"წამზომია ჩართული" - ბანკის მძარცველი ირწმუნება, რომ თუ კარი გაიღება, ასაფეთქებელი მოწყობილობა ამოქმედდება

ვრცელდება კიდევ ერთი ვიდეო, რომელიც, ქუთაისში, "საქართველოს ბანკის" ფილიალშია გადაღებული, სადაც შეიარაღებულ პირს 12 ადამიანი ჰყავს მძევლად აყვანილი. კადრებში ჩანს კართან დამაგრებული 2 მოწყობილობა და ისმის მძარცველის ლაპარაკი, რომ თუ კარი გაიღება, ორივე ასაფეთქებელი მოწყობილობა ამოქმედდება. მისი თქმით, წამზომია ჩართული. ამის შესახებ ის მორიგ ვიდეოში საუბრობს.

"წამზომია ჩართული", - ეუბნება თავდამსხმელი მძევლებს.

შეგახსენებთ, რომ უკვე ორი საათია, რაც ქუთაისში, "საქართველოს ბანკში" თავდამსხმელია შეჭრილი. ის 2 ლმნ დოლარს, ვერტმფრენს, რუსულ დროშას და ანკესს ითხოვს.

იხილეთ ასევე:

• "საქართველოს ბანკის“ ერთ-ერთ ფილიალში მძევლად 12 პირი რჩება - გამოძიება თავდასხმის, ტერაქტის, ტერორისტული მიზნით მძევლად ხელში ჩაგდების ფაქტზე მიმდინარეობს" - შსს
• "ფისოებო, 2 მილიონი დოლარი მოიტანეთ.." - რას ამბობს ქუთაისში, "საქართველოს ბანკზე" თავდამსხმელი და რა ვიდეო ვრცელდება ბანკის შენობიდან