რატომ არ ჩანდა საპენსიო დანაზოგი შესაბამის გვერდზე - "საპენსიო სააგენტო" განცხადებას ავრცელებს
საპენსიო სააგენტოს ინფორმაციით, მოქალაქეებს პირად საპენსიო გვერდებზე და ინტერნეტ ბანკში საპენსიო დანაზოგების შესახებ ინფორმაციაზე წვდომა შეზღუდული IT ინფრასტრუქტურის განახლების გამო ჰქონდათ. ამის შესახებ განცხადებას "საპენსიო სააგენტო“ ავრცელებს.
როგორც უწყებაში განმარტავენ, ამ ეტაპზე აღნიშნული განახლება დასრულებულია და კვლავაც ჩვეულ რეჟიმში ხელმისაწვდომია ყველა სერვისი და ინფორმაცია.
"საპენსიო სააგენტო პერიოდულად ახორციელებს IT ინფრასტრუქტურის განახლებას. როგორც იცით, ჩვენს მონაცემთა ბაზაში დაცულია მილიონობით მონაცემი და მათი დამუშავებისათვის მნიშვნელოვანია, რომ ინფრასტრუქტურა შესაბამისი დაცვისა და წარმადობის მოთხოვნებს აკმაყოფილებდეს. დღეს მიმდინარეობდა ერთ-ერთი ასეთი ტექნიკური განახლება, რომლის დროსაც შეზღუდული იყო წვდომა მონაწილეების პირად საპენსიო გვერდებზე და ინტერნეტ ბანკში საპენსიო დანაზოგების შესახებ ინფორმაციაზე. ამ ეტაპზე აღნიშნული განახლება დასრულებულია და კვლავაც ჩვეულ რეჟიმში ხელმისაწვდომია ყველა სერვისი და ინფორმაცია“, - ნათქვამია საპენსიო სააგენტოს განცხადებაში.