რას ამბობს სუს-ის უფროსი გრიგოლ ლილუაშვილი გავრცელებულ ინფორმაციაზე, რომ შესაძლოა მან საქართველოს მომავალი პრემიერ-მინისტრის პოსტი დაიკავოს?

სუს-ის უფროსი გრიგოლ ლილუაშვილი უარყოფს მედიაში გავრცელებულ ინფორმაციას იმის შესახებ, რომ იგი საქართველოს მომავალი პრემიერ-მინისტრი იქნება.

როგორც გრიგოლ ლილუაშვილი აცხადებს, პრემიერ-მინისტრობის არანაირი სურვილი არ აქვს და თუკი ვინმე მსგავს რამეს შესთავაზებს, მისი პასუხი იქნება - არა.

"მე ჩემი ვადა მაქვს, რომელიც უნდა ჩავამთავრო, არ ვაპირებ პოლიტიკური ცხოვრების გაგრძელებას, მათ შორის პრემიერ-მინისტრის ან ნებისმიერი მინისტრის რანგში. მე ვიცი რასაც ვაკეთებ, რა რეფორმებიც მაქვს დაწყებული და პრაქტიკულად გამოვრიცხავ რაიმე იმაზე დიდ თანამდებობას, ვიდრე მიკავია“, - განაცხადა ლილუასვილმა.

ჟურნალისტის დამატებით კითხვაზე, აპირებს თუ არა პრემიერ-მინისტრის თანამდებობის დაკავებას, ლილუაშვილმა ასე უპასუხა : "მე არ ვაპირებ, არანაირი სურვილი ამის არ მაქვს. შემოთავაზებას აქვს ორი სავარაუდო პასუხი: ეს არის "კი“ და ეს არის "არა“, მე ამ შემთხვევაში გამოვიყენებ "არას“, - განაცხადა გრიგოლ ლილუაშვილმა.

იხილეთ ასევე:

• "ქვეყნის იმიჯის შელახვა, პარტნიორებთან ურთიერთობების დაზიანება..." - სუს-ის ანგარიში: რა წარმოადგენდა საქართველოს უსაფრთხოების გაუარესებით დაინტერესებული ძალების მიზნებს?