"დავიგინო ახლა დედა?" - ზურა ჯაფარიძისა და "უცნობის" ცხარე კამათი: რა უპასუხა გაჩეჩილაძემ განცხადებას მისი ძმისთვის 7 მილიონის გადაცემაზე?
"უცნობის", იგივე გიორგი გაჩეჩილაძის გადაცემაში "უცნობის კიდობანი" "გირჩის" ლიდერმა, ზურა ჯაფარიძემ გადაცემის წამყვანს შეახსენა, რომ მისმა ძმამ "საპარტნიორო ფონდიდან" 7 მილიონი მიიღო და მის დაბრუნებას არავინ სთხოვს. ჯაფარიძე ამბობს, რომ სწორედ ეს არის მიზეზი, რის გამოც გაჩეჩილაძე "წყნარად არის." გაჩეჩილაძის თქმით კი, ის რასაც ჯაფარიძე ამბობს, ტყუილია.
"მე შვილიშვილი მყავს და ვარ წყნარად, რომ ამ ქვეყანაში ცეცხლი არ ანთია. მე არ მინდა, რომ ამ ქვეყანაში ცეცხლი დაინთოს", - თქვა გიორგი გაჩეჩილაძემ, რასაც ჯაფარიძემ ასე უპასუხა:
"მე შვილები მყავს და წყნარად არ ვარ. ჩემ ძმასაც რომ ჰქონდეს 7 მილიონი მიღებული "საპარტნიორო ფონდიდან", რომელსაც არ სთხოვენ და ჩუქნიან, შეიძლება მეც წყნარად ვყოფილიყავი."
- აღნიშნულის შემდეგ კი გაჩეჩილაძესა და ჯაფარიძეს შორის ასეთი დიალოგი გაიმართა:
უცნობი:
- დავიგინო ახლა დედა გადაცემაში?
ზურაბ ჯაფარიძე:
- მას (ლევან გაჩეჩილაძე) აქვს ეს საჯაროდ დადასტურებული.
უცნობი:
- რომ 7 მილიონი აიღო? ტყუილს იძახი.
ზურაბ ჯაფარიძე:
- შენ ძმას საჯაროდ აქვს დადასტურებული. დავგუგლო?
უცნობი:
- დაგუგლე მიდი.
ზურაბ ჯაფარიძე:
- განცხადება მახსოვს. თქვა, რომ ეგ სწორი ამბავი არისო, ეგრე უნდა იძლეოდესო სესხებს სახელმწიფო. პირველად გაიგე?
უცნობი:
- პირველად გავიგე… ჩემი ძმის ამბავი მე თუ არ ვიცი, შენ იცი ჩემზე უფრო კარგად?
ზურაბ ჯაფარიძე:
- "დაკარგული ედემი" გაგიგია? მაგაზეა ლაპარაკი.
უცნობი:
- კი, გამიგია, მერე?
ზურაბ ჯაფარიძე:
- მაგაზეა ლაპარაკი. თავად ლევან გაჩეჩილაძე ამბობს, რომ მართალია, სახელმწიფო კომერციულ რისკს იღებს, იმ შემთხვევაში, თუ ეს ქვეყანას მნიშვნელოვან სარგებელს მოუტანს. საბოლოო ჯამში, არც ერთი ბოთლი ღვინო ამერიკაში არ გასულა.
უცნობი:
- სად წერია 7 მილიონი?
ზურაბ ჯაფარიძე:
- "საპარტნიორო ფონდმა" ლევან გაჩეჩილაძის პროექტში 7 მილიონი ჩადო და კომერციული რისკიც თავად აიღო.
უცნობი:
- ლევანის სიტყვები სად არის?
ზურაბ ჯაფარიძე:
- ახლა წაგიკითხე ლევანის სიტყვები, ამბობს, რომ მართალია და რომ სახელმწიფო კომერციულ რისკს იღებს თავის თავზე, ანუ ფული მან აიღო, მაგრამ რისკი სახელმწიფომ აიღო თავის თავზე. ახლა ამაზე უნდა ვილაპარაკო დიდხანს?