‘სტუმრებიც’ ვიყავით.ჩვენს მხარდამჭერებს ეს ყოველივე ძალიან კარგად ახსოვთ.ბოდიში, თუ ქ-ნ ნანუკა ჟორჟოლიანს წინასწარ არ ვუთანხმებდით ყოველ ჩვენს ნაბიჯსა და აქტიურობას იმ კონკრეტულ შემთხვევაშიც, რასაც აღწერს, ეს ქალბატონი ადგილზე მოვიდა ცინიკური და ქედმაღლური განწყობით იმ გულწრფელი ადამიანების მიმართ, ვინც ციხესთან შეიკრიბა მიშას გათავისუფლების მოთხოვნით, თურმე არ მოეწონა მათი "ვიზუალი", "ფიცარი" უწოდა სახელდახელოდ ჩამოტანილ მცირე ზომის სცენას და ახლა უზნეოდ მომაწერს გამაოგნებელ ფრაზას, თითქოს მე მეთქვას, რომ მიშას გათავისუფლება და "რუსთავის ციხე" ჩვენთვის პრიორიტეტი არ იყო.
ამით ყველაზე უღირსი, ცინიკური, შავ-ბნელი და ბინძური ტექნოლოგიით, ზუსტად იმას მაბრალებს, რაც ჩემთვის ცხოვრებაში, ადამიანურ თუ პოლიტიკურ ურთიერთობაში ყველაზე მეტად მიუღებელია: ღალატს და ორპირობას! მთელი მეოთხედი საუკუნის მანძილზე, რაც პოლიტიკაში ვარ, არავის, თვით უბოროტეს მტრებსაც კი, ათას სისაძაგლეს რომ მწამებდნენ, პეტრე ცისკარიშვილისთვის ღალატი და ორპირობა არ დაუბრალებია.
ცხადია, უშეცდომო პოლიტიკოსი ამქვეყნად არ არსებობს, მაგრამ ნანუკა ჟორჟოლიანის როყიოდ მონაყოლი "ისტორია", უბრალოდ ტყუილია მისი ფორმითაც და რაც მთავარია, შინაარსით.კვლავ ვიმეორებ: არც ერთი ნაბიჯი არც მაშინ, არც შემდგომში, მიხეილ სააკაშვილის უკანონო პატიმრობასთან, რეალურად კი სამკვდრო-სასიცოცხლო მძევლობასთან დაკავშირებით, არ გადაგვიდგამს მასთან კონსულტაციის და ძირითადი პრინციპების შეჯერების გარეშე.ქ-ნ ჟორჟოლიანს კი ვურჩევ, ებრძოლოს ბოროტებას, ესე იგი "რუსულ ოცნებასა"და ქვეყნის მიმტაცებელ ოლიგარქ ივანიშვილს, ნაცვლად იმისა, რომ ბოროტი ეჭვის, უიმედობისა და ხელჩაქნეულობის გაღვივებით ახარებდეს ჩვენი ქვეყნის, "ერთიანი ნაციონალური მოძრაობისა" და მისი დამფუძნებლის, მიხეილ სააკაშვილის მოსისხლე მტრებს", - წერს პეტრე ცისკარიშვილი.
- ნახეთ ასევე:
- "გვერდზე ფიცარი ეგდო, გახედა და მითხრა, სცენისთვის ეს საკმარისი არ არისო?!" - რას ჰყვება ნანუკა ჟორჟოლიანი ცისკარიშვილსა და ხაბეიშვილზე: მისი თქმით ენმ-მ სააკაშვილის მხარდასაჭერი აქცია არ დააფინანსა
- "გულწრფელად ვდარდობ იმ ადამიანებზე, ვინც ტალახს ისვრის არასწორი მიმართულებით" - რას წერს ლევან ხაბეიშვილი ნანუკა ჟორჟოლიანის საპასუხოდ
პიტი,პოეტია,პიტერ,პეტრე,პიოტრ მიდი დავდე,თქვენ რომ გიყვართ ეს ქვეყანა ვხვდები.ორი ხისტავა დაეტაკა და მიდიიი.მესამეც გამოვა ასპარეზზე ალბათ
ნაცები იშლებიან მარტივ მამრავლებად. ბელადი გაფუჭებულია. დანარჩენი წვრიფეხობა ერთმანეთს დაერია. ბატონი ბიძინას და ქართული ოცნების დასრულებას აანონსებდნენ და თვითონ დაიშალენ და დასრულდებიან მალე