მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენებაში დანაშაულის მოსამზადებლად 2 დღე ჰქონდა მითითებული... არანაირი თანამზრახველი არ ჰყოლია" - რას ამბობს გრიგოლ ნარსიას ადვოკატი გავრცელებულ ინფორმაციაზე?
19:38 / 21-09-2022
მედიაში გავრცელებული ინფორმაციით, პოლიცია 50 წლის ქალს ეძებს, რომელიც შესაძლოა, გრიგოლ ნარსიას თანამზრახველი ყოფილიყო. ასევე ვრცელდება ინფორმაცია, რომ ქალის ადგილსამყოფელის დასადგენად სამძებრო ოპერაცია ქვეყნის მასშტაბით მიმდინარეობს.
"ტვ პირველის" ცნობით, გრიგოლ ნარსიასთან ერთად სოფელ ბანოჯაში ვინმე ეკა ცხოვრობდა, რომელმაც სახლი სპეცოპერაციის დასრულებიდან მალევე, ჩემოდნებით დატოვა.
გრიგოლ ნარსიას ადვოკატი ციცინო ბაბუნაშვილი AMBEBI.GE-სთან უარყოფს გავრცელებულ ინფორმაციას და ამბობს, რომ საქმის მასალებში მითითებულია, რომ გრიგოლ ნარსიას არანაირი თანამზრახველი არ ჰყოლია.
"გრიგოლ ნარსიას არსად არანაირი თანამზრახველი არ ჰყოლია. ის ჩვენებაში აფიქსირებს, რომ მარტო იყო და ძარცვის შესახებ ინფორმაცია არავის ჰქონდა. მან ჩვენებაშიც დაწერა და შეხვედრის დროსაც ისაუბრა დანაშაულის მოტივზე - მისი ერთადერთი შვილი გულის მანკით არის დაავადებული, მას შუნტირება აქვს გაკეთებული და ყოველწლიურად ჟვანიას სახელობის კლინიკაში გადის რეაბილიტაციას, რაც დიდ ხარჯებთან არის დაკავშირებული. მან მძიმე ეკონომიკური მდგომარეობიდან გამომდინარე ჩაიდინა აღნიშნული დანაშაული. შეიარაღებასთან დაკავშირებით გეტყვით, რომ ასაფეთქებლები არა ნამდვილი, არამედ ბუტაფორია იყო, მას ასევე ჰქონდა იარაღი ე.წ. სტარტოვკა (სასიგნალო იარაღი), მხოლოდ გასროლის ხმას რომ გამოსცემს და ხელყუმბარა, რომელიც მას სამხედრო ნაწილიდან აქვს წამოღებული. შესაძლოა, ისიც არ გამოდგეს ნამდვილი.
ნარსია ნამდვილად ნანობს ამ ყველაფერს და ამბობს, რომ მისმა ეკონომიკურმა მდგომარეობამ მიიყვანა დანაშაულის ჩადენამდე. გრიგოლ ნარსიას დაკავების დრო წინააღმდეგობა არ გაუწევია, მაგრამ ძალიან არის ნაცემი, იმიტომ გამოიყვანეს ნიღბით, რომ სახეზე მრავლობითი დაზიანება ჰქონდა. ჩემთვის საქმის მასალები ჯერ არ გადმოუციათ და მძევლები რას ამბობენ, ჩემთვის უცნობია, თუმცა მათ ტელეეთერებითაც აქვთ ნათქვამი, რომ ნარსიას მათთვის არანაირი ზიანი არ მიუყენებია.
თვითონ გრიგოლიც ამბობს, მძევლები თავისუფლად მყავდა, რაც უნდოდათ, იმას აკეთებდნენ და პირიქით, 3 ადამიანი გამეპარა უკანა კარიდანო. ნარსიას თქმით, მისი განზრახვის შესახებ, არავინ არაფერი იცოდა.
- ჩვენებაში მას დანაშაულის მოსამზადებლად 2 დღე აქვს მითითებული. დიდი არც არაფერი მომზადება უნდოდა იმიტომ, რომ ასაფეთქებლები გადაჭრილი პლასტმასის მილებითაა გაკეთებული. გრიგოლ ნარსიას წლებია, არსად უმუშავია. 2008-2010 წლებში ის დაცვის პოლიციაში მუშაობდა, ამის შემდეგ სასჯელაღსრულებაში - გეგუთის მე-14 დაწესებულებაში გადავიდა კონტროლიორად.
როცა ხელისუფლება შეიცვალა, 2012 წლიდან დაატოვებინეს სამსახური და მას მერე უმუშევარია. გრიგოლ ნარსიას ბრალს ხვალ წაუყენებენ. იმის ილუზია არ გვაქვს, რომ გაათავისუფლებენ, მაგრამ აღმკვეთ ღონისძიებად, სავარაუდოდ, წინასწარ პატიმრობას შეუფარდებენ, ხოლო მის ფსიქიკურ მდგომარეობას ექსპერტიზა დაადგენს" - ამბობს ადვოკატი.
ნახეთ ასევე;
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაი თქვენ პატრონს, ვისაც გჯერათ, რომ ეს ტერორისტია. დადგეს სპექტაკლი, რომ შსს ძლიერია და აუფ რა ქნეს :):):)
პლასტელინები და პლასტმასები რომ ჰქონდა ზედ მიკრული, ექსპერტებმა ვერ ნახეს, რომ ბლეფი იყო? ბეყესავით დადიოდა და ანკესს ითხოვდა :) გარტყმაში არ იყო ტიპი, რას აკეთებდა.
დასაჯელი რომაა ეგ თავისთვად, თუმცა ისინი უფრო მეტად უნდა დაისაჯონ, ვინც ეს სპექტაკლი დადგა. ამით რომაა დაკავებული მთავრობა, იმიტომ ვართ გაბრდღვიალებული ეკონომიკით და ფულით გამოტენილი ჯიბეებით.
ერთი ხელი არ მოუქნევია, ისეთი დონდლო ტიპია, სათქმელსაც სხვას ათქმევინებდა. :)
მასხარა ქვეყანაში ვცხოვრობთ და ასეთ მახსარებს კიდევ საიდან პოულობენ. ეს ან სულელია ან რაღაც ჰქონდა მიქარული და დაკერეს :)
"მიმინო" გამახსენდა, კარზე უნდა დაეკაკუნებინა პოლიციას და ეთქვა "Виходи я тоже хочу" - ო არა?