მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნარსიას შვილი სარეაბილიტაციო კურსს ჟვანიას კლინიკაში გადის, მას სახელმწიფოსგან არანაირი დახმარება არ აქვს - ახლა დაკავებული სტრესულ მდგომარეობაშია" - ადვოკატი
18:07 / 21-09-2022
ქუთაისში, "საქართველოს ბანკის" ფილიალზე თავდასხმის საქმეზე დაკავებულ გრიგოლ ნარსიას სახის არეში დაზიანებები აქვს.
აღნიშნულის შესახებ "ინტერპრესნიუსს“ ნარსიას ადვოკატმა ციცინო ბაბუნაშვილმა განუცხადა.
მისი განმარტებით, ადვოკატები გრიგოლ ნარსიას დაზიანებებთან დაკავშირებით ექსპერტიზის დანიშვნას მოითხოვენ. ბაბუნაშვილი არ გამორიცხავს, მისი დაცვის ქვეშ მყოფის მიმართ კიდევ ერთი - ფსიქიატრიული ექსპერტიზის დანიშვნა მოითხოვოს.
"დაზიანებები აქვს. მიუხედავად იმისა, რომ სამართალდამცავებმა ტელევიზიით გააჟღერეს, რომ ნარსიამ დაკავებისას წინააღმდეგობა გაუწია, ეს ასე არ ყოფილა, ნარსიას დაკავებისას წინააღმდეგობა არ გაუწევია, დაზიანებები კი სწორედ დაკავებისას მიიღო. ჩვენ, დროებითი დაკავების იზოლატორიდან დაზიანებებთან დაკავშირებით სამედიცინო ისტორია გამოვითხოვეთ და ექსპერტიზის დანიშვნასაც მოვითხოვთ. ახლა ის სტრესულ მდგომარეობაში იმყოფება. შესაძლოა, ფსიქიკურ მდგომარეობასთან დაკავშირებითაც ჩატარდეს ექსპერტიზა“, - განაცხადა ციცინო ბაბუნაშვილმა.
როგორც ადვოკატი აღნიშნავს, ბანკში შეჭრის მიზეზი დაკავებულის შვილის ჯანმრთელობის მდგომარეობაა. ბაბუნაშვილი ასევე აღნიშნავს, რომ მისი დაცვის ქვეშ მყოფს მძევლების აყვანა დაგეგმილი არ ჰქონდა. ადვოკატის თქმითვე, მას შემდეგ, რაც ნარსიამ სალაროში ფული მოითხოვა და სამართალდამცავები მივიდნენ, ის იძულებული გახდა, მძევლები აეყვანა.
"მოტივთან დაკავშირებით, ბავშვის ჯანმრთელობა და ეკონომიკური მდგომარეობა დაასახელა. შვილი გულის მანკითაა დაავადებული, რომელიც 6 თვიდან მკურნალობს და ახლა 14 წლისაა, სარეაბილიტაციო კურსს ჟვანიას კლინიკაში გადის, რომელიც საკმაოდ დიდ ხარჯებთანაა დაკავშირებული. გულზე შუნტირება 6 თვის ასაკში აქვს გაკეთებული და ჟვანიას კლინიკაში ყოველწლიურად გადის სარეაბილიტაციო კურსს. მას სახელმწიფოსგან არანაირი დახმარება არ ჰქონია.
ნარსიას მძევლების აყვანა დაგეგმილი არ ჰქონია, უბრალოდ გარემოებიდან გამომდინარე მოხდა“, - განაცხადა ბაბუნაშვილმა.
- მისივე თქმით, ნარსია წარსულში სასჯელაღსრულების დაწესებულებაში კონტროლიორად მუშაობდა.
"იარაღთან დაკავშირებით გეტყვით, რომ სათამაშო იყო და ნამდვილი ასაფეთქებელი არ ყოფილა. რაც შეეხება ხელყუმბარას, შესაძლოა, ის სპორტული იყო. რაც შეეხება იარაღს, საიდანაც გაისროლა, „სტარტოვკა“ იყო, რომელსაც მხოლოდ ხმა აქვს. ხელყუმბარაზე განაცხადა, რომ სამხედრო სამსახურიდან წამოიღო და სარდაფში ჰქონდა დიდი ხანი და შესაძლოა, სპორტული იყოსო, თვითონაც არაა დარწმუნებული, საბრძოლო არის, თუ არა.
დაცვის პოლიციის თანამშრომელი იყო, შემდეგ, სასჯელაღსრულების დაწესებულებაში - გეგუთის მე-14 დაწესებულებაში კონტროლიორი გახლდათ. იქ, 2010 წლიდან 2012 წლამდე მუშაობდა“, - განაცხადა ბაბუნაშვილმა.
ცნობისთვის, გუშინ, ქუთაისში, 38 წლის გრიგოლ ნარსია, შოთა რუსთაველის გამზირზე მდებარე “საქართველოს ბანკის" ფილიალში შეიჭრა და დიდი ოდენობის თანხის დაუფლების მიზნით 14 პირი მძევლად აიყვანა, ის 2 მლნ დოლარს ითხოვდა. შინაგან საქმეთა სამინისტრომ მძევლად აყვანილი ყველა ადამიანი ეტაპობრივად გაათავისუფლა, რის შემდეგაც სამართალდამცველებმა თავდამსხმელი ბრალდებულის სახით ადგილზე დააკავეს. მომხდარის შედეგად არავინ დაშავებულა.
მომხდარ ფაქტზე გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს.
გრიგოლ ნარსიას ბრალს ხვალ წაუყენებენ.
ნახეთ ასევე:
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამას ადვოკატობაც აღარ ქვია, სულ დააჟუილეს რა! "ფული რომ მოითხოვა პოლიცია მივიდა და იძულებით მერე მძევლები აიყვანა, (რა ექნააპპპპა) ზნაჩიტ პოლიციი ბრალია, არ უნდა მისულიყვნენ,,ფულიც უნდა მიეცათ ძმოო და ეთქვათ; ვერტალიოტი რად გინდა ძმოო, ტაქსის გაგიჩერებთ აგერ და წადიოო. ანკესი კი მაგდენა ფული მიგაქ და თავად იყიდე, ნოუუ პრობლემო...
ყველაფერი ნუ გადაგყავთ რომანტიზმში.გამოფენთ ამათ ფოტოებს და ხალხი სიცილ კისკისით კითხულობს. რა მასკარადებია, რა უბედურებაა ეს. თუა ყაჩაღობა, ყაჩაღს გაბაჩენი უნდა გამოუტანო, თუ მასკარადი და იუმორია, იცინეთ და იღლიცინეთ