გრენლანდიის "ზომბი ყინული" დნება - რა აჩვენა კვლევამ და როგორ შეცვლის ზღვის დონეს მისი გადნობა
გამოქვეყნებული კვლევის თანახმად, გრელანდიის მასიური ყინულის ნაწილი, ე.წ. ზომბი ყინულის გადნობის შემდეგ, გლობალური მასშტაბით ზღვის დონე 27 სანტიმეტრით აიწევა.
"ზომბი", იგივე "განწირული ყინული" არის ყინული, რომელიც ჯერ კიდევ მიმაგრებულია ყინულის სქელ ნაწილებზე, მაგრამ ის დიდი მყინვარებით აღარ იკვებება. ეს იმიტომ ხდება, რომ მშობელ მყინვარებს აღარ ემატება ახალი თოვლი. "ამასობაში კი "ზომბი ყინული" კლიმატის ცვლილების გამო დნება",- ამბობს კვლევის თანაავტორი, უილიამ კოლგანი.
"ეს მკვდარი ყინულია. ის უბრალოდ დადნება და გაქრება. მისი ბოლო ოკეანეშია", - ამბობს მკვლევარი.
კვლევის ავტორებმა შეადარეს, თუ რა რაოდენობის თოვლი ემატებათ მყინვარებს და რა ნაწილი დნება და გამოთვალეს, რომ "გრენლანდიის ყინულის მთლიანი მოცულობის 3.3% მაინც გადნება, იმის მიუხედავად თუ რას მოიმოქმედებს მსოფლიო კლიმატის მდგომარეობის გასაუმჯობესებლად"- ამბობს კოლგანი.
- "27 სანტიმეტრი არც ისე ბევრი ჩანს, მაგრამ ეს საშუალო ციფრია. ზოგიერთ სანაპიროზე ზღვის დონე უფრო მეტად აიწევს", - ამბობს პროფესორი ელინ ენდერლინი.
მეცნიერებმა ყინულის გადნობის ზუსტი დრო არ იციან, მაგრამ ეს, საუკეთესო შემთხვევაში, 2150 წლისთვისაა მოსალოდნელი.
წყარო:time.com
იხილეთ ასევე:
მოამზადა: ანა სიბოშვილმა