"ის ჩვენს ხარჯზე ცხოვრობს, ქვეყანაში, რომელსაც აგრესორს უწოდებს" - ვალერი მელაძის მოსკოვურ კლუბში გამოსვლამ პუტინის რეჟიმის მომხრეები აღაშფოთა

რუსეთის უკრაინაში შეჭრის შემდეგ, რუსეთში მცხოვრები ქართველი მომღერალი ვალერი მელაძე, არ მალავს უკმაყოფილებას პუტინის რეჟიმის აგრესიის გამო. მან ომის პირველივე დღეებში დაგმო რუსეთის მოქმედება, რის შემდეგაც რუსეთში აკრძალულ მუსიკოსებისა და მსახიობების სიაში ერთ-ერთი პირველი მოხვდა. როგორც რუსული მედია წერდა, მას კონცერტები გაუუქმეს. მომღერალმა სცენიდან წასვლაზეც კი გააკეთა განცხადება.

ვრცელდებოდა ინფორმაცია, რომ ქვეყნის დატოვებასაც აპირებდა.

როგორც ირკვევა, მელაძე ამჟამად რუსეთშია და მოსკოვის ერთ-ერთ კლუბში იმღერა. ამის ამსახველი ვიდეო "ტელეგრამში" გავრცელდა.

რუსი პროპაგანდისტები მელაძეს აკრიტიკებენ და ამბობენ, რომ ადამიანს, რომელიც რუსეთის მოქმედებებს განსჯის, ამ ქვეყანაში გამოსვლის და ფულის შოვნის უფლება არ უნდა ჰქონდეს. "ის ჩვენს ხარჯზე ცხოვრობს, ქვეყანაში, რომელსაც აგრესორს უწოდებს", - წერენ პუტინის რეჟიმის მომხრეები. წყარო

იხილეთ ასევე:

• რუსეთში გამოაქვეყნეს მუსიკოსების განახლებული "შავი სია" და ისინი რუსეთში უცხო ქვეყნის აგენტებად გამოაცხადეს - მათ შორის ორი ქართველია