ნენსი პელოსის ქმარს ავტომობილის ნასვამ მდგომარეობაში მართვა ედება ბრალად - მას საზოგადოებისთვის სასარგებლო შრომა დააკისრეს

აშშ-ის წარმომადგენელთა პალატის სპიკერის, ნენსი პელოსის ქმარს, პოლ პელოსს 5-დღიანი პატიმრობა მიესაჯა - მას ბრალად ედება ნასვამ მდგომარეობაში ავტომობილის მართვა. აღსანიშნავია, რომ გაფორმადა საპროცესო შეთანხმება და შედეგად პოლს ციხეში აღარ მოუწევს დროის გატარება.

მისჯილი ხუთი დღიდან საპატიმროში ორი დღე მაშინ გაატარა, როცა ავტოავარია მოხდა, ორი დღეც "კარგი ქცევისთვის" მოუხსნეს, ხოლო დანარჩენი დრო საზოგადოებისთვის სასარგებლო შრომა დააკისრეს.

82 წლის პოლ პელოსიმ აღიარა, რომ ალკოჰოლის ზემოქმედების ქვეშ მართავდა ავტომობილს. შემთხვევა 2022 წლის მაისში, კალიფორნიაში მოხდა. ის საკუთარ სახლთან პორშეთი დაეჯახა სხვა ავტომობილს.

პოლ პელოსი ასევე უნდა დაესწროს ცნობიერების ასამაღლებელ სამთვიან კურსს, რომელიც შეეხება იმას, თუ რა შეიძლება გამოიწვიოს ნასვამ მდგომარეობაში ავტომობილის მართვამ.

ნენსი პელოსის ოფისმა საკითხის კომენტირებაზე უარი განაცხადა და ჟურნალისტებს უთხრეს, რომ ეს "პირად თემას“ ეხებოდა.