ხორცპროდუქტები, რომლებიც მსოფლიოსა და საქართველოში ყველაზე პოპულარულია

გემრიელი, ნოყიერი, სწრაფად მოსამზადებელი - ასე შეიძლება დავახასიათოთ მზა ხორცპროდუქტები, რომლებიც მთელ მსოფლიოში დიდი პოპულარობით სარგებლობს. დღეს ბაზარზე ასობით დასახელების სოსისი, ძეხვი თუ სხვა ხორცპროდუქტი არსებობს. მათი უძველესი სახეობის რეცეპტებიც შემორჩენილია და პარალელურად, იქმნება ახალი ვერსიები. სოსისის სამშობლოს სტატუსის მოპოვებაში ერთმანეთს ავსტრია და გერმანია ებრძვიან. სწორედ ამ ორ ქვეყანაში იწარმოება ყველაზე დიდი რაოდენობით მზა ხორცპროდუქტები.

პროდუქტის განსაკუთრებული პოპულარობიდან გამომდინარე დავინტერესდით, თუ რომელია 3 ყველაზე პოპულარული სახეობის ხორცპროდუქტი მსოფლიო მასშტაბით. მონაცემები მუდმივად იცვლება. რეიტინგი სხვა ფაქტორებთან ერთად დამოკიდებულია სეზონზეც. ამ დროისთვის არსებული ჩამონათვალი საკმაოდ საინტერესოა და მას თქვენც გაგაცნობთ. პოპულარული სახეობების რეიტინგი www.tasteatlas.com-ს ეკუთვნის.

ბრათვურსტი

გერმანული წარმოშობის ეს სოსისი მუდმივად მოწინავე პოზიციას იკავებს ხროცპროდუქტების სხავდასხვა რეიტინგში. ის განსაკუთრებით პოპულარულია ევროპის ქვეყნებაში. გერმანიაში ის ცნობილია, როგორც „ნიურბერგული ბრათვურსტი“ (Nuremberg Bratwurst). ეს არის სოსისის ერთ-ერთი ყველაზე ძველი სახეობა, რომლის რეცეპტიც საუკუნეების განმავლობაში უცვლელია. სოსისის სიგრძე სტანდარტულად 8 სმ-ია. მის დასამზადებლად სხვადასხვა სახეობის ხორცს იყენებენ. ბრათვურსტის შემადგენლობაში მრავალფეროვანი სუნელები და სანელებლები შედის. სწორედ ეს ხდის მას განსაკუთრებით გემრიელსა და არომატულს. როგორც წესი, ბრათვურსტს მიირთმევენ გრილზე შემწვარს მდოგვსა და პირშუშხასთან ერთად.

ჩიპოლატა

ჩიპოლატა (chipolata) ფრანგული წარმოშობის სოსისია. მისი სახელი პირველად 1903 წლის ფრანგულ კულინარიის ენციკლოპედიაში გვხვდება. ის გახლავთ პატარა ზომის სოსისი, რომელსაც უფრო ხშირად საუზმისთვის იყენებენ. ჩიპოლატას მსხვილად გატარებული ღორის ხორცისგან ამზადებენ. მრავალფეროვანია მის შემადგენლობაში შემავალი სუნელები და მწვანილი. მათ შორისაა: ბეგქონდარა, სალბი, პაპრიკა.

ჩიპოლატა ძალიან პოპულარულია დიდ ბრიტანეთშიც. ბეკონში გახვეული ჩიპოლატა ბრიტანეთის საშობაო სადილის ტრადიციული ნაწილია.

ჩორიზო

ჩორიზო (Chorizo) ესპანური ხორცპროდუქტია, რომელიც ღორის ხორცით მზადდება. ჩორიზო თავისი წითელი ფერითაა ცნობილი. აღნიშნულ შეფერილობას მას აძლევს სპეციალური სახეობის პაპრიკა, რომელიც ჩორიზოს უცვლელი ინგრედიენტია. სწორედ ეს გამოარჩევს სხვა სახეობის ძეხვეყკუსგან. ჩორიზოს კიდევ ერთი აუცილებელი ინგრედიენტი ნიორია.

ის ესპანეთის გარდა ძალიან პოპულარულია სხვა ქვეყნებშიც. ჩორიზოს განსხვავებული სახეობები იწარმოება მექსიკაში, პუერტო რიკოში, ეკვადორში, არგენტინაში, პერუში, კოლუმბიაში, ურუგვაიში.

მზა ხორცპროდუქტები ძალიან პოპულარულია საქართველოშიც. ქვეყანაში იმპორტირებული პროდუქციის პარალელურად, ადგილობრივად ძეხვისა და სოსისის არაერთი სახეობა იწარმოება. მათ შორისაა აღიარებული, ევროპული, პრემიუმ ხარისხის ანალოგი პროდუქტები, მაგალითად „როსტერი“, „ბერნერი“, „ფრანკფურტერი“. ქვეყანაში წარმოება, რომ მაღალ დონეზეა, ამას ქართულ ხორცპროდუქტებზე არსებული მოთხოვნაც ადასტურებს. ოფიციალური სტატისტიკა არ არსებობს, თუ რომელია ყველაზე პოპულარული სახეობები საქართველოში. ამიტომ ქართველების რჩეული სახეობების გამოსავლენად ქვეყნის ყველაზე მსხვილ ხორცპროდუქტების საწარმოს „ნიკორას“ მივმართეთ. მათი სამეული ასე გამოიყურება:

რძიანი სოსისი

რძიანი სოსისი ქართული მზა ხორცპროდუქტების ბაზარზე პირველი განსხვავებული შეთავაზება იყო. 1999 წელს „ნიკორაში“ გადაწყვიტეს, რომ ტრადიციული სოსისების როგორც ვიზუალი ასევე გემოც შეეცვალათ. არსებულ რეცეპტურას ცოტა რძის ფხვნილი დაემატა, რამაც პროდუქტის სტრუქტურა უფრო ჰაეროვანი გახადა, გემოს კი მეტი სინაზე შესძინა. სწორედ თავისი ტექსტურისა და გემოვნური თვისებების გამო რძიანის სოსისი იდეალურია როგორც საუზმისთვის, ასევე დღის ნებისმიერ მონაკვეთში. დღეს საქართველოში „ნიკორას“ მონაცემებით, ყველაზე მოთხოვნადი მზა ხორცპროდუქტი სწორედ რძიანი სოსისია.

ივერია

რძიანი სოსისის მსგავსად, ივერიაც ერთ-ერთი პირველი ქართული წარმოების პროდუქტია ხორცპროდუქტების ბაზარზე. იგი „ფრანკფურტერისა“ და „ვენური“ სოსისების ერთგვარ ანალოგად შეგვიძლია მივიჩნიოთ და დღემდე ინარჩუნებს პოპულარობას. კლასიკური ივერიის შემადგენლობაში შედის: ღორის ხორცი, საქონლის ხორცი და შერეული სანელებლები. მოგვიანებით შეიქმნა სპეცივერია, რომელიც კიდევ უფრო დახვეწილ გემოსა და არომატს სთავაზობს მომხმარებელს. ივერია და სპეცივერია იდეალურია საუზმისთვის, სხვადასხვა ტიპის ღვეზელების დასამზადებლად და ასევე კერძებში გამოსაყენებლად. როგორც „ნიკორაში“ განაცხადეს, პოპულარობით ივერია ტოლს არ უდებს რძიან სოსისს და მისი სერიოზული კონკურენტია.

მანდოლინა

„ნიკორას“ მონაცემები მიხედვით, საქართველოში, „მანდოლინა“ შაშხის ყველაზე პოპულარული და მოთხოვნადი სახეობაა. პროდუქტის რეცეპტურა, ფორმა, სახელი თავად ნიკორაში შექმნეს. ორიგინალური სახელი მუსიკალურ საკრავ მანდოლინასთან მსგავსების გამო დაურქმევიათ. „მანდოლინას“ შემადგენლობის 100% ღორის ხორცია. მის დასამზადებლად ასევე გამოიყენება შერეული სანელებლები, რაც შაშხს მისთვის დამახასაიათებელ სასიამოვნო გემოსა და არომატს ანიჭებს. მანდოლინა იდეალურია სენდვიჩებისა და ბურგერებისთვის. პროდუქტი საკმაოდ დაბალკალორიულია, ამიტომ ხშირად იყენებენ სხვადასხვა ტიპის დიეტის დროსაც.

თქვენი რჩეული ხორცპროდუქტი რომელია?