გავრცელებული ინფორმაციით, თავდამსხმელმა "საქართველოს ბანკის" ფილიალიდან რამდენიმე მძევალი გაათავისუფლა
გავრცელებული ინფორმაციით, "საქართველოს ბანკის" ფილიალიდან რამდენიმე მძევალი გათავისუფლებულია. ჯერჯერობით უცნობია, რაზე შეთანხმდნენ სამართალდამცველები და თავდამსხმელი. დაუდასტურებელი ცნობებით, საუბარია 3 მძევალზე, რომელიც უკვე პოლიციის განყოფილებაში არიან გადაყვანილი.
"საქართველოს ბანკის" შენობაში, სადაც თავდამსხმელს მძევლები ჰყავს აყვანილი, ვითარება ცოტა უკიდურესად რთულია. ადგილზე რჩება 9 მძევალი. როგორც ცოტა ხნის წინ გავრცელებულ ვიდეოკადრებში ჩანდა, თავდამსხმელმა ყუმბარას "კალიცო" მოხსნა. ერთ-ერთი მძევალი შეუძლოდ გახდა.
თავდამსხმელთან კომუნიკაცია ჰქონდათ პოლიციელებს, რომლებმაც შესთავაზეს, რომ მძევლები სამართალდამცველებით ჩაენაცვლებინა, რაზეც თავდამსხმელმა უარი თქვა.
- ცნობისთვის, ქუთაისში, სადაც "საქართველოს ბანკის" შენობაში მძარცველს მძევლები ჰყავს აყვანილი, შინაგან საქმეთა მინისტრი, ვახტანგ გომელაური ჩავიდა.
შსს-ს განცხადებით, გამოძიება დაწყებულია "საქართველოს ბანკის" ერთ-ერთ ფილიალზე თავდასხმის, ტერორისტული აქტის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ფაქტზე. მძარცველი 2 მილიონ დოლარს, ვერტმფრენს, ანკესს და რუსეთის დროშას ითხოვს.
იხილეთ ასევე:
- "ხელი მეღლება, რატომ მაკვლევინებთ ხალხს, რომ გამექცეს ჩემი ბრალი არ იქნება" - თავდამსხმელი ამბობს, რომ ყუმბარას "კალიცო" მოხსნა: რა ვითარებაა ადგილზე?
- "ქალბატონო, დაწყნარდით, ბევრს ნერვიულობთ და დაწყნარდით-მეთქი" - ატირებული მძევლის დამშვიდებას პოლიცია ცდილობს: რა ხდება ბანკში, სადაც მძარცველია შეჭრილი?