21
მაისიდღის ზოგადი ასტროლოგიური პროგნოზი
აშშ-ში აცხადებენ, რომ რუსეთი ფლობს ირანულ საბრძოლო უპილოტო საფრენ აპარატებს, რომლებსაც ისინი, სავარაუდოდ, უკრაინაში გამოიყენებენ, - ინფორმაციას CNN-ი ჯო ბაიდენის ადმინისტრაციის წარმომადგენლებზე დაყრდნობით ავრცელებს.
ტელეკომპანიასთან საუბარში ოფიციალურმა პირებმა განაცხადეს, რომ რუსებმა დრონები მიმდინარე თვის დასაწყისში ირანის აეროდრომიდან წაიღეს და აგვისტოს შუა რიცხვებში სატვირთო თვითმფრინავებით რუსეთში გადაიტანეს.
აშშ-ში მიიჩნევენ, რომ რუსეთმა Mohajer-6, Shahed-129 და Shahed-191 ტიპის დრონები ოფიციალურად შეიძინა და, სავარაუდოდ, მათ უკრაინის ომში გამოიყენებს. CNN-ი განმარტავს, რომ აღნიშნულ უპილოტო საფრენ აპარატს მართვადი საბრძოლო მასალის გადატანა შეუძლია და მათი გამოყენება შესაძლებელია დაზვერვის განხორციელების მიზნითაც.
აშშ-ის ოფიციალური პირების თქმით, რუს ოპერატორებს ირანში ჯერ კიდევ უტარდებათ წვრთნები უპილოტო დრონების გამოყენებაზე. აშშ-ში ფიქრობენ, რომ რუსეთი ასობით დრონის იმპორტს გეგმავს.
ირანელები უპილოტო საფრენი აპარატების (უსა) დაპროექტებაში და წარმოებაში საკმაოდ წინ წასულები არიან. მათ სპეციალიზირებულ დამრტყმელ უპილოტო საფრენ აპარატებს (Striking unmanned aerial vehicle) სადაზვერვო ფუნქციების შესრულების გარდა შეუძლიათ მცირე ზომებისა და წონის რაკეტების გაშვება და ბომბების ჩამოყრა.
მსოფლიოში წარმოებული სხვა ანალოგიური უპილოტო საფრენი აპარატების მსგავსად ირანულ უსა-ს ახასიათებს ერთ-ერთი ძირითადი ნაკლოვანება - ეს არის მათი დაბალი კრეისერული სიჩქარე, რომელიც არ აღემატება 130 -150 კილომეტრს საათში, რაც მოწინააღმდეგის საჰაერო თავდაცვის სისტემებისათვის მარტივად გასანადგურებელია.
რაც შეეხება რუსეთს, ისინი საკმაოდ ჩამორჩებიან მსოფლიოს მოწინავე ქვეყნებს უპილოტო საფრენი აპარატების დაპროექტებაში და წარმოებაში, როგორებიცაა აშშ, ისრაელი, დიდი ბრიტანეთი, კანადა, ჩინეთი და თურქეთი.
ჰო ირანი როგორც ყოველთვის არასწირ გზას ირჩევს
რუსებს ეგ არ უშველის
ჩვენ ნუ გაგვიკვირდება ირანული პილიტიკა, სხვა არ გვახსოვს მათგან