!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძალიან მიყვარდა, მაგრამ მთელი ბავშვობა, მრავალი წელი მენატრებოდა" - რას ამბობს დიეგო მარადონა ჯუნიორი ლეგენდარულ მამასა და ხვიჩა კვარაცხელიაზე?
12:05 / 12-09-2022
ხვიჩა კვარაცხელიამ "ნაპოლიში“ გადასვლის შემდეგ უამრავი იტალიელი და არა მხოლოდ იტალიელი ფანი შეიძინა. მის გულშემატკივართა შორის არის ლეგენდარული ფეხბურთელის დიეგო არმანდო მარადონას შვილი დიეგო მარადონა ჯუნიორი, რომელიც ნეაპოლში დაიბადა და "ნაპოლის“ გუნდის დიდი გულშემატკივარია.
მარადონას შვილი, ინსტაგრამის სთორებში ხშირად აქვეყნებს კვარცხელიას გოლების ვიდეოებსა და ფოტოებს, რომელიც მინდორზეა გადაღებული. "ნაპოლიში" ხვიჩას გადასვლა თავის დროზე ასე შეაფასა:
"გუშინ საღამოს მისი რამდენიმე ვიდეო ვნახე და ის უდავოდ ძლიერი მოთამაშეა, რომელსაც ძალიან სახიფათო დარტყმები აქვს. ვფიქრობ, "ნაპოლიში" სათამაშოდ ხასიათის გამოვლენაა საჭირო. რადგან "ნაპოლის" სპორტულმა დირექტორმა არჩევანი მასზე შეაჩერა და გუნდში სწორედ ის აიყვანა, ე.ი. კვარაცხელია მნიშვნელოვანი ფეხბურთელია", - თქვა ლეგენდარული ფეხბურთელის ვაჟმა.
მოგეხსენებათ, ხვიჩას შეძენით "ნაპოლიმ" გუნდიდან წასული ლორენცო ინსინიეს ჩანაცვლება გადაწყვიტა, თუმცა გულშემატკივრები უკვე ხუმრობენ, კვარაცხელიამ ინსინიე კი არა, ლამის მარადონა შეცვალაო...
"ჩემი აზრით, ისინი განსხვავებული სტილის ფეხბურთელები არიან, მაგრამ კვარა ძლიერია და გუნდში სხვა უპირატესობა მოიტანა: ერთი-ერთზე თამაში, რაც გვაკლდა. ლორენცო უფრო გუნდური ფეხბურთელი იყო, კვარა კი უფრო სოლისტია და ვფიქრობ, ძალიან ძლიერია“ - ამბობს მარადონა ჯუნიორი.
მას მოსწონს ხვიჩას მამამისთან შედარებაც და ისიც, რომ ახალგაზრდა ქართველ ფეხბურთელს "კვარადონას" ეძახიან.
ლეგენდარული არგენტინელი ფეხბურთელი 60 წლის ასაკში 2020 წლის 25 ნოემბერს გარდაიცვალა. მან 58 წლის ასაკში აღიარა, რომ სხვადასხვა ქალებისგან 8 შვილი ჰყავდა, თუმცა წლების განმავლობაში ამბობდა, რომ მხოლოდ ორი გოგონა ჰყავდა ოფიციალური მეუღლისგან.
დიეგო მარადონა არასდროს აღიარებდა არაკანონიერ შვილს, რომელიც 1986 წელს ნეაპოლელი კრისტინა სინაგრასგან შეეძინა. თავდაპირველად, არგენტინელი ფეხბურთელი მამობის დადგენის პროცესში დნმ-ის ანალიზის ჩატარებაზე უარს აცხადებდა, რის შემდეგაც იტალიურმა სასამართლომ ბავშვს მამის გვარის ტარების უფლება მისცა. გარდა ამისა, მარადონას ყოველთვიურად დაეკისრა ალიმენტის გადახდა.
2003 წლის მაისში, როცა მარადონა იტალიის ქალაქ ფიოჯიში გოლფს თამაშობდა, მასთან მარადონა ჯუნიორი მივიდა. არგენტინელი მინი-ავტომობილში ჩაჯდა და იქაურობის დატოვება აპირებდა, მაგრამ გადაიფიქრა და დაახლოებით 40 წუთის განმავლობაში შვილთან ისაუბრა. თვითმხილველები ამბობენ, რომ გამომშვიდობებისას მარადონა ბიჭს გადაეხვია და აკოცა.
ორი წლის შემდეგ ამ ფაქტზე მარადონამ ტელეეთერში ისაუბრა:
“თანხმობა არ ნიშნავს მიღებას. ორი ქალიშვილი მყავს, რომლებიც სიყვარულის ნაყოფია. მათ დალმა და ჯანინა ჰქვიათ. წარსულში დაშვებულ შეცდომებს თანხობრივად ვანაზღაურებ. სასამართლომ იძულებული გამხადა, მას ფული გადავუხადო, მაგრამ ის ვერ მაიძულებს, რომ ბავშვი შევიყვარო”.
დიეგო მარადონა სინაგრა მამის კვალს გაჰყვა და პროფესიონალი ფეხბურთელი გახდა, თუმცა პლაჟის ფეხბურთში. 2008 წელს იტალიის ნაკრების შემადგენლობაში ის მსოფლიოს ვიცე-ჩემპიონიც გახდა.
2016 წლიდან მამა-შვილი განსაკუთრებით დაახლოვდნენ. დიეგო ჯუნიორი ვიზუალურად მამას ძალიან ჰგავს. ჰყავს მეუღლე და ორი შვილი.
დიეგო მარადონა ჯუნიორი:
"ჩემი მოხუცი ძალიან ახალგაზრდა წავიდა, მე ამას დღემდე ვერ ვეგუები. როდესაც მამა საავადმყოფოში გადაიყვანეს, ბუენოს-აირესში გამუდმებით ვრეკავდი, ვიდრე არ მითხრეს, რაც მოხდა.
მშვენიერი იყო მასთან ერთად თამაშების ყურება. ვერ აგიხსნით ეს რა იყო. მას ყველა ფეხბურთელი იცნობდა. ძალიან მიყვარდა ის, მაგრამ მრავალი წელი მენატრებოდა, რომ ამის გამოხატვა არ შემეძლო. მასთან ერთად ბევრი თამაში ვნახე "ნაპოლისა" და არგენტინის ნაკრების. ჩვენ ყოველთვის ძალიან გულღია და ჯანსაღი ურთიერთობა გვქონდა, არასოდეს ვკამათობდით.
ბოლო დროს სევდიანი იყო, მაგრამ არასოდეს მიფიქრია ცუდზე. არაფერი იქნება ისევ ისე, როგორც ადრე. ჩემს მოხუც მამასთან სალაპარაკოდ ტელეფონზე ვეღარ დავრეკავ და ეს ძალიან მტკივა", - ყვება ის მამაზე.
დიეგო ჯუნიორი კორონავირუსის მძიმე გართულებებით საავადმყოფოში იყო, როდესაც მამის გარდაცვალების შესახებ გაიგო.
შეგახსენებთ, რომ მარადონამ ნაპოლიში 6 წელიწადი გაატარა. ლეგენდარული ფეხბურთელი გუნდის შემადგენლობაში 1984-1991 წლებში თამაშობდა და გუნდთან ერთად 2-ჯერ მოიგო იტალიის ჩემპიონატი. ნეაპოლიში მარადონა დღემდე ძალიან უყვართ და აფასებენ... მე-10 ნომერი, რომლითაც მარადონა "ნაპოლიში“ თამაშობდა, კლუბმა 2000 წელს სამუდამოდ ამოიღო ხმარებიდან. დიეგო არმანდო მარადონას სახელობისაა "ნაპოლის" ცნობილი სტადიონიც.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე რაც მინახავს, მარადონას მსგავსი ფეხბურთელი არავინ ყოფილა. პელეს თამაში არ მინახავს ცოცხლად და ვერ გეტყვით. მარადონას მარტო შეეძლო გუნდი ეთამაშებინა და გამარჯვებამდე მიეყვანა. ერთი მეკარედ არ ჩამდგარა, თორე ნებისმიერ პოზიციაზე თანაბარი ძალის იყო, თან ყველგან ძალიან ძლიერი, და ლიდერის თვისებებით დაჯილდოებული.
მარადონას დონის ფეხბურთელი მეეჭვება რომ უახლოეს ას წელიწადში დედამიწაზე კიდევ დაიბადოს
ის საერთოდ სხვა პლანეტიდან იყო, სხვა პლანეტიდან