მნიშვნელოვანი ინფორმაცია
1
ივლისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გაიცანით მარიამ გურგენიშვილი - გემის ერთადერთი მექანიკოსი ქალი საქართველოში
13:36 / 12-09-2022
მარიამ გურგენიშვილი საქართველოში გემის პირველი ქალი მექანიკოსია. რამდენიმე თვეც და ის ბათუმის სახელმწიფო საზღვაო აკადემიის კურსდამთავრებული იქნება.
ეს პროფესია ბავშვობიდან აინტერესებდა, მით უფრო, როცა მისი ოჯახის ერთ-ერთი წევრიც გემის მექანიკოსია.
სკოლის დასრულების შემდეგ სწავლა საქართველოს ტექნიკურ უნივერსიტეტში მანქანათმშენებლობის ფაკულტეტზე გააგრძელა. როგორც კი საზღვაო აკადემიის საბაკალავრო კურსის შესახებ გაიგო, ფაკულტეტი მაშინვე შეიცვალა და თბილისიდან ბათუმში გადავიდა.
„თავიდან ყველა არასერიოზულად აღიქვამდა ჩემს გადაწყვეტილებას - ჩემი ჯგუფელები, მეგობრები, ახლობლები ნათესავები. ასეთი დამოკიდებულებისთვის არც მაშინ მიმიქცევია ყურადღება და არც ახლა ვაქცევ. ჩემთვის არ არსებობს ქალისა და კაცის საქმე. არსებობს პროფესია, რომელიც შეიძლება ნებისმიერმა ადამიანმა აირჩიოს და გახდეს პროფესიონალი“, - ამბობს მარიამ გურგენიშვილი.
მარიამის თქმით, სწავლის პროცესში კიდევ უფრო საინტერესო აღმოჩნდა გემის მექანიკოსობა.
ზუსტად იცის, როგორი რთული პროფესიაც აირჩია, მაგრამ ეს ხელის შემშლელი არც სტუდენტობამდე ყოფილა და მით უმეტეს, არც ახლა იქნება.
სკოლის პერიოდში მოდელობაზე ფიქრობდა, სამოყვარულო დონეზე თამაშობდა კალათბურთს, თუმცა ამბობს, რომ როგორც კი გემის მექანიკოსობაზე დაიწყო ფიქრი, ყველა სხვა გატაცება გაქრა.
„როცა ასეთი დიდი მიზანი გიჩნდება, სხვა რაღაცებისთვის დრო, უბრალოდ, აღარ გრჩება. აღარც ინტერესი გაქვს და მთლიანად შენს არჩეულ გზას მიჰყვები“.
გაზაფხულზე, როგორც კი საბაკალავრო პროგრამას დაასრულებს, მაშინვე გეგმავს გემზე მუშაობის დაწყებას და ყველა ეტაპის გავლას მეოთხე მექანიკოსიდან გემის მთავარ მექანიკოსობამდე. თუმცა ზღვას თავისი წესები აქვს და საფეხურიდან საფეხურზე რომ გადავიდეს, გარკვეული დრო სჭირდება.
ზღვაში პირველად უკვე გავიდა - ევროპაში იყო 3-თვით თურქული კომპანიის გემით. აკეთებდა ყველაფერს, რასაც ავალებდნენ - დანადგარების შეკეთება, ექსპლუატაციისთვის თვალყურის დევნება, რა თქმა უნდა, გემის მექანიკოსის ზედამხედველობით.
„თავიდან თითქოს შიშის მომენტიც იყო. მხოლოდ ზღვაში გასვლის წინ კი არა, საერთოდ, როდესაც ამ პროფესიას ვირჩევდი. კი, ნამდვილად რთულია, თუმცა ადამიანები ნებისმიერ სირთულეს ვიღებთ და არაფრად გვეჩვენება, როცა ჩვენი საყვარელი საქმის კეთებას ვიწყებთ.
დღეს ჩვენს საქმეში საკმაოდ დიდი კონკურენციაა, თუმცა ჩემი კონკურენტები მხოლოდ კაცები არიან. რაღაც დონეზე კომპანიებიც თავს არიდებენ ეკიპაჟის დაკომპლექტებისას ქალი წევრის აყვანას. მე რომ ზღვაში გავედი, მაშინაც ასე იყო, მაგრამ ბოლოს დავამტკიცე, რომ ჩემი პროფესიონალიზმით, შრომითა და საქმისადმი სიყვარულით შემიძლია, ეკიპაჟის სრულუფლებიანი წევრი ვიყო. ახლა კომპანია, რომელთან ერთადაც პირველად გავედი ზღვაში, მელოდება, სწავლას რომ დავასრულებ, ისევ მათთან ერთად გავალ ზღვაში“.
მარიამთან პირველივე საუბრისას მიხვდებით, რომ ძალიან პრაგმატულ ადამიანთან გაქვთ საქმე. ყველაფერი დაგეგმილი და გაწერილი აქვს. ამბობს, რომ ეს მისი პროფესიისთვის ერთ-ერთი მნიშვნელოვანი თვისებაა.
„მთავარია, ის საქმე გიყვარდეს, რასაც აკეთებ და რა სირთულეც არ უნდა შეგხვდეს, აუცილებლად დაძლევ. ჩვენი საქმე, პრინციპში, ალბათ, როგორც ყველა, დიდ შრომასა და თავდადებას მოითხოვს. აქ მონდომება და მიზანია მთავარი. მერე ყველა შიში და სირთულე ქრება“.
მარიამის მთავარი მიზანი ქართული დროშის ქვეშ შორეულ ზღვაოსნობაში წასვლაა. ამბობს, რომ ეს ოცნება არ არის, ეს არის გეგმა, რომლისკენაც გააზრებულად, ნაბიჯ-ნაბიჯ მიდის. სხვებსაც ამას ურჩევს - დასახულ მიზნებს ბოლომდე მიჰყვნენ.
„იყვნენ მაგრები და ძლიერები ყველა საკითხში. მე ჩემი არჩევანითა და პროფესიით ბედნიერი და ამაყი ვარ. ეს არის ჩემი ცხოვრება“.
ბათუმის სახელმწიფო საზღვაო აკადემიაში მარიამის სწავლას „ტოიოტა ცენტრი ბათუმი“ აფინანსებს, გადამზადების კურსთან ერთად. როგორც კომპანიის დირექტორი პაატა დუმბაძე ამბობს, ქალთა პროფესიული განვითარება და გაძლიერება მათი პოლიტიკის ერთ-ერთი პრიორიტეტული მიმართულებაა. „თეგეტა ჰოლდინგის“ სხვა შვილობილ კომპანიებთან ერთად, „ტოიოტა ცენტრი ბათუმი“ აქტიურად არის ჩართული გენდერული თანასწორობის პროექტებში.
„ტოიოტა ცენტრი ბათუმისთვის“ მარიამის სწავლის დაფინანსება ძალიან საამაყოა. გვიხარია, რომ მხარს ვუჭერთ გემის პირველ მექანიკოს ქალს საქართველოში. ერთი მხრივ, ჩვენ გამოვხატავთ მხარდაჭერას ქვეყნის საკვანძო პროფესიის წარმომადგენლების, მეზღვაურების მიმართ და ამავდროულად, ჩვენი მოკრძალებული წვლილი შეგვაქვს მარიამ გურგენიშვილის, როგორც მომავალი მეზღვაურის, პროფესიონალად ჩამოყალიბების საქმეში“, - ამბობს პაატა დუმბაძე, „ტოიოტა ცენტრი ბათუმის“ დირექტორი.
საბაკალავრო კურსის გარდა, „ტოიოტა ცენტრი ბათუმის“ მხარდაჭერით მარიამი მეზღვაურთა სასწავლო-საწვრთნელ და სერტიფიცირების ცენტრში სავალდებულო კურსსაც გაივლის და ზღვაში მომდევნო სამუშაო გასვლისთვის მოემზადება.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
