მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
ოთხშაბათი, მთვარის ოცდამეცხრე დღე დაიწყება 03:36-ზე, მთვარის პირველი დღე დაიწყება 14:31-ზე, მთვარე კირჩხიბში იქნება 07:45-დან – დაიცავით მარხვა, გმართებთ თავშეკავება. შუადღემდე არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. ახალმთვარეობაზე არ ღირს მნიშვნელოვანი საქმეების დაწყება. ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. ახალმთვარეობიდან ერთი საათის განმავლობაში შეიმუშავეთ ერთი თვის ბიზნესგეგმის შემუშავება. მოძებნეთ ახალი გზები იდეების განსახორციელებლად. არ არის რეკომენდებული რაიმეს ყიდვა-გაყიდვა. სერიოზული გადაწყვეტილებების მიღება და მოლაპარაკება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აზრს ვეკითხები ჩემს სტაჟიორებს, ასისტენტებს... მზარეულსაც კი!" - რას ამბობს შიშსა და წარუმატებლობაზე დემნა გვასალია Vogue-სთან ინტერვიუში
16:25 / 16-09-2022
"მიუხედავად იმისა, რომ ის ჩვენი დროის ერთ-ერთი ყველაზე გავლენიანი დიზაინერი გახდა, წარმატებას არ შეუცვლია. უდაოდ, ის ახალგაზრდა დიზაინერებისთვის შთაგონების წყაროა", - წერს Vogue დემნა გვასალიაზე.
ქართველი დიზაინერი გამოცემას თავის ადრეულ გამოცდილებებზე ესაუბრა, რამაც ხელი შეუწყო მისი კარიერის ჩამოყალიბებას. მან ასევე ილაპარაკა მოდის განათლებაზე და დამწყებ ხელოვანებსაც მისცა ორიოდე რჩევა. დემნა იხსენებს, როგორ დაიწყო მისი მოდის სფეროში მოღვაწეობა:
"ეს თითქმის ოცი წლის წინ მოხდა. ტრიესტეში, კონკურსზე მცირე კოლექცია წარვადგინე, სულ რამდენიმე ლუქით. შეჯიბრებაში მიღებული საპრიზო თანხა ჩემი მომავალი კოლექციის დაფინანსებაში დამეხმარა. მაშინ ძალიან მიჭირდა და იქ რომ არ ჩავსულიყავი, არც კი ვიცი, როგორ მოვახერხებდი ანტვერპენში სწავლის გაგრძელებას".
დიზაინერი ინტერვიუში ყვება, რომ კარიერის დასაწყისში თავდაჯერებულობა აკლდა და შეშინებული იყო:
"მოდის სწავლა რომ დავიწყე, ყველაფერს ეჭვქვეშ ვაყენებდი, მაგრამ მას შემდეგ, რაც ტრიესტეში ჩამოვედი და იქ პოზიტიური რეაქციებით შემხვდნენ, ამან საკუთარ ძალებში დამარწმუნა. დავიჯერე, რომ როცა რაღაცას ქმნი, შესაძლოა, ეს ვინმეს ნამდვილად მოეწონოს და მოესურვოს".
დემნა ამბობს, რომ სწორედ სურვილი გახდა მისი შემოქმედების მთავარი მამოძრავებელი ძალა - შეექმნა პროდუქტი, რომელიც ხალხში სურვილს გააღვიძებდა.
კითხვაზე, არის თუ არა აუცილებელი მოდის განათლება ახალგაზრდა დიზაინერისთვის, დემნა პასუხობს, რომ სკოლები მნიშვნელოვანია, მაგრამ მიიჩნევს, რომ დღეს კარგი სასწავლებლები არსადაა. ქართველი დიზაინერი ამბობს, რომ მოდის სკოლებში სწავლება 20 წლით ჩამორჩება დღევანდელ მოდასა და სამყაროს და მათ მეთოდოლოგიას უწუნებს.
"ვფიქრობ, ყველაზე მნიშვნელოვანი რამ ახალგაზრდა შემოქმედისთვის არის ის, რომ ისწავლოს, თუ როგორ ჩამოიყალიბოს ინდივიდუალური ხედვა და არ იფიქროს იმაზე, როგორ ასიამოვნოს მასწავლებელს შემდეგი საფეხურის გასავლელად".
როგორც დემნა ყვება, მას სასწავლებელში სწავლისას საკუთარი სტილისა და ესთეტიკის პოვნა გაუჭირდა:
"ეს უკვე მოგვიანებით, პროცესშივე აღმოვაჩინე, როცა რეალურ ცხოვრებაში დავიწყე ექსპერიმენტები. ის, რასაც მე ნამდვილად ვაფასებდი სასწავლებელში, იყო განათლების მხატვრული ნაწილი: ხელოვნების ისტორია, თანამედროვე მხატვრობა, ქანდაკება და ადამიანის შიშველი სხეულის ხატვა ანატომიის უკეთ გასაგებად. ანატომია ყველა მოდის სკოლაში უნდა ისწავლებოდეს, რადგან თუ დიზაინერი ვერ ეხმიანება ადამიანის სხეულს და მის კომპლექსურობას, როგორ უნდა ჩააცვას მას?"
დემნა ამბობს, რომ დიზაინერმა საკუთარი სურვილი და კრეატიულობა უნდა ავარჯიშოს:
"მე პირადად ბევრ ადამიანს ვუცვლი იდეებს და აზრს ვეკითხები ჩემს სტაჟიორებს, ასისტენტებს, ადამიანებს, რომელთან ერთადაც ვცხოვრობ, მზარეულსაც კი! მინდა გავიგო, მათი აზრით, ვინაა პოტენციური მომხმარებელი იმისა, რაზეც ჩვენ ვმუშაობთ".
დიზაინერის თქმით, წარმატების გზაზე შეცდომების დაშვება მნიშვნელოვანია:
"წარუმატებლობის შესაძლებლობა ძალიან მნიშვნელოვანი ელემენტია... ეს საჭიროა. მახსოვს საკუთარი თავი, როგორ ვიყავი შეშინებული იმაზე ფიქრით, რომ არაფერი გამომივიდოდა, რადგან არავის ვაღელვებდი. ამიტომ უნდა ვუთხრათ ახალგაზრდა შემოქმედებს, - ჰეი, წარუმატებლობა შესანიშნავია! იმიტომ, რომ ეს ერთადერთი გზაა წარმატებისკენ".
Vogue-თან ინტერვიუში დემნამ შიშის ფაქტორზე და შემოქმედებაში მის გავლენაზეც ისაუბრა:
"ერთ-ერთი ყველაზე მნიშვნელოვანი თვისება, რომელსაც ჩემს თანამშრომლებში ვეძებ, არის უშიშრობა. ჩემი გუნდისთვის ყოველთვის მოდის სკოლებიდან ვარჩევ ხალხს და არა სხვა ბრენდებიდან, რადგან ჩემთვის მათთან მუშაობა უფრო რთულია. ჩემთვის მთავარი მაინც ისაა, რომ უშიშარი იყოს, რადგან შიში კრეატიულობას ბლოკავს და თუ იმას ცდილობ, რომ ვინმეს ასიამოვნო, წარმატებას ვერასოდეს მიაღწევ..."
წყარო: vogue
მოამზადა: ანა სიბოშვილმა
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სუპერ პოპულარულია ეს დემნა და ღმერთმა გაუმარჯოს...მეც ვერ ვხვდები ვინ მოიხმარს მის შემოქმედებას მაგრამ თავის საქმე თვითონ იცის, ძალიან მესიმპატიურება,
აზრს კი ეკითხები მაგრამ არაფერს ითვალისწინებ